MONK IN WORLD
Share
Buddhism is real dharma,May god bless all the beings.🙏🏻🙏🏻🙏🏻
24/04/2026
Om Jambhala Jalendraye Svaha
22/04/2026
སྟོན་པ་སངས་རྒྱས་ཤཱཀྱ་ཐུབ་པའི་མཛད་རྣམ་མདོར་བསྡུས།
ང་ཚོ་ནང་པའི་ཆོས་ཐོག་མར་གསུང་མཁན་སྟོན་པ་ཤཱཀྱ་ཐུབ་པ་འཇིག་རྟེན་འདིར་མ་ཕེབས་པའི་གོང་དུ། དགའ་ལྡན་ལྷ་ཡུལ་དུ་ལྷའི་བུ་དམ་པ་ཏོག་དཀར་ཞེས་པ་དེ་ཡིན། ལྷ་ཡུལ་དུ་ཁོང་གིས་དགའ་ལྡན་གྱི་ལྷ་རྣམས་ལ་ཆོས་གསུངས་ཏེ་བཞུགས། དེ་ནས་སྔོན་གྱི་སྨོན་ལམ་གྱི་དབང་གིས་འཛམ་བུ་གླིང་གི་མི་རྣམས་ཚེ་ལོ་བརྒྱ་པའི་སྐབས་ཀྱི་གདུལ་བྱ་རྣམས་འདུལ་བའི་དུས་ལ་བབས་པར་གཟིགས་ནས། རྗེ་བཙུན་བྱམས་པ་མགོན་པོ་རྒྱལ་ཚབ་ཏུ་བསྐོས་ཏེ་གླང་ཆེན་ཐལ་ཀར་མཆེ་བ་དྲུག་ཡོད་པ་ཞིག་གི་ཚུལ་དུ་ཡུམ་སྒྱུ་མ་ལྷ་མཛེས་ཀྱི་ལྷུམས་སུ་ཞུགས་པདང༌། སྐབས་དེར་བཀྲ་ཤིས་པའི་རྟགས་མཚན་མང་པོ་བྱུང་བ་རེད། སྟོན་པ་ཤཱཀྱ་ཐུབ་པ་ནི་ཕྱི་ལོའི་སྔོན་གྱི་ལོ་ ༥༤༤ ལོར་རྒྱ་གར་གྱི་རྒྱལ་ཕྲན་སེར་སྐྱའི་གྲོང་ཁྱེར་དུ་ཡབ་རྒྱལ་པོ་ཟས་གཙང་མ་དང་ཡུམ་སྒྱུ་མ་ལྷ་མཛེས་གཉིས་ཀྱི་སྲས་སུ། ལུམྦི་ནིའི་ཚལ་དུ་(དེང་སང་བལ་པོའི་མངའ་ཁོངས་)ས་ག་ཟླ་བའི་ཚེས་བཅོ་ལྔའི་ཉིན་སྐུ་འཁྲུངས། སྐུ་
འཁྲུངས་ནས་ཞག་བདུན་གྱི་རྗེས་ཡུམ་སྐུ་གཤེགས་པས་སྐྱེ་དགུའི་བདག་མོ་སོགས་མ་མ་བརྒྱད་ལ་གཏད་ནས་སྐྱེད་སྲིང་གནང༌། ཁོང་གི་རིགས་ནི་རྒྱལ་རིགས་དང་རུས་ནི་གོའུ་ཏ་མའམ་ཤཱཀྱའི་རིགས་ཡིན་ནོ། །
