PSA Region IVA Rizal

PANOORIN | Personal na pinangunahan ni Philippine Statistics Authority (PSA) Undersecretary Claire Dennis S. Mapa, PhD, National Statistician and Civil Registrar General, kasama si PSA Negros Island Region OIC Regional Director John F. Campomanes, ang mga inisyatibang naglalayong ilapit ang mahahalagang serbisyo ng PSA sa mga komunidad sa Negros Occidental.

Sa isinagawang “One Time, Big-Time Serbisyo Caravan” sa Binalbagan, direktang naihatid ang mga serbisyo tulad ng National ID registration, civil registration, at assistance para sa Digital National ID upang gawing mas madali at mas accessible ang serbisyo para sa bawat Pilipino.

Bilang bahagi rin ng Birth Registration Assistance Project (BRAP), personal na ipinagkaloob ang unang kopya ng birth certificate ni Nanay Lourdes J. Batulay, isang centenarian beneficiary, upang matulungan siyang maka-access ng mga benepisyo at serbisyo ng pamahalaan.

Nagsagawa rin ng pagbisita o spot checking sa PSA Negros Occidental Provincial Statistical Office upang tiyakin ang patuloy na pagpapabuti ng operasyon at paghahatid ng serbisyo publiko.

Sa pangunguna ni Usec. Mapa, alinsunod sa direktiba ni Pangulong Ferdinand R. Marcos, Jr., patuloy na pinalalakas ng PSA ang mga programang naglalapit ng dekalidad at maaasahang serbisyo sa mga Pilipino saan mang panig ng bansa. 🇵🇭