Ang Talaghay

𝗟𝗲𝗮𝗱𝗲𝗿𝘀𝗵𝗶𝗽 𝘁𝗿𝗮𝗶𝗻𝗶𝗻𝗴, 𝗽𝗶𝗻𝗮𝘂𝗻𝗹𝗮𝗸𝗮𝗻 𝗻𝗴 𝗞𝗮𝗪𝗶𝗸𝗮𝗙𝗶𝗹

Binigyang-diin sa isinagawang leadership training ng Kaisa sa Wikang Filipino (KaWikaFil) ang pamumunong nakaugat sa wika at malasakit, noong ika-27 ng Pebrero, sa Bataan National High School–Senior High School, Diosdado Building Room #2.

Nakatuon ang programa sa pagpapalakas ng kakayahan ng kabataan sa pamumuno, komunikasyon, at epektibong pamamahala ng mga proyekto, sa ilalim ng temang “KAWIKAMP: Kaisa sa Wikang Filipino Tungo sa Kaalamang Makapagpapayaman sa Bawat Pilipino.”

Sumailalim ang mga kalahok sa pagsasanay sa public relations, paggawa ng publication materials, at wastong pagpaplano at pagpapatupad ng mga proyekto sa pangunguna ng mga tagapagsanay mula sa Sovereign Youth Alliance.

Ibinahagi ng isa sa mga pangunahing tagapagsalita na si Miyore Kyle Morales, DFSSLG Bataan President, ang kanyang mga karanasan sa liderato at nagbigay ng payo sa mga mag-aaral na naghahangad maging lider.

“Leadership is not about title, it’s about showing up,” ani Morales.

Naging sentro ng kanyang talakay ang mga paksang “How I Said Yes: And Leadership Took Me Places” at “From Proposal to Project: How Ideas Said ‘I Do’ to Action,” na tumalakay sa kahalagahan ng inisyatiba at pagsasakatuparan ng mga ideya.

Kasunod nito, nagbahagi rin ng kaniyang karanasan at mga aral sa pamumuno si Noreen Joy Zulueta, Kalihim ng KaWikaFil sa Taong Pampanuruan 2024–2025.

Samantala, nagsilbing paghahanda ang KAWIKAMP para sa mga mag-aaral na magsisilbing opisyales sa susunod na taong pampanuruan.

Balitang Pampaaralan ni: Juluah Vargas
Sinuri at Winasto ni: Mhar Raven Mallari
Larawang Kuha ni: Juliah Vargas

𝘔𝘈𝘛𝘏-𝘐𝘕𝘐𝘒
𝗕𝗡𝗛𝗦-𝗦𝗛𝗦, 𝗻𝗮𝗴𝗽𝗮𝗺𝗮𝗹𝗮𝘀 𝗻𝗴 𝗵𝘂𝘀𝗮𝘆 𝘀𝗮 𝟮𝟬𝟮𝟲 𝗗𝗶𝘃𝗶𝘀𝗶𝗼𝗻 𝗠𝗮𝘁𝗵 𝗙𝗮𝗶𝗿; 𝗶𝘁𝗶𝗻𝗮𝗻𝗴𝗵𝗮𝗹 𝗯𝗶𝗹𝗮𝗻𝗴 𝗽𝗮𝗻𝗴𝗸𝗮𝗹𝗮𝗵𝗮𝘁𝗮𝗻𝗴 𝗸𝗮𝗺𝗽𝗲𝗼𝗻

Umani ng karangalan ang mga kalahok ng Bataan National High School—Senior High School (BNHS-SHS) sa nagdaang 2026 Division Mathematics Fair at pangalanan bilang Pangkalahatang Kampeon ng kompetisyon na ginanap sa Balanga Elementary School, noong ika-26 ng Pebrero.

Sa ilalim ng temang “Mathematics and Hope: Inspiring Learners to Dream, Solve, and Succeed” pinatunayan ng mga Senior Arellanista ang kanilang taglay na husay at talas ng isip sa asignaturang Matematika.

Dagdag pa rito, ang aktibidad na ito ay nagpapatunay na ang Matematika ay hindi lamang numero sa pisara bagkus isang larangan ng estratehiya, bilis, at malikhaing pag-iisip.