སྐུ་འཁྲུངས་མ་ཐག་ཕྱོགས་བཞི་ལ་གོམ་པ་བདུན་བདུན་སྤོས་པའི་ཤུལ་དུ་མེ་ཏོག་པདྨ་རེ་རེ་བཞད་ཅིང་། ཁོང་གི་གསུང་ཐོག་མ་ནི། ང་ནི་འཇིག་རྟེན་འདི་ན་མཆོག་ཅེས་གསུངས། མཚན་མཁན་དྲང་སྲོང་ཨ་སི་ཏ་ཟེར་བས་སྐུ་ལུས་ཀྱི་ཁྱད་ཆོས་ཁག་ལ་བརྟག་དཔྱད་གནང་སྟེ་བུ་འདི་ཁྱིམ་དུ་བཞུགས་ན་འཁོར་ལོས་བསྒྱུར་བའི་རྒྱལ་པོ་དང་། རབ་ཏུ་བྱུང་ན་འཚང་རྒྱ་བར་འགྱུར་རོ་ཞེས་ལུང་བསྟན་གནང༌། སྐུ་ཆུང་དུས་ཀྱི་མཚན་ལ་གཞོན་ནུ་དོན་གྲུབ་ཟེར་ཞིང་། རིམ་བཞིན་ལང་ཚོ་རྒྱས་ཏེ་སློབ་དཔོན་ཀུན་གྱི་བཤེས་གཉེན་དང༌། ཡིག་མཁན་སྲིན་བུ་གོ་ཆ། ཞང་པོ་བཟང་པོ་ལེན་སོགས་ལས་ཡི་གེ་སོགས་རིག་པའི་གནས་དང༌། སྒྱུ་རྩལ་སྣ་ཚོགས་ལ་སྦྱངས། ཉིན་ཞིག་གཞོན་ནུ་དོན་གྲུབ་ཤིང་ཛམ་བུའི་འཁྲི་ཤིང་གི་འོག་ཏུ་སྒོམ་ལ་བཞུགས་ནས་ཉི་མ་ཕྱི་དྲོའི་དུས་སུ་ཡང་གྲིབ་ནག་གིས་ཁོང་གི་སྐུ་ལུས་མ་བང་བར་བསྡད་ཡོད་པ་ཡབ་རྒྱལ་པོ་སོགས་ཀྱིས་མཐོང་ནས་ངོ་མཚར་སྐྱེས། ཁོང་གིས་རྒྱུན་དུ་འགྲོ་བ་སེམས་ཅན་གྱི་སྡུག་བསྔལ་ལ་ཐུགས་བསམ་བཞེས་བཞིན་པ་ཡབ་རྒྱལ་པོས་མཁྱེན་ཏེ་རབ་ཏུ་བྱུང་བར་དོགས་པ་སྐྱེས་ནས་གྲགས་འཛན་མ་བཙུན་མོར་བསུས་ཏེ། དགུང་ལོ་ཉི་ཤུ་རྩ་དགུ་བར་དུ་རྒྱལ་པོའི་ཕོ་བྲང་དུ་བཞུགས། བཙུན་མོ་གྲགས་འཛིན་མ་ལ་སྲས་སྒྲ་གཅན་འཛིན་འཁྲུངས། ཉིན་ཞིག་ཁོང་གི་གྲོགས་པོ་འདུན་པ་དང་མཉམ་དུ་སེར་སྐྱའི་གྲོང་ཁྱེར་དང་ཕོ་བྲང་གི་ཕྱོགས་བཞིའི་སྒོ་བཞི་ལ་ཕེབས་དུས། སྐྱེ་རྒ་ན་འཆིའི་སྡུག་བསྔལ་གཟིགས་ནས་ངེས་འབྱུང་ཤུགས་དྲག་སྐྱེས་ཏེ། འཁོར་བ་ལ་སྙིང་པོ་མི་འདུག་དགོངས་ནས་རབ་ཏུ་བྱུང་འདོད་ཆེན་པོ་སྐྱེས། ཡབ་རྒྱལ་པོའི་བཀའ་ལྟར་ཕོ་བྲང་སྲུང་དམག་གིས་བསྐོར་ཡོད་ན་ཡང་མཚན་མོ་གསང་བའི་སྒོ་ནས་རྟ་མཆོག་བསྔགས་ལྡན་ལ་བཅིབས་ཏེ། མཆོད་རྟེན་རྣམ་དག་གི་དྲུང་དུ་ཕེབས་ནས་ཉིད་ཀྱི་དབུ་སྐྲ་ཉིད་ཀྱིས་བྲེགས་ཏེ་རྒྱལ་སྲིད་ལོངས་སྤྱོད་དང་བཅས་ཕངས་མེད་དུ་དོར་བ་དང་ཁྱིམ་ནས་ཁིམ་མེད་པར་རབ་ཏུ་བྱུང། ཆུ་བོ་ནཻ་རཉྫ་ནའི་