PUNTO Publication

𝗣𝗔𝗚-𝗔𝗕𝗔𝗚 𝗨𝗚 𝗣𝗔𝗡𝗔𝗚𝗛𝗜𝗨𝗦𝗔: 𝗗𝗔𝗩𝗔𝗢 𝗗𝗘𝗟 𝗦𝗨𝗥, 𝗠𝗜𝗧𝗨𝗡𝗢𝗟 𝗢𝗚 ₱𝟮 𝗠𝗜𝗟𝗬𝗢𝗡 𝗔𝗟𝗔𝗡𝗚 𝗦𝗔 𝗠𝗚𝗔 𝗟𝗨𝗡𝗚𝗦𝗢𝗗 𝗡𝗔𝗔𝗣𝗘𝗞𝗧𝗨𝗛𝗔𝗡 𝗦𝗔 𝗠𝟳.𝟴 𝗡𝗚𝗔 𝗟𝗜𝗡𝗢𝗚

Isip timaan sa panaghiusa ug pag-abag sa panahon sa kalisod, ang Probinsya sa Davao del Sur ubos sa pagpanguna ni Governor Yvonne Roña Cagas mitunol og ₱1 milyon nga pinansyal nga tabang matag usa ngadto sa Municipality of Jose Abad Santos ug Municipality of Sarangani aron suportahan ang ilang mga komunidad nga naapektuhan sa magnitude 7.8 nga linog nga miigo sa habagatang Mindanao niadtong Hunyo 8, 2026.

Ang maong pinansyal nga tabang gidawat ni Mayor Atty. Jason John Joyce alang sa Municipality of Jose Abad Santos ug ni Mayor Adelan de Arce alang sa Municipality of Sarangani.

Ang inisyatiba nagpakita sa panaghiusa ug pagkab-ot sa tabang gikan sa katawhan sa Davao del Sur ngadto sa ilang mga igsoon nga nanginahanglan og suporta human sa natural nga kalamidad.

Padayon nga gipakita sa Davao del Sur ang espiritu sa pagtinabangay ug pag-abag, nga nagpamatuod nga sa panahon sa kalisod, ang panaghiusa ug pagtinabangay maoy kusog nga makahatag og paglaum ug pagbangon.

𝗗𝗨𝗕𝗟𝗘𝗡𝗚 𝗦𝗨𝗣𝗢𝗥𝗧𝗔 𝗦𝗔 𝗕𝗔𝗥𝗔𝗡𝗚𝗔𝗬: 𝗥𝗘𝗦𝗖𝗨𝗘 𝗩𝗘𝗛𝗜𝗖𝗟𝗘𝗦 𝗨𝗚 𝗣𝗜𝗡𝗔𝗡𝗦𝗬𝗔𝗟 𝗡𝗚𝗔 𝗧𝗔𝗕𝗔𝗡𝗚, 𝗡𝗔𝗔𝗕𝗢𝗧

Usa ka dakong lakang padulong sa mas lig-on nga serbisyo publiko ug kahandam sa komunidad ang pagdawat sa 11 ka barangay og mga rescue vehicle nga nagkantidad og ₱884,500 matag usa, samtang 9 ka barangay usab ang nakabaton og pinansyal nga tabang alang sa suporta sa ilang mga barangay functionaries, ubos sa pagpanguna ni Governor Yvonne Roña Cagas.

Ang paghatag sa mga rescue vehicle gilauman nga makapalig-on sa kapasidad sa mga barangay sa pagtubag sa mga emerhensya, kalamidad, ug uban pang sitwasyon nga nagkinahanglan og paspas ug episyenteng aksyon. Kini usab makatabang sa pagpauswag sa disaster preparedness ug public safety sa matag komunidad.

Samtang, ang pinansyal nga suporta nga gihatag sa siyam ka barangay gitumong aron mapalig-on ang pagserbisyo sa mga barangay functionaries, nga adunay dakong papel sa paghatag og epektibong serbisyo ug maayong pagdumala ngadto sa katawhan.

Kini nga inisyatiba nagpakita sa padayon nga paghatag og suporta sa mga barangay aron mas mapalambo ang serbisyo publiko ug mapalig-on ang kaandam sa komunidad alang sa kaayohan sa tanang katawhan.