Samantala, itinanghal naman bilang pangkalahatang kampeon ang BNHS-SHS matapos nitong kumubra ng mga karangalan sa iba't ibang kategoryang kanilang nilahukan.

Nasa ilalim ang mga pangalan ng mga mag-aaral na naging kinatawan ng paaralan at binigyang parangal:

𝗦𝗨𝗗𝗢𝗞𝗨
🥇1st Place – Karlyn Keith Meneses
Coach: Sir Arvic Paraso

𝗥𝗨𝗕𝗜𝗞’𝗦 𝗖𝗨𝗕𝗘
🥇1st Place – John Daniel Meija
Coach: Sir Elvin Fernandez

𝗠𝗔𝗧𝗛𝗘𝗠𝗔𝗧𝗜𝗖𝗦 𝗤𝗨𝗜𝗭 𝗕𝗘𝗘 (𝗚𝗥𝗔𝗗𝗘 𝟭𝟭)
🥇1st Place – Aviegail Moirah Lim
Coach: Ma’am Andrea Jessa Reyes-Gracio

𝗠𝗔𝗧𝗛𝗘𝗠𝗔𝗧𝗜𝗖𝗦 𝗤𝗨𝗜𝗭 𝗕𝗘𝗘 (𝗚𝗥𝗔𝗗𝗘 𝟭𝟮)
🥇1st Place – Marthina Aleign Suverano
Coach: Ma’am Rochelle Gomez

𝗦𝗛𝗢𝗨𝗧-𝗢𝗨𝗧 𝗩𝗜𝗗𝗘𝗢 𝗠𝗔𝗞𝗜𝗡𝗚 𝗖𝗢𝗠𝗣𝗘𝗧𝗜𝗧𝗜𝗢𝗡
🥇1st Place
Director: Dhensel Ferrer
Assistant Director: Juliah Elthea Vargas
Editor: Zakia Sydelle Tamargo
Cinematographers:
Gabrielle Santi Gomez
Noah S. Rea
Music Composed and Performed:
Leigh Jafayrah Malibiran
Aldrin Rey Javier
Dancers:
Lourin Sabina Santos
Rowelle Jared Vicedo
Tricksy Mae Vequizo
Angelica Saldi
Coach: Ma’am Kyyie Trinidad

𝗠𝗔𝗧𝗛 𝗝𝗜𝗡𝗚𝗟𝗘
Participants
Alvien R. Salvador
Ericka L. Isip
Stacy Rañada
Michaella L. Garcia
Kaylee G. Nallares
John Aldrin R. Sombilla
Alyssa Vernice S. Ramos
Perrie Reyver Roman
Carl Braily Sanchez
Elysha Iysh Peralta
Coach: Marcelino Arnal

Ayon sa pamunuan ng BNHS-SHS, ang tagumpay na ito ay bunga ng masusing paghahanda, pagtutulungan ng mga g**o at mag-aaral, at walang sawang suporta ng paaralan.

Muling ipinamalas ng BNHS-SHS na sa tamang paggabay at pagsisikap, ang mga numero ay nagiging tulay patungo sa tagumpay.

Balitang Pampaaralan ni: Dhensel Ferrer
Sinuri at iniwasto ni: Emma Pantaleon
Larawan ni: Gabrielle Santi Gomez, Radha Quiro, Dustin Cayabyab

𝗢𝗕𝗥𝗔, 𝗽𝗶𝗻𝗮𝗴𝘆𝗮𝗺𝗮𝗻 𝗮𝗻𝗴 𝘀𝗶𝗻𝗶𝗻𝗴; 𝗣𝗮𝗴𝗹𝗶𝗻𝗮𝗻𝗴 𝘀𝗮 𝘀𝗶𝗻𝗶𝗻𝗴 𝘁𝗮𝗺𝗽𝗼𝗸 𝘀𝗮 𝗚𝗮𝗹𝗮𝘄 𝗮𝘁 𝗞𝘂𝗹𝗮𝘆 𝗖𝘂𝗹𝗺𝗶𝗻𝗮𝘁𝗶𝗻𝗴 𝗔𝗰𝘁𝗶𝘃𝗶𝘁𝘆

Bilang selebrasyon ng National Arts Month, sa pangunguna ng Organisasyon ng Buhay, Ritmo, at Anyo (OBRA) ang pagdaraos ng “Galaw at Kulay: Isang Malikhaing Paglalakbay” upang maipakita ang husay at kakayahan ng mga mag-aaral sa iba’t ibang larangan ng sining, nitong ika-28 ng Pebrero.

