Time Reference Nepal TRN

यिनै हुन् बीच बाटोमै कुटाइ खाने राइडरहरू 😳
यी दुई युवा हुन् भ्लगर विशाल तामाङ र लक्सकुमार राई। युट्युबमा ‘RG Rider Vlog’ र ‘RB Vlog Legend’ नामका च्यानल चलाउने उनीहरू हाल एक घटनाका कारण चर्चामा छन्। सामाजिक सञ्जालमा सार्वजनिक भएको भिडियोपछि धेरैले उनीहरूको पक्षमा समर्थन जनाइरहेका छन्।

उक्त घटना शनिबार दिउँसो करिब १२ बजेतिर तेलकोट (नगरकोट) क्षेत्रमा भएको बताइएको छ। भिडियोमा देखिएअनुसार, स्यान्ट्रो कारका चालकले राइडरद्वयमाथि अश्लील गालीगलौज गर्दै हातपात गरेका थिए। साथै, उनले गोप्रो क्यामेरा फुटाइदिने धम्की दिएको, बाइकको चाबी थुतेको र एउटा बाइक भुइँमा लडाइदिएको दृश्य पनि प्रस्ट देखिन्छ।

राइडरहरूले पटक–पटक “हाम्रो गल्ती भयो, सरी दाइ” भन्दै माफी माग्दा र आफूहरू घुम्न आएको मात्र बताउँदा पनि चालक शान्त नभएको भिडियोमा सुनिन्छ। उल्टै उनले “हाइवेमा जे पनि गर्दिन्छु” भन्दै दादागिरी देखाएको आरोप छ। अन्त्यमा, चालकले धम्की दिँदै राइडरमध्ये एक जनाको फोन नम्बरसमेत मागेर लगेको बताइएको छ।

कुटपिट र ज्यानमार्ने धम्कीपछि पीडितहरूले जिल्ला प्रहरी परिसर भक्तपुरमा जाहेरी दिएका छन्।
विशालको भनाइ छ, “हाम्रो कुनै गल्ती थिएन। उसको गल्ती हुँदा पनि उसकै क्षेत्र भन्दै हामीलाई कुटियो। हामीले जाहेरी दिएका छौँ, अब प्रहरीले के गर्छ हेरौँ।”

यो भिडियो सार्वजनिक भएपछि सामाजिक सञ्जालमा दुई जना भएर पनि किन प्रतिकार नगरेको भन्ने खालका विभिन्न प्रतिक्रिया पनि देखिएका छन्। 😳🤔

सर्लाही क्षेत्र नं. ४ को मतगणना परिणाम
समय: बिहान ७:४५ बजेसम्म
रास्वपा – घण्टी (अमरेश कुमार सिंह) : ४४९६ मत
काङ्ग्रेस – रुख (गगन थापा) : २५३० मत
नेकपा एमाले – सूर्य (अमनिश कुमार यादव) : ६४३ म
नेकपा – तारा (डा. रजनिश राय) : १४० मत
जसपा – छाता (रामेश्वर राय यादव) : ९ मत
जनमत – हरन (राकेश मिश्रा) : ३५८ मत