𝗙𝗥𝗢𝗠 𝗗𝗔𝗩𝗔𝗢 𝗧𝗢 𝗧𝗛𝗘 𝗡𝗔𝗧𝗜𝗢𝗡𝗔𝗟 𝗦𝗧𝗔𝗚𝗘: 𝗗𝗜𝗚𝗢𝗦𝗡𝗢𝗡𝗚 𝗕𝗔𝗟𝗟𝗘𝗥 𝗛𝗜𝗦𝗛𝗔𝗠 𝗠𝗔𝗠𝗣𝗔𝗢, 𝗡𝗔𝗞𝗔𝗦𝗨𝗟𝗢𝗗 𝗦𝗔 𝗚𝗜𝗟𝗔𝗦 𝗬𝗢𝗨𝗧𝗛 𝟭𝟲𝗨 𝗣𝗢𝗢𝗟

Usa na usab ka dakong garbo alang sa Davao Region, ilabina sa Dakbayan sa Digos, ang kalampusan ni Hisham Mampao, usa ka magduduwa sa FEU Baby Tamaraws, human siya mapili isip kabahin sa Gilas Youth 16U Pool.

Gikan sa Davao ngadto sa nasudnong entablado, ang kakugi, dedikasyon, ug walay hunong nga pagpaningkamot ni Mampao padayon nga nagbunga. Ang iyang pagkakapili sa Gilas Youth 16U Pool usa ka angay nga pag-ila sa iyang talento ug usa ka dakong lakang sa iyang panaw sa kalibutan sa basketball.

Ang tibuok D’ Generals Basketball Program nagpahayag sa ilang pagpasalamat ug pagpasigarbo alang kang Hisham, nga padayon nga nagdala og dungog dili lamang sa iyang team ug pamilya, kondili usab sa komunidad nga iyang gigikanan.

Samtang nagpadayon si Mampao sa iyang pag-abante sa mas taas nga lebel sa kompetisyon, nagpabilin ang suporta ug pagsalig sa mga tawo nga nagtuo sa iyang abilidad ug potensyal.

Padayon, Hisham! Ang Digos, ang Davao, ug ang tibuok nasud nag-uban sa imong panaw. Padayon sa pagpasigarbo sa nasudnong entablado. Laban, Gilas!

𝗗𝗨𝗟𝗔, 𝗗𝗨𝗔𝗪𝗔, 𝗨𝗚 𝗞𝗔𝗟𝗜𝗣𝗔𝗬: 𝗚𝗜𝗣𝗔𝗦𝗜𝗗𝗨𝗡𝗚𝗢𝗚 𝗦𝗔 𝗦𝗨𝗟𝗢𝗣 𝗔𝗡𝗚 𝗔𝗡𝗡𝗨𝗔𝗟 𝗞𝗜𝗖𝗞-𝗢𝗙𝗙 𝗦𝗔 𝗖𝗛𝗜𝗟𝗗𝗥𝗘𝗡’𝗦 𝗣𝗟𝗔𝗬𝗚𝗥𝗢𝗨𝗡𝗗

Gipahigayon sa Local Government Unit (LGU) sa Sulop ang Annual Kick-Off sa Children’s Playground niadtong Hunyo 30, 2026, sa Barangay Roxas, Sulop, Davao del Sur, isip kabahin sa padayon nga paningkamot sa lokal nga panggamhanan sa pagpalambo sa kaayohan ug kalipay sa mga kabataan.

Gitambongan sa daghang mga bata, ginikanan, ug mga opisyal sa barangay ang maong kalihokan nga napuno sa lainlaing makalingaw ug interaktibong mga aktibidad. Tumong niini ang paghatag og luwas, malipayon, ug makahuluganon nga lugar diin ang mga kabataan mahimong makadula, makat-on, ug makapalig-on sa ilang sosyal nga interaksyon.

Pinaagi sa maong programa, gipasiugda sa LGU Sulop ang importansya sa pag-atiman sa kaayohan sa kabataan pinaagi sa mga kalihokan nga dili lamang makalingaw apan makapadasig usab sa aktibong partisipasyon ug pagtinabangay sa komunidad.

Ang Annual Kick-Off sa Children’s Playground nagpadayag sa pasalig sa LGU Sulop sa pagpalambo sa usa ka komunidad nga naghatag og importansya sa kaayohan, kalamboan, ug kaugmaon sa mga kabataan, subay sa tema nga, “Usa ka Tinguha, Usa ka Lihok, Kalambuan sa Tanan.”