Dakong alas-8 ng umaga pinasinayaan ang pagbubukas ng Live Painting Competition sa ika-11 at ika-12 baitang, tampok din sa unang bahagi ng programa ang pagbebenta ng mga obrang likha mismo ng mga miyembro ng organisasyon.

Bukod dito, hain din ng programa ang iba't ibang booths tulad ng Caricature, Doodle, at Face Painting bilang bahagi ng interaktibong aktibidad.

Samantala, pagsapit ng ala-1 ng hapon isinagawa naman ang pangunahing programa na nagtatampok ng pagtatanghal ng iba't ibang uri ng sining tulad ng sayaw, sabayang pagbigkas, at pagtugtog.

Tumayo sina Gng. Marijuane Santos-Roman at G. Joseph Sicat bilang ulong tagapagdaloy ng programa—dinaluhan ito ng mga g**o, mag-aaral, at mga personalidad na nasa likod ng katagumpayan ng aktibidad na ito.

Ayon kay Charlotte Grefaldeo, Pangulo ng OBRA, bukod sa pagtatanghal layunin ng aktibidad na ito na linangin ang sining sa mga Pilipino dahil ito ang mukha ng ating bansa at kultura.

“Para mas ma-spread natin ‘yung culture, ‘yung mga dating nakagawian sa art dahil dito rin tayo tumutuklas lalo na sa Pilipinas, dahil nakakapag-contribute ito sa pagkakakilanlan natin, not just being as Filipinos—but also sa uniqueness ng bansa natin at ng mga artista na galing sa atin,” ani Grefaldeo.

Balitang Pampaaralan ni: Dhensel Ferrer
Sinuri at Winasto ni: Emma Pantaleon
Larawang Kuha ni: Leigh Jafayrah Malibiran, Lorrain Kaye

𝗦𝗧𝗘𝗠, 𝗛𝗨𝗠𝗦𝗦, 𝗣𝗕𝗠 𝗦𝘁𝘂𝗱𝗲𝗻𝘁𝘀 𝗺𝘂𝗹𝗶𝗻𝗴 𝗻𝗮𝗴𝗻𝗶𝗻𝗴𝗻𝗶𝗻𝗴 𝘀𝗮 𝗗𝟮 𝗻𝗴 𝗖𝗣𝗔𝗥 𝗖𝘂𝗹𝗺𝗶𝗻𝗮𝘁𝗶𝗻𝗴 𝗔𝗰𝘁𝗶𝘃𝗶𝘁𝘆

Muling nangibabaw sa entablado ang husay ng mga mag-aaral sa larangan ng sining matapos ang matagumpay na pagsasagawa ng iba't ibang uri ng pagtatanghal sa ikalawang araw ng Contemporary Philippine Arts from the Region (CPAR) Culminating Activity, nitong ika-26 ng Pebrero.

Tampok sa ikalawang araw ng paggunita sa kahalagahan ng sining ang 11 mga pangkat mula sa Science, Technology, Engineering, and Mathematics (STEM), Humanities and Social Sciences (HUMSS), at Pre-Baccalaureate Maritime (PBM) strand.

Nagsimula ang kaganapan dakong ika-8 ng umaga at nagtapos ng alas-2 ng hapon.

Balitang Pampaaralan ni: Dhensel Ferrer
Sinuri at Winasto ni: Emma Pantaleon
Mga Larawang Kuha ni: Carlene Baldomero, Reann Aicel Basilio, Gabrielle Santi Gomez

Para sa karagdagang larawan, bisitahin lamang ang link : https://t.me/angtalaghayy

𝗣𝗮𝗴𝗹𝘂𝘀𝗮𝘄 𝘀𝗮 𝗞𝗿𝗮𝘆𝗼𝗹𝗮

Noong musmos pa ang ating isipan, tinuruan tayo kung ano ang pagkakaiba ng bawat kulay sa kahon ng krayola. Batid kong bawat isa sa atin ay may kaniya-kaniyang paboritong kulay. Sa kahon na ‘yon, madalas kuhanin ang p**a at dilaw—yaong mga kulay na upod na.

