Routine Of Kitab Banda

१५ लाख रुपैयाँ नक्कली नोटसहित प्रहरीले ९ जनालाई पक्राउ गरेको छ । प्रहरीका अनुसार बिहीबार काठमाडौं थानकोटबाट नेपाली जाली (नक्कली) नोटसहित केही व्यक्ति पक्राउ परेको र अनुसन्धानका क्रममा भक्तपुर चाँगुनारायण नगरपालिका–४ बुढाथोकी गाउँस्थित सिन्धुपाल्चोक बलेफी नगरपालिका–७ का ४० वर्षीय अर्जुन सुवेदीको कोठाबाट नक्कली नोट सहित नोट बनाउन प्रयोग गरिएको सामान बरामद गरेको छ ।

डेंगी संक्रमणले यस वर्ष ११ जनाको मृत्यु भइसकेको छ । उनीहरू सबै धरानका हुन् । मृत्यु भएकामध्ये अधिकतर व्यक्ति दीर्घ रोगी, जटिल स्वास्थ्य स्थिति भएका र बूढापाका रहेको इपिडिमियोलोजी तथा रोग नियन्त्रण महाशाखा (ईडीसीडी) ले जनाएको छ ।

प्रधानमन्त्री पुष्पकमल दाहालकी पत्नी सीता दाहालको अन्त्येष्टि आजै गरिने भएको छ । बुधबार बिहान थापाथलीस्थित नर्भिक अस्पतालमा उपचारको क्रममा निधन भएकी दाहालको अन्तिम संस्कार बुधबार दिउँसो २ बजे पशुपति आर्यघाटमा गरिने सचिवालयले जनाएको छ ।