No Rupees Saved-NRS

😂😂😂😂
संसद बैठक बिचमै छोडेर हिडेका प्रधानमन्त्री बालेन शाह को चौतर्फी आलोचना

र
माग्ने बुढा को फेसबुक स्टाटस

"किन उठेर हिन्या रे ? उठेर हिन्दा त यति कुरा काट्या छन्, झन् बसेर हिन्या भए त कति कुरा काट्दाहुन् ? 😂"
***n

हर्कराज राई लाई प्रतिनिधिसभा सचिव पदबाट हटाइएको छ। सभामुख डोलप्रसाद अर्याल को सिफारिसमा राष्ट्रपति रामचन्द्र पौडेल ले उनलाई पदमुक्त गरेका हुन्।

राष्ट्रपति कार्यालयले जारी गरेको विज्ञप्तिअनुसार संघीय संसद्का महासचिव, प्रतिनिधिसभाका सचिव तथा राष्ट्रियसभाका सचिवको पारिश्रमिक, सेवाको शर्त र सुविधा सम्बन्धी ऐन, २०७५ को दफा ६ (ङ) बमोजिम वैशाख २९ गतेदेखि लागू हुने गरी राईलाई पदबाट हटाइएको हो। उक्त कानुनी व्यवस्थाअनुसार सभामुखको सिफारिसमा राष्ट्रपतिले प्रतिनिधिसभा सचिवलाई नियुक्त वा पदमुक्त गर्न सक्ने प्रावधान छ।

यसअघि सभामुख अर्यालले राईसँग लिखित स्पष्टीकरणसमेत मागेका थिए। स्रोतहरूका अनुसार संसदीय विषयगत समितिहरूलाई प्रभावकारी रूपमा सक्रिय बनाउन नसकेको, संसद् बैठक सञ्चालनका क्रममा सांसदहरूलाई बोल्ने समय निर्धारणमा पक्षपातपूर्ण प्रस्ताव ल्याएको लगायतका विषयमा उनीसँग स्पष्टीकरण सोधिएको थियो।

हर्कराज राई तत्कालीन सभामुख देवराज घिमिरे को सिफारिसमा २०८१ पुस १६ गते प्रतिनिधिसभा सचिवमा नियुक्त भएका थिए।

संसद् सचिवालयभित्र पछिल्लो समय प्रशासनिक कार्यसम्पादन, समितिहरूको सुस्त गतिविधि तथा बैठक व्यवस्थापनलाई लिएर असन्तुष्टि बढिरहेका बेला यो निर्णय आएको राजनीतिक वृत्तमा चर्चा छ। यद्यपि, यस विषयमा हर्कराज राईको औपचारिक प्रतिक्रिया सार्वजनिक भइसकेको छैन।