Santa Maria Magdalena de Banlic

𝐇𝐮𝐧𝐲𝐨 𝟐𝟗 | 𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐢𝐧𝐚 𝐒𝐚𝐧 𝐏𝐞𝐝𝐫𝐨 𝐚𝐭 𝐒𝐚𝐧 𝐏𝐚𝐛𝐥𝐨

Panalangin kay San Pedro at San Pablo

Ama naming makapangyarihan, bigyan kami ng pag-asa sa tulong ng mga panalangin nina Apostol San Pedro at San Pablo. Ang mga apostol nawang nagpatatag sa pananampalataya ng bagong silang na Simbahan ang gumabay sa amin sa daan ng kaligtasan, sa pamamagitan ni Jesukristo kasama ng Espiritu Santo magpasawalang hanggan.

Amen.

San Pedro at San Pablo, Ipanalangin n'yo kami.

𝐇𝐮𝐧𝐲𝐨 𝟐𝟒 | 𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐊𝐚𝐩𝐚𝐧𝐠𝐚𝐧𝐚𝐤𝐚𝐧 𝐧𝐢 𝐒𝐚𝐧 𝐉𝐮𝐚𝐧 𝐁𝐚𝐮𝐭𝐢𝐬𝐭𝐚

Ama naming makapangyarihan, hinirang mo si San Juan Bautista na isang propeta na naghanda sa daraanan ng lyong Anak, ang aming Panginoong Jesu-Kristo. Sa pamamagitan ni San Juan Bautista na dumating bilang isang “Tinig sa Ilang,” maraming mga tao na nakarinig sa kanyang pangangaral ang tumatanggap ng binyag ng pagbabalik-loob at pagdating ng kaharian ng Diyos.

Katulad ni San Juan Bautista, ipagkaloob mo sa amin ang biyaya na makilala ang aming Panginoong Jesu-Kristo, ang Kordero ng Diyos na nag-aalis ng mga kasalanan ng sanlibutan, at buong kababaang-loob na tanggapin na kami ay tagasunod lamang at ang Panginoon Jesu-Kristo ang aming itanghal. Nawa ang lahat ng kabutihang ginagawa namin ay magbigay ng kaluwalhatian, pagpupuri at pasasalamat sa Iyo.

Hinihiling naming ito sa pamamagitan ng Iyong Anak na si Jesu-Kristo, na nabubuhay at naghahari, kasama Mo at ng Espiritu Santo, magpasawalang hanggan. Amen.

San Juan Bautista, ipanalangin mo kami.