Subalit, sa paglipas ng panahon unti-unting nauubos ang kulay—hindi dahil pinili ng iba bagkus dahil pinili ng tao na tumayo at magsalita.

Ngayong araw, kinokomemora ng bansa ang ika-40 anibersaryo ng EDSA People Power Revolution—isang malawakang kilos-protesta na nagpapatunay na ang kolektibong boses ay may kakayahang magbago ng naratibo ng anumang klaseng kasalukuyan.

Hindi ito tungkol sa kulay ng partido. Hindi ito tungkol sa sino ang nanaig. Ito ay tungkol sa tapang at pagkakaisa ng tao—ang kilos na nagbago ng landas ng bayan. Dahil ang lakas ng tao ay hindi nasusukat sa posisyon o titulo, bagkus sa tapang na magsalita at kumilos nang sama-sama.

Ngayon, tumingin tayo sa paligid. Marami pa ring patibong ng katiwalian. Marami pa ring tinig ang hindi naririnig. Ngunit kung nagawa natin noon, maaari rin nating gawing muli. Maaari nating gamitin ang ating tinig upang muling magbigay-kulay sa bansa—kulay para sa kalayaan, katotohanan, at katarungan.

Handa na ba tayong muling tumayo, magsalita, at ipinta ang kinabukasan na karapat-dapat sa bawat Pilipino?

Paglusaw sa krayola.
Paglusaw ng takot.
Paglusaw ng pagkakawatak-watak.

At muling pagsilang ng tinig na nagtatakda ng kulay ng ating bayan. Ito ang tunay na EDSA.

Panulat ni: Juliah Vargas
Sinuri at Winasto ni: Emma Pantaleon
Larawan ni: Gabrielle Santi Gomez

𝘔𝘈𝘚𝘐𝘕𝘐𝘕𝘎, 𝘔𝘈𝘎𝘈𝘓𝘐𝘕𝘎
𝗦𝗧𝗘𝗠 𝗦𝘁𝘂𝗱𝗲𝗻𝘁𝘀, 𝗯𝘂𝗺𝗶𝗱𝗮 𝘀𝗮 𝘂𝗻𝗮𝗻𝗴 𝗮𝗿𝗮𝘄 𝗻𝗴 𝗖𝗣𝗔𝗥 𝗖𝘂𝗹𝗺𝗶𝗻𝗮𝘁𝗶𝗻𝗴 𝗔𝗰𝘁𝗶𝘃𝗶𝘁𝘆

Masining na umaga ang pinasinayaan ng mga mag-aaral mula sa ika-12 baitang ng Science, Technology, Engineering, and Mathematics (STEM) sa unang araw ng Contemporary Philippine Arts from the Region (CPAR) Culminating Activity na ginanap sa covered court ng paaralan, nitong ika-24 ng Pebrero.

Bilang parte ng selebrasyon ng National Arts Month, walong mga pangkat mula sa STEM strand ang nagtanghal upang ipamalas ang kanilang natatanging husay at dedikasyon sa paglinang ng sining sa kabataan sa unang araw ng aktibidad.

Tampok sa unang araw ang mga sumusunod na pangkat—12 STEM Hippocrates, Rutherford, Copernicus, Slate, Marble, Amphibolite, Anthracite, at Limestone.

Samantala, batay sa memorandum na ibinaba para rito, ang proyektong ito ay integrasyon ng tatlong asignatura sa ika-12 baitang na naglalayong ipakita ang pagiging malikhain, kritikal, at kasanayan sa paggalaw: CPAR, Media Information and Literacy (MIL), at Physical Education (P.E.).

Sa Biyernes, ika-26 ng Pebrero, inaasahang gaganapin ang ikalawang araw ng selebrasyon tampok ang 11 mga pangkat mula sa ika-12 baitang ng STEM at Humanities and Social Sciences (HUMSS) strand.