𝗟𝗚𝗨 𝗠𝗔𝗧𝗔𝗡𝗔𝗢, 𝗡𝗔𝗚𝗣𝗔𝗦𝗜𝗗𝗔𝗔𝗕 𝗦𝗔 𝗔𝗚𝗥𝗜𝗡𝗘𝗫 𝟮𝟬𝟮𝟲: 𝗛𝗔𝗞𝗢𝗧 𝗞𝗔𝗗𝗔𝗨𝗚𝗔𝗡 𝗦𝗔 𝗔𝗚𝗥𝗜𝗞𝗨𝗟𝗧𝗨𝗥𝗔, 𝗞𝗨𝗟𝗧𝗨𝗥𝗔, 𝗨𝗚 𝗜𝗡𝗢𝗕𝗔𝗦𝗬𝗢𝗡

𝗠𝗔𝗧𝗔𝗡𝗔𝗢, 𝗗𝗮𝘃𝗮𝗼 𝗱𝗲𝗹 𝗦𝘂𝗿 — Gipakita sa Lokal nga Panggamhanan sa Matanao ang ilang kalig-on sa agrikultura, kultura, turismo, ug lokal nga inobasyon human makab-ot ang daghang prestihiyosong kadaugan atol sa AGRINEX 2026.

Lakip sa mga dagkong kadaugan sa lungsod mao ang pagkadaog isip 𝗖𝗵𝗮𝗺𝗽𝗶𝗼𝗻 𝘀𝗮 𝗠𝗼𝘀𝘁 𝗜𝗻𝗻𝗼𝘃𝗮𝘁𝗶𝘃𝗲 𝗣𝗿𝗼𝗱𝘂𝗰𝘁 (𝗙𝗼𝗼𝗱 𝗖𝗮𝘁𝗲𝗴𝗼𝗿𝘆) pinaagi sa 𝗕𝗔𝗟𝗔𝗡𝗜 𝗖𝗿𝗮𝗰𝗸𝗲𝗿, usa ka bag-ong produkto nga gihimo gikan sa banana sheath. Nakadaog usab isip 𝗖𝗵𝗮𝗺𝗽𝗶𝗼𝗻 𝘀𝗮 𝗠𝗼𝘀𝘁 𝗜𝗻𝗻𝗼𝘃𝗮𝘁𝗶𝘃𝗲 𝗣𝗿𝗼𝗱𝘂𝗰𝘁 (𝗡𝗼𝗻-𝗙𝗼𝗼𝗱 𝗖𝗮𝘁𝗲𝗴𝗼𝗿𝘆) ang 𝗚𝗜𝗡𝗧𝗟𝗢 𝗙𝗮𝗯𝗿𝗶𝗰, usa ka tradisyonal nga Blaan handwoven fabric nga nagpakita sa adunahang kultura ug kahanas sa mga lumad.

Dugang pa, nakuha sa Matanao ang 𝟭𝘀𝘁 𝗣𝗹𝗮𝗰𝗲𝗿 𝘀𝗮 𝗛𝗶𝗴𝗵𝗲𝘀𝘁 𝗦𝗮𝗹𝗲𝘀 𝗚𝗲𝗻𝗲𝗿𝗮𝘁𝗲𝗱, nga adunay kinatibuk-ang cash sales nga miabot sa ₱𝟮𝟭𝟴,𝟰𝟱𝟭, usa ka ebidensya sa kusog ug kalidad sa ilang mga lokal nga produkto. Nakasungkit usab kini sa 𝟭𝘀𝘁 𝗣𝗹𝗮𝗰𝗲𝗿 𝘀𝗮 𝗔𝗚𝗥𝗜𝗡𝗘𝗫 𝗙𝗮𝘀𝗵𝗶𝗼𝗻 𝗦𝗵𝗼𝘄 (𝗖𝘂𝗹𝘁𝘂𝗿𝗲 𝗖𝗿𝗮𝗳𝘁 𝗖𝗼𝘂𝘁𝘂𝗿𝗲: 𝗪𝗲𝗮𝗿𝗮𝗯𝗹𝗲𝘀 𝗮𝗻𝗱 𝗛𝗼𝗺𝗲𝘀𝘁𝘆𝗹𝗲𝘀 𝗙𝗮𝘀𝗵𝗶𝗼𝗻 𝗦𝗵𝗼𝘄), samtang nahimutang sa 𝟮𝗻𝗱 𝗣𝗹𝗮𝗰𝗲𝗿 𝗮𝗹𝗮𝗻𝗴 𝘀𝗮 𝗕𝗲𝘀𝘁 𝗗𝗿𝗲𝘀𝘀𝗲𝗱 𝗕𝗼𝗼𝘁𝗵.

