हरेक खबर अनलाइन All in one

प्रधानमन्त्री बालेन शाहले थापाथलीस्थित सुकुमबासी बस्ती खाली गराउन सुरक्षा निकायलाई आइतबारसम्मको समयसीमा दिएका छन्। यो बस्ती व्यवस्थापनका लागि बाबुराम भट्टराई प्रधानमन्त्री हुँदा २०७० सालमै इचंगुनारायणमा १४ करोडको लागतमा २३३ परिवार अट्ने अपार्टमेन्ट निर्माण गरिएको थियो।

यद्यपि, २०७३ सालमा निर्माण सम्पन्न भइसकेका ती भवनहरू सुकुमबासीहरूले पायक नपर्ने भन्दै जान अस्वीकार गरेपछि झन्डै एक दशकदेखि प्रयोगविहीन अवस्थामा छन्। राज्यले विकल्प नदिई बल प्रयोग गर्न खोजेको आरोप लागिरहेका बेला, प्रधानमन्त्री बालेनले भने करोडौँ खर्चेर बनाइएको विकल्पलाई लत्याइएको भन्दै अन्तिम 'अल्टिमेटम' मार्फत बस्ती हटाउने तयारी अघि बढाएका हुन्।