Troll Simara

Ani k cha ta garib haru? 😆

Share please. Your voice matters 🙏

मेरो प्रश्न अब बन्न गइरहेको सरकार, विशेष गरी बालेन शाह, रवि लामिछाने र उहाँहरूको पार्टीतर्फ सीधै छ। आज देशका करोडौँ नागरिकले तपाईंहरूलाई आशाको किरणको रूपमा हेरेका छन्। वर्षौँदेखि निराशा, अन्याय र दण्डहीनताबाट थाकेका जनताले अब परिवर्तनको जिम्मेवारी तपाईंहरूलाई सुम्पिएका छन्।
सरकार औपचारिक रूपमा बनेको नबनेको कुरा आफ्नो ठाउँमा छ, तर जिम्मेवारी भने सुरु भइसकेको छ। चुनावी सभाहरूमा तपाईंहरूले बारम्बार भन्नुभएको थियो— “मलाई भोट नदिए पनि हुन्छ, मलाई काम दिनुहोस्।” आज त्यो काम तपाईंहरूको अगाडि ठडिएको छ।
सुर्खेतमा १६ वर्षीया नाबालिका इनिशा बिकमाथि भएको बलात्कारपछि हत्या कुनै सामान्य घटना होइन। यो हाम्रो समाजको पीडा, राज्यको कमजोरी र न्याय प्रणालीको परीक्षा हो। यस्ता घटनाहरूमा वर्षौँदेखि पीडित परिवार न्यायको खोजीमा भौतारिन्छन्, तर अपराधीहरू प्रभाव, शक्ति र पैसाको आडमा बच्ने गरेका छन्।
आज प्रश्न उठेको छ—
जब देशले तपाईंहरूलाई आशाको प्रतीक मानेर जिम्मेवारी दिएको छ, के तपाईंहरू इनिशा बिकका लागि न्यायको लडाइँ लड्नुहुन्छ कि लड्नुहुन्न?
अरू बेला ठूला-ठूला भाषण गर्ने, सामाजिक सञ्जालमा पोस्ट गर्ने, अन्यायविरुद्ध आवाज उठाउने— आज त्यही आवाज किन सुनिँदैन?
आज बोल्ने मात्र होइन, काम गरेर देखाउने समय हो।
यो मुद्दा कुनै एक परिवारको मात्र पीडा होइन, यो पूरै देशका छोरीहरूको सुरक्षा र न्यायको प्रश्न हो। यदि आज पनि यस्तो घटनामा राज्य चुप बस्छ भने, फेरि अर्को निर्मला पन्त, अर्को निरु बीके, अर्को इनिशा बीके जन्मिने क्रम रोकिने छैन।
त्यसैले हाम्रो सीधा प्रश्न छ—
अब तपाईंहरू केवल बोल्नुहुन्छ कि न्याय दिलाउनका लागि ठोस कदम चाल्नुहुन्छ?
जनताले तपाईंहरूलाई सत्ता मात्र होइन, विश्वास दिएका छन्। अब त्यो विश्वास जोगाउने कि गुमाउने भन्ने निर्णय तपाईंहरूकै हातमा छ।