Jeriel Asendiente

Usa ka senior citizen ang girespondihan sa ANDAM Tuburan human malipong ug napantok ang ulo niini sa semento tungod sa kainit sa panahon hinungdan sa pagsaka sa iyang blood pressure ganihang pasado alas 4 sa hapon didto sa sityo timbakol Barangay Putat Tuburan, Cebu.

Sigun sa mga responders nga ilang naabtan ang maong senior citizen sa panimalay niini nga nagkadugo ug daling gitabang ug gidala sa Tuburan District Hospital diin karun anaa na hinuon sa luwas nga kahimtang. Matud pa sa mga kasilinganan niini nga una nang nakit-an nila ang maong tigulang nga nangayo ug tabang kanila ug gidala nila kini pagbalik sa iyang panimalay diin didto na gihuwat ang mga responders.

Nasayran nga nag-inusara nalang kining senior citizen sa iyang panimalay.

Samad sa ulo ang naangkon sa maong tigulang nga maoy hinungdan sa grabing dugo nga makita sa hulagway diin karun anaa na tambalanan ug padayong nagpaalim ang maong senior citizen.

Tuburan Mayor Aljun Diamante during the Multi Sectoral Forest Protection Council meeting at Tuburan Central Elementary School last Tuesday, Mayor Diamante emphasized the importance of environmental protection, particularly in safeguarding forests. He called for immediate action in restoring areas affected by deforestation, seeking the collaboration of council members in this initiative for the future generations of Tuburan.

Way kaluyang pagpangalagad sa katawhan hatud sa LGU Tuburan Season 13 Outreach Program nga malampusong napahigayon gahapong adlawa Martes petsa 14 sa Mayo tuig 2024 didto sa Barangay Campoot, Tuburan, Cebu.

Kining kalihokan subay sa gihapon sa senimanang pagpanerbisyo sa Kagamhanang Lokal sa Lungsod sa Tuburan ubos sa liderato ni Tuburan Mayor Democrito "ALJUN" Diamante ug Vice Mayor Danny Diamante nga dunay temang "Bringing Services Closer to the People" kung diin dili na kinahanglan pang molusad pa sa Munisipyo ang katawhan sa matag Barangay alang sa mga nag-unang serbisyo.

Dili mominus sa 300 ka mga molupyo sa Barangay Campoot ang nakapahimos sa Libreng Medical ug Dental consultation ingon man libreng tambal.
Daghan usab kanila ang natabangan sa ilang tagsa-tagsa ka mga kinahanglan kalabot sa mga departamento sa munisipyo nga dala sa maong outreach program.

Usa sa mga serbisyong gidugokan mao ang libreng hair make-up ni Mr. Allan Umandac sa Allen's Beauty Studio nga naghimo sa libreng haircut and hair color ingon man ang libreng tupi sa 14th Civil Military Operation PA nipasundayag usab sila ug sayaw gikan sa mga talentadong kasundalohan.

Gawas sa libreng aroskaldo, dungan usab nga gisaw-an ang libreng paniudto nga maoy labing siguro sa tanang serbisyo nga gitanyag sa maong kalihokan.

Si Kapitan Elwin Guarin sa maong Barangay nisaysay sa iyang mga pagpasalamat ngadto ni Mayor Aljun Diamante ug Vice Mayor Danny Diamante sa walay puas nga pagpangga sa maong Barangay pinaagi sa maong outreach program.
Lakip sa iyang gipasalamatan ang tawo usab nga gitahasan niing maong outreach program sukad pa sa tuig 2011 nga Doc Ely Vizcayno ug mga kaubanang niini.