माटो

मेरो Harka Sampang तथा श्रम संस्कृति पार्टीका माननीय सांसदज्यूहरूमा हार्दिक अनुरोध,

तपाईँहरूले अघि सारेका एजेन्डाहरू वास्तवमै जनतामुखी र परिवर्तनमुखी भएकाले नै हामी जस्ता सर्वसाधारणले तपाईँहरूलाई समर्थन गर्दै आएका हौं। यही विश्वासलाई अझ मजबुत बनाउनका लागि मेरो विनम्र आग्रह छ तपाईँहरू परम्परागत राजनीतिक शैलीभन्दा फरक, पारदर्शी र उत्तरदायी उदाहरण बन्नुहोस्।

सांसदको रूपमा कुनै पनि भत्ता वा तलब लिनु अघि नै आफ्नो सम्पत्ति विवरण पूर्ण रूपमा सार्वजनिक गरी सम्पूर्ण जनतासामु स्पष्ट पारिदिनुहोस्। साथै, पदमा रहँदा र पदबाट बाहिरिएपछि पनि आफ्नो सम्पत्तिको विवरण समय–समयमा निष्पक्ष र पारदर्शी ढंगले सार्वजनिक गर्दै जानुहोस्।

अरूलाई प्रश्न उठाउनु अघि आफैंप्रति कडा र इमानदार प्रश्न गर्ने अभ्यासले मात्र सच्चा नेतृत्वको पहिचान दिन्छ। त्यसैले आत्मउत्तरदायित्व र पारदर्शितालाई पहिलो प्राथमिकतामा राख्दै अघि बढ्नुभयो भने, तपाईँहरू अवश्य पनि जनताले चाहेको आदर्श नेतृत्वको रूपमा स्थापित हुनुहुनेछ।

धन्यवाद।