Balitang Pampaaralan ni: Dhensel Ferrer
Sinuri at Winasto ni: Emma Pantaleon
Mga Larawang Kuha ni: Carlene Baldomero, Rhihanna Royo, Santi Gomez, Emmanuel Duyag

𝗡𝗔𝗦𝗔 𝗟𝗔𝗥𝗔𝗪𝗔𝗡 | Sinimulan kaninang alas-8 ng umaga, sa Bataan National High School-Senior High School (BNHS-SHS) Audio-Visual Room (AVR), ang Blood Donation Drive na may temang "Give Blood, Spread Love” na may layuning palawakin ang kamalayan sa kahalagahan ng donasyon ng dugo at makatulong sa pagsagip ng buhay ng mga nangangailangan.

Sa pakikipagtulungan sa Bataan General Hospital and Medical Center (BGHMC), idinaos ang proyekto bilang bahagi ng adbokasiya sa pampublikong kalusugan.

Bukas sa lahat ng mga nais na magbigay donasyon ng dugo ang proyektong ito at inaasahang tatagal hanggang alas-4 ng hapon sa parehong lugar.

Balitang Pampaaralan ni: Khate Calimbas
Sinuri at Winasto ni: Mhar Raven Mallari
Larawan ni: Ann Calimbas

IT’S THE LIT-ERA
English Gala '26: G11 Arellanistas, Umalingawngaw Sa Speech Choir

Idinaos ng The Litera ang English Gala 2026 na may temang “Voices of Dissent: Power, People, and Political Literature,” bilang isang programa na naglalayong itampok ang papel ng wika, panitikan, at sining sa pagtalakay ng mga isyung panlipunan. Nilahukan ito ng mga mag-aaral sa ika-11 baitang, na nagpakita ng interes at partisipasyon sa buong programa.

Bilang pangunahing aktibidad, isinagawa ng mga seksyon ng Grade 11 ang isang speech choir performance, na nagsilbing kolektibong presentasyon hinggil sa mga temang kapangyarihan, mamamayan, at panlipunang isyu. Ginamitan ang pagtatanghal ng piyesang “They Don’t Really Care About Us” ni Michael Jackson, na tumatalakay sa diskriminasyon, inhustisya, at karapatang pantao. Sa pamamagitan ng sabayang pagbigkas at interpretasyon, naipahayag ng mga mag-aaral ang mensahe ng piyesa sa paraan na angkop sa layunin ng programa.

Ipinakita ng speech choir kung paano magagamit ang sining bilang paraan ng pagpapahayag ng mga pananaw hinggil sa mga isyung panlipunan at pampolitika. Kabilang sa mga lumahok ang 11 Magnesite, Selenite, and Gypsum; 11 Zircon and Agate; 11 Jacinth, Opal, and Apatite; 11 Chalcedony and Epidote; at 11 Coral and Chromite, na sama-samang bumuo ng presentasyon sa pamamagitan ng organisadong koordinasyon at kolektibong pagganap.

Matapos ang pagtatanghal, inihayag ang mga nanalo kung saan ang STEM Zircon at Agate ang hinirang na kampyeonato, sinundan ng STEM Jacinth at Opal kasama ang A&D Apatite sa ikalawang pwesto, at ang ABM Magnesite, Selenite, at Gypsum sa ikatlong pwesto.

Sa kabuuan, ang English Gala 2026 ay nagsilbing plataporma para sa pagpapakita ng kakayahan ng mga mag-aaral sa panitikan at sining, pati na rin sa pagbibigay-pansin sa mga isyung panlipunan at pampolitika.

Balitang Pampaaralan ni: Leigh Jafayrah Malibiran
Winasto at Sinuri nina: Edrie Ann Morales, Mhar Raven Mallari
Larawan mo: Carlene Baldomero, Noah Rea

"𝗧𝗛𝗘𝗬 𝗗𝗢𝗡'𝗧 𝗥𝗘𝗔𝗟𝗟𝗬 𝗖𝗔𝗥𝗘 𝗔𝗕𝗢𝗨𝗧 𝗨𝗦"
G11 Senior Arellanistas bumida sa English Gala '26, boses ng kabataan umalingawngaw sa Speech Choir Competition

Idinaos ng The Litera ang English Gala 2026 na may temang “Voices of Dissent: Power, People, and Political Literature,” bilang isang programa na naglalayong itampok ang papel ng wika, panitikan, at sining sa pagtalakay ng mga isyung panlipunan. Nilahukan ito ng mga mag-aaral sa ika-11 baitang, na nagpakita ng interes at partisipasyon sa buong programa.