འགྲམ་དུ་ལོ་ངོ་དྲུག་རིང་ཉིན་ལྟར་ཏིལ་འབྲུ་བདུན་དང་། མོན་སྲན་རྡོག་བདུན་ཙམ་བཞེས་ནས་དཀའ་བ་སྤྱད་པས་སྐུ་གཟུགས་སྐམ་ལ་རིད་པར་གྱུར་ཏེ་མི་རྣམས་ཀྱིས་དུར་ཁྲོད་ཀྱི་འདྲེ་རེད་བསམས་ཤིང། ཁོང་ལ་དགེ་སྦྱོང་ནག་པོ་ཞེས་མཚན་མི་སྙན་པ་ཞིག་ཀྱང་བཏགས།
དེའི་ཚེ་གྲོང་ཁྱེར་སྡེ་ཅན་གྱི་ཕྱུག་པོའི་བུ་མོ་ལེགས་སྐྱེས་མ་ཞེས་པས་སྙན་གྲགས་ཆེ་བའི་རྒྱལ་སྲས་གཞོན་ནུ་དོན་གྲུབ་ཀྱི་བཙུན་མོ་བྱེད་འདོ་ནས་བྲམ་ཟེ་ལ་ཐབས་དྲིས་དུས། དྲང་སྲོང་དཀའ་ཐུབ་ལ་གནས་པར་འོ་ཐུག་གི་མཆོད་པ་ཕུལ་ནས་སྨོན་ལམ་བཏབ་ན་འདོད་དོན་འགྲུབ་པར་འགྱུར་ཞེས་གསུངས།ཁོ་མོས་བ་མོ་སྟོང་གི་འོ་མའི་ཉིང་བཅུད་དུ་སྦྲང་རྩི་སོགས་བསྲེས་པའི་འོ་ཐུག་དེ་དྲང་སྲོང་དཀའ་ཐུབ་ཅན་ཡག་ཤོས་ཅིག་ལ་ཕུལ་དགོས་བསམ་ནས་ཡོད་སབས། ལྷའི་སྤྲུལ་བ་བྲམ་ཟེ་ཞིག་གིས་དེ་ནི་ཆུ་བོ་ནཻ་རཉྫ་ནའི་འགྲམ་ན་བཀའ་བ་སྤྱད་དེ་བཞུགས་ཡོད་པའི་དྲང་སྲོང་དེ་ལ་ཕུལ་ན། བསམ་དོན་ཐམས་ཅད་འགྲུབ་པར་འགྱུར་རོ་ཞེས་བཤད་པ་ལྟར། བུ་མོ་ལེགས་སྐྱེས་མས་འོ་ཐུག་ཕུལ་ནས་འདོད་དོན་ཞུས་པས། རྒྱལ་བུ་དོན་གྲུབ་རབ་ཏུ་བྱུང་ཚར་བ་ཤེས་ཏེ། གཞོན་ནུ་ཁོང་གི་བསམ་དོན་ཐམས་ཅད་འགྲུབ་པར་ཤོག་ཅེས་སྨོན་ལམ་བཏབ། འོ་ཐུག་སྦྲང་རྩིའི་སྙིང་པོ་ཕུལ་བ་ལ་བརྟེན་ནས་སངས་རྒྱས་ཀྱི་སྐུ་མདོག་སྔར་ལྟར་མདངས་དང་ལྡན་པར་གྱུར། རྩྭ་འཚོང་ཁྱེའུ་བཀྲ་ཤིས་ལས་རྩྭ་ཀུ་ཤ་བསླངས་ཏེ་གནས་མཆོག་རྡོ་རྗེ་གདན་གྱི་བྱང་ཆུབ་ཤིང་དྲུང་དུ་བདག་གི་ལུས་སྐམ་ནས་པགས་པ་དང་རུས་པ་རྣམས་ོར་ཞིག་ཏུ་སོང་ཡང་ང་སངས་མ་རྒྱས་བར་དུ་སྟན་འདི་ལས་མི་ལངས་ཞེས་དམ་བཅའ་བཞག་སྟེ་ཏིང་ངེ་འཛིན་ལ་བཞུགས། དེ་ནས་བདུད་ཀྱིས་བར་ཆད་སྣ་ཚོགས་བཏང་ཡང། ཁོང་གིས་བྱམས་པའི་ཏིང་