Ang maong kalampusan nahimong posible pinaagi sa liderato ni 𝗠𝗮𝘆𝗼𝗿 𝗜𝗿𝗶𝗰𝗸 𝗔. 𝗔𝗴𝗯𝗼𝗻, kauban si 𝗩𝗶𝗰𝗲 𝗠𝗮𝘆𝗼𝗿 𝗛𝗲𝗰𝘁𝗼𝗿 𝗖. 𝗦𝗶𝗮𝗼, mga konsehal sa lungsod, ug sa hiniusang paningkamot sa mga opisina sa lokal nga panggamhanan. Lakip niini sila 𝗘𝘅𝗲𝗰𝘂𝘁𝗶𝘃𝗲 𝗔𝘀𝘀𝗶𝘀𝘁𝗮𝗻𝘁 𝘁𝗼 𝘁𝗵𝗲 𝗠𝗮𝘆𝗼𝗿 𝗟𝗶𝘄𝗮𝗻𝗮𝗴 𝗩𝗲𝗹𝗮𝗿𝗱𝗲, ang 𝗠𝘂𝗻𝗶𝗰𝗶𝗽𝗮𝗹 𝗧𝗼𝘂𝗿𝗶𝘀𝗺 𝗢𝗳𝗳𝗶𝗰𝗲 ubos sa pagpangulo ni 𝗖𝗹𝗼𝘃𝗲𝗿 𝗝𝗮𝗻𝗲 𝗦𝗮𝗯𝗼𝗿𝗻𝗶𝗱𝗼, ang 𝗠𝘂𝗻𝗶𝗰𝗶𝗽𝗮𝗹 𝗔𝗴𝗿𝗶𝗰𝘂𝗹𝘁𝘂𝗿𝗲 𝗢𝗳𝗳𝗶𝗰𝗲 nga gipangulohan ni 𝗘𝗻𝗴𝗿. 𝗟𝗲𝗼𝗻𝗮𝘃𝗲𝘁𝗵 𝗡. 𝗠𝗲𝗷𝗶𝗮𝘀, ang 𝗟𝗼𝗰𝗮𝗹 𝗘𝗰𝗼𝗻𝗼𝗺𝗶𝗰 𝗘𝗻𝘁𝗲𝗿𝗽𝗿𝗶𝘀𝗲 𝗮𝗻𝗱 𝗠𝗮𝗻𝗮𝗴𝗲𝗺𝗲𝗻𝘁 𝗢𝗳𝗳𝗶𝗰𝗲 ubos ni 𝗟𝘂𝗶𝘀𝗶𝘁𝗼 𝗕𝗶𝗹𝗯𝗮𝗼, ug ang 𝗠𝘂𝗻𝗶𝗰𝗶𝗽𝗮𝗹 𝗘𝗻𝗴𝗶𝗻𝗲𝗲𝗿𝗶𝗻𝗴 𝗢𝗳𝗳𝗶𝗰𝗲 nga gipangulohan ni 𝗘𝗻𝗴𝗿. 𝗧𝗲𝘅 𝗧𝗮𝗻𝗱𝗶𝗻𝗴𝗮𝗻, uban sa walay hunong nga suporta sa tanang department heads ug empleyado sa LGU Matanao.

Ang maong mga kadaugan nagpakita nga pinaagi sa panaghiusa, kabag-ohan, ug dedikasyon, padayon nga mapalambo sa Matanao ang iyang agrikultura, kultura, turismo, ug mga world-class nga lokal nga produkto.

Sa makausa pa, gipamatud-an sa LGU Matanao nga ang tinuod nga kalampusan mamunga kung ang komunidad magtinabangay alang sa usa ka komon nga tumong ang pagpasidungog ug pagpausbaw sa lungsod sa Matanao.