Bilang pangunahing aktibidad, isinagawa ng mga seksyon ng Grade 11 ang isang speech choir performance, na nagsilbing kolektibong presentasyon hinggil sa mga temang kapangyarihan, mamamayan, at panlipunang isyu. Ginamitan ang pagtatanghal ng piyesang “They Don’t Really Care About Us” ni Michael Jackson, na tumatalakay sa diskriminasyon, inhustisya, at karapatang pantao. Sa pamamagitan ng sabayang pagbigkas at interpretasyon, naipahayag ng mga mag-aaral ang mensahe ng piyesa sa paraan na angkop sa layunin ng programa.

Ipinakita ng speech choir kung paano magagamit ang sining bilang paraan ng pagpapahayag ng mga pananaw hinggil sa mga isyung panlipunan at pampolitika. Kabilang sa mga lumahok ang 11 Magnesite, Selenite, and Gypsum; 11 Zircon and Agate; 11 Jacinth, Opal, and Apatite; 11 Chalcedony and Epidote; at 11 Coral and Chromite, na sama-samang bumuo ng presentasyon sa pamamagitan ng organisadong koordinasyon at kolektibong pagganap.

Matapos ang pagtatanghal, inihayag ang mga nanalo kung saan ang STEM Zircon at Agate ang hinirang na kampyeonato, sinundan ng STEM Jacinth at Opal kasama ang A&D Apatite sa ikalawang pwesto, at ang ABM Magnesite, Selenite, at Gypsum sa ikatlong pwesto.

Sa kabuuan, ang English Gala 2026 ay nagsilbing plataporma para sa pagpapakita ng kakayahan ng mga mag-aaral sa panitikan at sining, pati na rin sa pagbibigay-pansin sa mga isyung panlipunan at pampolitika.

Balitang Pampaaralan ni: Leigh Jafayrah Malibiran
Winasto at Sinuri nina: Edrie Ann Morales, Mhar Raven Mallari
Larawan nina: Carlene Baldomero, Noah Rea, Gabrielle Santi Gomez

𝗣𝗮𝗴𝗴𝘂𝗻𝗶𝘁𝗮 𝘀𝗮 𝗠𝗶𝘆𝗲𝗿𝗸𝘂𝗹𝗲𝘀 𝗻𝗴 𝗔𝗯𝗼, 𝗜𝗱𝗶𝗻𝗮𝗼𝘀 𝘀𝗮 𝗕𝗡𝗛𝗦-𝗦𝗛𝗦

Idinaos ng Bataan National High School–Senior High School (BNHS-SHS) ang paggunita sa Miyerkules ng Abo sa pamamagitan ng banal na Misa na ginanap nitong ika-18 ng Pebrero sa BNHS-SHS Covered Court bilang pagsisimula ng panahon ng Kuwaresma.

Pinangunahan ni Rev. Fr. Silvester Ma. Bay, MMHC ang pagdiriwang kung saan binigyang-diin niya sa kanyang homiliya ang kahalagahan ng pagbabagong-buhay at pakikinig sa tawag ng Diyos ngayong Kuwaresma.

“Nawa sa araw na ito, sa tawag ng Kuwaresma at sa tawag ng pagbabagong-buhay, huwag tayong magbingi-bingihan sa tawag ng Diyos,” ani Bay.

Katuwang ang Diocesan Youth Ministry in Campus (DYMC) sa pagpapanatili ng kaayusan ng pagdiriwang na dinaluhan ng mga mag-aaral mula sa ika-11 at ika-12 baitang.

Sa kabuuan, pinaalalahanan ng pagdiriwang ang lahat na ang Kuwaresma ay panahon ng pagbabalik-loob at pagpapalalim ng ugnayan sa Diyos.

Balitang Pampaaralan ni: Jelomar Villanueva
Iwinasto at Sinuro ni: Jane Maika Vicente
Larawan ni: Rhiane Leido