ངེ་འཛིན་གྱི་སྟོབས་ལ་བརྟེན་ནས་བདུད་ཀྱི་མཚོན་ཆ་རྩུབ་མོ་འཕངས་པའང་འཇམ་པའི་མེ་ཏོག་ཏུ་གྱུར། དགུང་གྲངས་སུམ་ཅུ་སོ་ལྔའི་སྟེང་གནས་མཆོག་རྡོ་རྗེ་གདན་གྱི་བྱང་ཆུབ་ཤིང་དྲུང་དུ་མངོན་པར་རྫོགས་པ་སངས་རྒྱས་པའི་མཛད་པ་བསྟན། ཚོང་པ་ག་གོན་དང་བཟང་པོ་གཉིས་ཀྱིས་བསོད་སྙོམས་ཐོག་མ་ཕུལ་བ་སངས་རྒྱས་ཀྱིས་བཞེས་རྗེས་སྐུ་ལ་རླུང་གི་སྙུན་གཞི་བཞེས། སྐབས་དེར་བདུད་སྡིག་ཏོ་ཅན་མ་དགའ་བར་སངས་རྒྱས་སྐུ་གཤེགས་ཀྱི་རེད་ཅེས་གཏམ་ངན་གང་སར་བཤད་པ་དེ་སངས་རྒྱས་ཀྱིས་གསན་ནས་ངས་ཆོས་འཁོར་ཡོངས་སུབསྐོར་མ་ཚར་བར་དུ་མྱ་ངན་ལས་མི་འདའ་ཞེས་གསུངས། ལྷ་ཚངས་པས་སངས་རྒྱས་ལ་ཡུལ་དེའི་ཉེ་འདབས་ན་སྨན་ཨ་རུ་རའི་ནགས་ཚལ་ཞིག་ཡོད་པ་དེ་ནས་ཨ་རུ་ར་བཞེས་ན་སྐུའི་སྙུན་གཞི་ཡོངས་སུ་དྭངས་ཀྱི་རེད་གསུངས་པ་ལྟར་གནང་བས་སྙུན་གཞི་ལས་ཐར་བ་རེད། དེ་ནས་དམ་པའི་ཆོས་ཀྱི་ཆེ་བ་འདོན་ཕྱིར་དང༌། ཆོས་ཀྱི་དོན་སུ་ལ་བཤད་ཀྱང་གོ་བར་མི་ནུས་པས་ཞག་བཞི་བཅུ་ཞེ་དགུའི་རིང་ཆོས་མ་གསུངས་པར་བཞུགས་པ་རེད། ལྷ་ཚངས་པས་ཆོས་ཀྱི་འཁོར་ལོ་རྩིབས་སྟོང་དང་ལྡན་པ་དང་བརྒྱ་བྱིན་གྱིས་ཆོས་དུང་དཀར་པོ་གཡས་སུ་འཁྱིལ་བ་ཕུལ་ནས། ཆོས་ཀྱི་འཁོར་ལོ་བསྐོར་བར་སྐུལ་མ་གནང་བ་ལྟར་གནས་མཆོག་ཝཱ་རཱ་ཎ་སཱིར་འཁོར་ལྔ་སྡེ་བཟང་པོ་སྟེ། ཀུན་ཤེས་ཀཽཎྜི་ནྱ་དང་། རྟ་ཐུལ། རླངས་པ། མིང་ཆེན། བཟང་ལྡན་བཅས་ལ་བདེན་བཞིའི་ཆོས་འཁོར་དང་པོ་བསྐོར། ལྷ་ཚངས་པ་དང་བརྒྱ་བྱིན་གྱིས་འཁོར་ལོ་དང་དུང་དཀར་ཕུལ་སྐབས་རི་དྭགས་རུ་རུ་ཕོ་མོ་གཉིས་སློབ་མའི་ཚུལ་དུ་བསྡད་པ་སོགས་རྟེན་འབྲེལ་བཟང་པོ་བུང་བར་བརྟེན། དེང་སང་ཡང་ལྷ་ཁང་དང་དགོན་སྡེ་ཁག་གི་སྒོ་སྟེང་དུ་ཆོས་འཁོར་དང་རི་དྭགས་ཕོ་མོའི་གཟུགས་བརྙན་འཇོག་སྲོལ་ཡོད་པ་དེ་ལས་བྱུང་བ་རེད། མ་ག་དྷའི་རྒྱལ་པོ་གཟུགས་ཅན་སྙིང་པོས་སངས་རྒྱས་འཁོར་དང་བཅས་པ་ཡུལ་མ་ག་དྷར་གདན་ཆོས་འཁོར་དང་རི་དྭགས་ཕོ་མོའི་གཟུགས་བརྙན་འཇོག་སྲོལ་ཡོད་པ་དེ་ལས་བྱུང་བ་རེད། མ་ག་དྷའི་རྒྱལ་པོ་གཟུགས་ཅན་སྙིང་པོས་སངས་རྒྱས་འཁོར་དང་བཅས་པ་ཡུལ་མ་ག་དྷར་གདན་དྲངས་ནས་ཆོས་ཞུས་པ་དང་། སངས་རྒྱས་ཀྱི་བཀའ་ལྟར་སློབ་མ་ཉན་ཐོས་འོད་སྲུང་གིས་རྫུ་འཕྲུལ་མང་པོ་བསྟན་ཏེ། རྒྱལ་བློན་རྣམས་ངོ་མཚར་སྐྱེས་ནས་སངས་རྒྱས་ལས་ཆོས་ཞུས་པ་མ་ཟད། ཚང་མས་དགེ་བསྙེན་གྱི་སྡོམ་པའང་ཞུས་པ་རེད། དེ་ནས་བྱ་རྒོད་ཕུང་པོའི་རིར་ཆོས་འཁོར་གཉིས་པ་བསྐོར་བ་དང་། ཆོས་འཁོར་མཐའ་མ་ཡུལ་ཡངས་པ་ཅན་དུ་བསྐོར། རྒྱ་གར་ལྷོ་ཕྱོགས་དཔལ་ལྡན་འབྲས་དཀར་སྤུངས་པའི་ཡུལ་དུ་གསང་སྔགས་རྡོ་རྗེ་ཐེག་པའི་ཆོས་འཁོར་བསྐོར། སངས་རྒྱས་བཅོམ་ལྡན་འདས་དགུང་གྲངས་ཞེ་གཅིག་སྟེང་ཡུམ་གྱི་བཀའ་དྲིན་འཇལ་ཕྱིར་ལྷ་ཡུལ་དུ་ཕེབས་ནས་བོད་ཟླ་དགུ་པའི་ཚེས་ཉེར་གཉིས་ཉིན་ཕྱིར་མ་ཡུལ་དུ་ཕེབས་སྟབས། དགུ་པའི་ཉེར་གཉིས་ཉིན་ལྷ་བབ་དུས་ཆེན་ཡིན་པ་དང་། དགུང་གྲངས་ལྔ་བཅུ་ང་བདུན་ལོར་མཉན་ཡོད་དུ་ཆོ་འཕྲུལ་བསྟན་ནས་མུ་སྟེགས་པ་རྣམས་ཕམ་པར་མཛད། མགོན་མེད་ཟས་སྦྱིན་གྱིས་སངས་རྒྱས་ཀྱི་མཚན་ཐོས་ནས་དད་པ་སྐྱེས་ཏེ་མཇལ་འདོད་ཆེན་པོ་བྱུང་། བསིལ་བ་ཚལ་གྱི་དུར་ཁྲོད་དུ་ཕེབས་ནས་སངས་རྒྱས་མཇལ་རྗེས། ཀུན་དགའ་ར་བ་ཞིག་བཞེངས་རྒྱུ་ཡིན་ལུགས་ཞུས་པར་བཞེངས་རོགས་ལ་སྟོན་པའི་སློབ་མ་ཤཱ་རིའི་བུ་བཏང་བ་དང་། མགོན་མེད་ཟས་སྦྱིན་གྱིས་རྒྱལ་བུ་རྒྱལ་བྱེད་ཟེར་བ་དེའི་སྐྱེད་མོས་ཚལ་ཡོངས་རྫོགས་ལ་གསེར་བཀྲམ་ནས་ཉོས་པའི་ཤུལ་དུ་ཀུན་དགའ་ར་བ་བཞེངས། དེ་ནས་སངས་རྒྱས་འཁོར་དང་བཅས་པ་མཉན་ཡོད་དུ་གདན་དྲངས་ནས་ཆོས་ཞུས། སངས་རྒྱས་ཀྱི་ཡབ་རྒྱལ་པོ་ཟས་གཙང་མས་ནྱ་གྲོ་དྷའི་ཀུན་དགའ་ར་བ་བཞེངས་ནས་སེར་སྐྱའི་གྲོང་དུ་སངས་རྒྱས་ཀྱི་ཆོས་གསུང་སྐབས་མི་རྣམས་ལ་རྒྱུན་ཞུགས་ཀྱི་ལམ་ཐོབ་ན་ཡང་། ཡབ་རྒྱལ་པོ་ཟས་གཙང་མ་དང་ལྷས་བྱིན་གཉིས་ལ་རྒྱུན་ཞུགས་ཀྱི་ལམ་མ་ཐོབ། རྒྱུ་མཚན་ནི་ཡབ་རྒྱལ་པོས་སངས་རྒྱས་ངའི་བུ་ཡིན་བསམ་པའི་སྤྲོ་སྣང་ཆེ་དྲགས་པ་དང་། ལྷས་བྱིན་སངས་རྒྱས་ལ་ཕྲག་དོག་དང་འགྲན་སེམས་སྐྱེས་སྟབས་རྒྱུན་ཞུགས་ཀྱི་ལམ་མ་ཐོབ་པ་རེད། ལྷས་བྱིན་གྱིས་སངས་རྒྱས་འཁོར་དང་བཅས་པའི་སྟེང་དུ་གླང་ཆེན་སྨྱོན་པ་བཏང་བ་དང་དགེ་འདུན་པའི་བར་དབྱེན་སྦྱོར་དཀྲུག་ཤིང་བྱས། དགུང་གྲངས་བརྒྱད་ཅུ་གྱ་གཅིག་ལོར་རྩྭ་མཆོག་དྲུང་དུ་གདུལ་བྱ་རྟག་འཛིན་ཅན་རྣམས་འདུལ་བའི་ཕྱིར་དུ་སེང་གེའི་བཏང་བ་དང་དགེ་འདུན་པའི་བར་དབྱེན་སྦྱོར་དཀྲུག་ཤིང་བྱས། དགུང་གྲངས་བརྒྱད་ཅུ་གྱ་གཅིག་ལོར་རྩྭ་མཆོག་དྲུང་དུ་གདུལ་བྱ་རྟག་འཛིན་ཅན་རྣམས་འདུལ་བའི་ཕྱིར་དུ་སེང་གེའི་འགྱིང་སྟངས་དང་བཅས་སྐུ་མྱ་ངན་ས་འདས་པའི་ཚུལ་བསྟན། སྐུ་གདུང་ཞུགས་འབུལ་བྱས་པ་ལས་བྱུང་བའི་རིང་བསྲེལ་རྣམས་ རྒྱལ་པོ་མ་སྐྱེས་དགྲ་སོགས་ཀྱིས་ཆ་བརྒྱད་དུ་བགོས་ཏེ་གཟུངས་སུ་ཕུལ་ནས་དབྱིབས་མི་འདྲ་བའི་མཆོད་རྟེན་བརྒྱད་བཞེངས། སངས་རྒྱས་ལ་མཚན་བཟང་པོ་སུམ་ཅུ་སོ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་ཡོད་པ་དང་། སངས་རྒྱས་བཅོམ་ལྡན་འདས་ལ་སྟོན་པ་ཟེར་དོན་ནི། ཁོང་ཆོས་གསུང་བ་པོའམ་ཆོས་སྟོན་པ་པོ་ཡིན་པས་སྟོན་པ་ཟེར་བ་ཡིན་ལ། སངས་རྒྱས་ཀྱིས་གསུངས་པའི་ཆོས་དཀོན་མཆོག་ལ་ཐོས་བསམ་སྒོམ་གསུམ་བྱས་ན་རང་ཉིད་འཁོར་བ་དང༌ངན་སོང་གི་གནས་