𝗠𝗔𝗧𝗔𝗡𝗔𝗢 𝗡𝗔𝗚𝗛𝗔𝗥𝗜 𝗦𝗔 𝗖𝗨𝗟𝗧𝗨𝗥𝗘 𝗖𝗥𝗔𝗙𝗧 𝗖𝗢𝗨𝗧𝗨𝗥𝗘; 𝗦𝗨𝗟𝗢𝗣 𝗨𝗚 𝗕𝗔𝗡𝗦𝗔𝗟𝗔𝗡 𝗡𝗔𝗦𝗨𝗡𝗢𝗗 𝗦𝗔 𝗗𝗔𝗨𝗚𝗔𝗡

Nagpasiugda sa katahum sa kultura, pagkamamugnaon, ug lokal nga kabilin ang 𝗖𝘂𝗹𝘁𝘂𝗿𝗲 𝗖𝗿𝗮𝗳𝘁 𝗖𝗼𝘂𝘁𝘂𝗿𝗲: 𝗪𝗲𝗮𝗿𝗮𝗯𝗹𝗲𝘀 𝗮𝗻𝗱 𝗛𝗼𝗺𝗲𝘀𝘁𝘆𝗹𝗲𝘀 𝗙𝗮𝘀𝗵𝗶𝗼𝗻 𝗦𝗵𝗼𝘄 nga gipahigayon isip kabahin sa 𝗗𝗮𝘃𝗮𝗼 𝗱𝗲𝗹 𝗦𝘂𝗿 𝗔𝗴𝗿𝗶-𝗜𝗻𝗱𝘂𝘀𝘁𝗿𝗶𝗮𝗹 𝗧𝗿𝗮𝗱𝗲 𝗮𝗻𝗱 𝗜𝗻𝘃𝗲𝘀𝘁𝗺𝗲𝗻𝘁 𝗘𝘅𝗽𝗼 (𝗔𝗚𝗥𝗜𝗡𝗘𝗫) 𝟮𝟬𝟮𝟲, usa sa mga tampok nga kalihokan sa pagsaulog sa ika-59 nga Araw ng Davao del Sur.

Nasungkit sa 𝗠𝘂𝗻𝗶𝗰𝗶𝗽𝗮𝗹𝗶𝘁𝘆 𝗼𝗳 𝗠𝗮𝘁𝗮𝗻𝗮𝗼 ang kampyonato pinaagi sa ilang talagsaong presentasyon nga gipasundayag nila 𝗠𝘀. 𝗜𝗿𝗵𝗮 𝗠𝗲𝗹 𝗔𝗹𝗳𝗲𝗰𝗵𝗲 ug 𝗕𝗲𝗮𝘁𝗿𝗶𝗰𝗲 𝗙𝗿𝗮𝘂𝘅𝗶𝗻𝗲 𝗪𝗮𝘆𝗻𝗲 𝗠. 𝗘𝘂𝗽𝗲ñ𝗮. Ang ilang mamugnaon ug makahulugang pagrepresentar sa kultura ug tradisyon sa Matanao nakapadani sa mga hurado ug sa mga tumatan-aw.

Si 𝗜𝗿𝗵𝗮 𝗠𝗲𝗹 𝗔𝗹𝗳𝗲𝗰𝗵𝗲, nga mao usab ang 𝗠𝗶𝘀𝘀 𝗣𝗵𝗶𝗹𝗶𝗽𝗽𝗶𝗻𝗲𝘀 𝗘𝗮𝗿𝘁𝗵 𝟮𝟬𝟮𝟰 ug representante sa Pilipinas sa 𝗠𝗶𝘀𝘀 𝗘𝗮𝗿𝘁𝗵 𝟮𝟬𝟮𝟰, nagdugang ug dungog ug inspirasyon sa presentasyon sa lungsod sa Matanao pinaagi sa iyang kahusayan ug pagpasigarbo sa lokal nga kultura.