ལས་ཐར་ཐུབ་པ་དང༌། ཐར་པ་ཐོབ་པ་ལ་གྲོགས་འཕགས་པའི་དགེ་འདུན་ལ་བརྟེན་དགོས་སྟབས་དེ་གསུམ་ལ་སྐྱབས་གནས་དཀོན་མཆོག་གསུམ་ཟེར་ཞིང་། སྙིང་ཐག་པ་ནས་དཀོན་མཆོག་གསུམ་ལ་སྐྱབས་སུ་འགྲོ་མཁན་ཚང་མ་ནང་པ་དང་ནང་པ་སངས་རྒྱས་པའི་ལྟ་བ་རྟེན་འབྱུང་དང༌སྤྱོད་པ་འཚེ་བ་མེད་པ་ཡིན།
22/04/2026
9)གཏེར་སྟོན་བརྒྱ་རྩའི་རྣམ་ཐར། ༩༽མཁའ་འགྲོ་ཡེ་ཤེས་མཚོ་རྒྱལ།
22/04/2026
8)གཏེར་སྟོན་བརྒྱ་རྩའི་རྣམ་ཐར། ༨༽ གཉགས་ལོ་ཡེ་ཤེས་གཞོན་ནུ།
༄༅།།ཟབ་མོའི་གཏེར་དང་གཏེར་སྟོན་གྲུབ་ཐོབ་ཇི་ལྟར་བྱོན་པའི་ལོ་རྒྱུས་མདོར་བསྡུས་བཀོད་པ་རིན་ཆེན་བཻཌཱུརྻའི་ཕྲེང་བ་ཞེས་བྱ་བ་བཞུགས་སོ། །
གཉགས་ལོ་ཡེ་ཤེས་གཞོན་ནུ།
གཉགས་ལོ་ཡེ་ཤེས་གཞོན་ནུ་ནི། འཁྲུངས་ཡུལ་ཡར་ལུང་ཤེར་པའམ་འཕྱོས། རུས་ལས་མིང་དུ་ཆགས་པ་གཉགས་སྟག་སྒྲ་ལྷ་སྣང་། སྲུ་བཟའ་མགོན་སྐྱིད་གཉིས་ཀྱི་སྲས་སུ་འཁྲུངས། མགྲིན་པ་ན་སྨེ་བ་རྡོ་རྗེ་རྒྱ་གྲམ་གྱི་ཚུལ་དུ་ཡོད། མཚན་རྒྱལ་བའི་བློ་གྲོས་སུ་བཏགས། མཁན་ཆེན་བོ་དྷི་སཏྭ་ལས་རབ་ཏུ་བྱུང་ཞིང་བསྙེན་པར་རྫོགས། མཁྱེན་རབ་བསམ་གྱིས་མི་ཁྱབ་པས་མདོ་སྔགས་ཀྱི་ཆོས་མང་དུ་བསྒྱུར། སློབ་དཔོན་ཆེན་པོ། བི་མ་ལ། བཻ་རོ། གཡུ་སྒྲ་རྣམས་བསྟེན་པས་བཀའི་ཆུ་བོ་བཞི་འདུས་པས། སྔ་འགྱུར་རྡོ་རྗེ་ཐེག་པའི་བསྟན་པ་དང་པོ་གཉགས་ལ་བབས་ཞེས་འབྱུང་། གཙོ་བོར་ཕུར་པ་ལ་མངོན་རྟགས་བརྙེས་པས་རྫུ་འཕྲུལ་གྱི་མཐུ་གྲུབ། ཕུར་པ་གཉགས་ལུགས་ཞེས་ཕྱིས་ཀྱི་བར་དུ་དར་རྒྱས་ཆེ་བ་དང་། སློབ་དཔོན་ཆེན་པོས་བཀའ་བརྒྱད་ཀྱི་དབང་བསྐུར་དུས་རྒྱལ་པོ་དང་ལྷན་ཅིག་དབུས་ཀྱི་ཆེ་མཆོག་ལ་མེ་ཏོག་ཕོག་པས། གསང་མཚན་དྲི་མེད་ཟླ་ཤར་ཏེ་བདུད་རྩི་སྨན་གྱི་བཀའ་བབས། སྒྲུབ་གནས་ཡར་ལུང་ཤེལ་བྲག་ནས་རྫུ་འཕྲུལ་གྱིས་སྒྲུབ་ཆུ་བཏོན་པ་ད་ལྟའང་ཡོད། ཡང་ངན་ལམ་རྒྱལ་བ་མཆོག་དབྱངས་དང་ལྷན་ཅིག་ཡེར་པར་སྒྲུབ་པ་མཛད་པས་གྲུབ་པ་ཐོབ་སྟེ་བྱ་རོག་ཞིག་ཏུ་བརྫུས་ནས་གྲོགས་པོའི་རྩར་བྱོན་པས་རྒྱལ་བ་མཆོག་དབྱངས་ཀྱིས་ཀྱང་ངོ་མཁྱེན་པས། སླར་རྔ་མོ་ཆུང་ངུ་ཞིག་ཏུ་སྤྲུལ་ནས་བསྐོར་བ་ལན་གསུམ་བྱས་ནས་མཆོག་དབྱངས་ལ་སྤྱང་རབ་བྱུང་གསུངས་སྐད་དེ། དབེན་པ་དེར་དེང་སང་ཡང་བྱ་རོག་རྫོང་དུ་གྲགས། བཀའ་བབས་མི་བརྒྱད་ཀྱི་དུས་གཉགས་མི་བགྲང་བའང་འདུག་སྟེ། དབང་པོའི་སྡེས་ཀྱང་བགྲང་བར་མ་གནང་ཡང་འདིར་བཀའ་བརྒྱད་བདེར་འདུས་ལྟར་བྲིས་སོ། །གང་ལྟར་ཡང་མདོ་སྒྱུ་སེམས་གསུམ་གྱི་བསྟན་པའི་མངའ་བདག་ཏུ་གྱུར། སློབ་མ་སོག་པོ་དཔལ་གྱི་ཡེ་ཤེས་སོགས་དཔལ་གྱི་བུ་བརྒྱད་དུ་གྲགས་པ་དང་། དབོན་རྒྱུད་རྣམས་ལས་ཀྱང་ཕྲིན་ལས་རྒྱ་ཆེར་བྱུང་། འདིའི་རྣམ་འཕྲུལ་ཡར་སྟོད་ར་མོ་ཤེལ་སྨན་དང་། བྱ་རོང་ཨེ་ཡི་སྨན་པ་ཉི་འོད་གསལ་སོགས་སྤྲུལ་པའི་གཏེར་སྟོན་ཅི་རིགས་པ་བྱོན་པར་སྣང་།
28/01/2024
རྒྱལ་བ་ཀུན་གྱི་ཡེ་ཤེས་གཅིག་བསྡུས་པ།།
མཁྱེན་རབ་ཆོས་ཀྱི་ཉི་མ་འབྱམས་སུ་ཀླས།།
ཀློང་ཆེན་རབ་འབྱམས་ཞབས་ལ་གསོལ་བ་འདེབས།།
ཕྱོགས་མེད་ཤེས་རབ་མཆོག་གི་དངོས་གྲུབ་སྩོལ།།
13/01/2024
བླ་མའི་སྐུ་པར་བྱིན་ཅན།🙏🙏🙏
Click here to claim your Sponsored Listing.
Category
Contact the public figure
Telephone
Website
Address
Opening Hours
| Monday | 07:00 - 19:02 |
| Tuesday | 07:00 - 20:00 |
| Wednesday | 07:00 - 20:00 |
| Thursday | 07:00 - 20:00 |
| Friday | 07:00 - 20:00 |
| Saturday | 08:00 - 19:00 |
| Sunday | 07:00 - 20:00 |