Samtang, nakuha sa 𝗠𝘂𝗻𝗶𝗰𝗶𝗽𝗮𝗹𝗶𝘁𝘆 𝗼𝗳 𝗦𝘂𝗹𝗼𝗽, nga girepresentahan ni 𝗠𝘀. 𝗥𝗲𝘇𝘁𝘆 𝗝𝗮𝗻𝗲 𝗡𝗮𝗻𝘁𝗶𝘇𝗮, ang titulo isip 𝟭𝘀𝘁 𝗥𝘂𝗻𝗻𝗲𝗿-𝗨𝗽, ug nasungkit sa 𝗠𝘂𝗻𝗶𝗰𝗶𝗽𝗮𝗹𝗶𝘁𝘆 𝗼𝗳 𝗕𝗮𝗻𝘀𝗮𝗹𝗮𝗻, pinaagi ni 𝗠𝘀. 𝗗𝗮𝗻𝗻𝗮 𝗠𝗶𝘁𝗰𝗵𝗲𝗹𝗹𝗲 𝗕. 𝗥𝘂𝗲𝗹𝗼, ang 𝟮𝗻𝗱 𝗥𝘂𝗻𝗻𝗲𝗿-𝗨𝗽 nga puwesto.

Ang maong fashion show nagsilbing entablado sa pagpasundayag sa mga lokal nga talento ug sa adunahang kultura sa mga lungsod sa Davao del Sur, nga nahiuyon sa tema sa AGRINEX 2026 nga "𝗖𝗿𝗲𝗮𝘁𝗲, 𝗖𝘂𝗹𝘁𝗶𝘃𝗮𝘁𝗲, 𝗮𝗻𝗱 𝗖𝗼𝗹𝗹𝗮𝗯𝗼𝗿𝗮𝘁𝗲."

Pinaagi sa paghiusa sa tradisyon, sining, ug pagkamamugnaon, gipakita sa mga partisipante ang ilang garbo sa kultura ug ang ilang kontribusyon sa pagpreserbar ug pagpalambo sa kabilin sa Davao del Sur.

𝗞𝗔𝗦𝗨𝗢𝗧𝗔𝗡, 𝗞𝗨𝗟𝗧𝗨𝗥𝗔 𝗨𝗚 𝗞𝗔𝗟𝗔𝗠𝗕𝗢𝗔𝗡: 𝟵 𝗞𝗮 𝗟𝗚𝗨𝘀 𝗡𝗮𝗴𝗽𝗮𝘀𝗶𝗱𝘂𝗻𝗴𝗼𝗴 𝘀𝗮 𝗔𝗚𝗥𝗜𝗡𝗘𝗫 𝟮𝟬𝟮𝟲 𝗙𝗮𝘀𝗵𝗶𝗼𝗻 𝗦𝗵𝗼𝘄

Nagdagsang ang kolor, kultura, ug pagkamamugnaon atol sa AGRINEX 2026 Fashion Show nga gipahigayon isip kabahin sa pagsaulog sa ika-59 nga Araw ng Davao del Sur niadtong Hulyo 1, 2026, sa Ground Floor sa GMall of Digos City.

Uban sa tema nga "𝗖𝗿𝗲𝗮𝘁𝗲, 𝗖𝘂𝗹𝘁𝗶𝘃𝗮𝘁𝗲, 𝗮𝗻𝗱 𝗖𝗼𝗹𝗹𝗮𝗯𝗼𝗿𝗮𝘁𝗲," gipakita sa siyam ka mga lungsod sa probinsya ang ilang talagsaong kultura, tradisyon, ug lokal nga identidad pinaagi sa matahum ug mamugnaong mga disenyo sa kasuotan.

Ang maong fashion show nahimong usa ka entablado diin gipadayag sa matag partisipanteng lungsod ang ilang kabilin ug artisticong talento, samtang gipasiugda usab ang importansya sa pagtinabangay, pagpreserbar sa kultura, ug pagpalambo sa lokal nga industriya.

Pinaagi sa kombinasyon sa tradisyonal ug modernong mga elemento sa disenyo, napakita sa mga partisipante ang ilang garbo isip mga lumulupyo sa Davao del Sur ug ang ilang kontribusyon sa padayong kalamboan sa probinsya.

Ang AGRINEX 2026 Fashion Show usa lamang sa daghang kalihokan nga gipahigayon isip kabahin sa pagsaulog sa ika-59 nga anibersaryo sa Davao del Sur, nga nagtinguha sa paghiusa sa mga komunidad pinaagi sa kultura, agrikultura, industriya, ug kooperasyon.