105.3 FM LIFE RADIO Kabankalan

MULTICAB NGA MASAMI GINA-KARGAHAN SANG BALAS NASUNOG SA CANDONI, KAHALITAN NAGDANGAT SA KAPIN ₱15-K

Nasunog ang isa ka multicab nga masami gina-kargahan sang balas sa Purok Orchids, Barangay East, banwa sang Candoni, las-10:50 ang takna sang aga, Mayo 12.

Sa interview sang Life Radio Kabankalan kay FO2 Iris Estocado, Chief Intelligence and Investigation Section sang Candoni Fire Station, ginapanag-iyahan ni Novey Empiales ang amo nga salakyan.

Dugang pa ni Estocado, una nga nag-responde ang mga katapo sang Municipal Disaster Risk Reduction and Management Office (MDRRMO) apang bangod sang madasig nga pagkalap sang kalayo gilayon nga ginpadulongan sang BFP ang salakyan sa lugar matapos nga nakabaton sang tawag agod matapna ang padayon nga paglamon sang kalayo.

Nahibalu-an nga ang unahan lamang nga porsiyon sang salakyan ang nasunog nga nagtuga sang kahalitan nga nagdangat sa kapin ₱15,000.00.

Sa karon padayon nga gina-imbestigahan sang BFP ang nag posible nga ginhalinan sang kalayo. Nagpanugyan naman si Estocado sa mga residente nga sekyaron sang maayo ang gindala nga salakyan bilang preparasyon.

Photo courtesy: CDN

SUSPEK NGA NAGBUNO SA APAT KA MGA INDIBIDWAL SA MOISES PADILLA GINPASAKAAN NA SANG KASO NGA ATTEMPTED HOMICIDE

Ginpasakaan na sang kaso nga attempted homicide ang suspek nga nagbuno sa apat ka mga indibidwal sa Sitio Balogo, Barangay Magallon Cadre, banwa sang Moises Padilla.

Ginkilala ang suspetsado kay Romel Bangcaya samtang ang mga biktima naman ang ginkilala kay Vicente Molina, Vicent Molina, alyas ‘John’, menor de edad, Jeffrey Bangcaya, kag lunsay mga residente sang nasambit nga lugar.

Sa interview sang Life Radio Kabankalan kay P/Maj. Ryan Villasario, hepe sang Moises Padilla Municipal Police Station, ginpahayag sini nga samtang naga-inom inom sang makahulubog nga ilimnon ang mga biktima sa sulod sang ila puluy-an sang hinali lang nga nag-abot ang suspek kag ginbuno si Jeffrey apang sang gin-tambagan ini nagwaras ang suspek kag nabuno ang tatlo ka iba pa nga mga biktima.

Nakaangkon sang samad sa nagkalain-lain nga bahin sang lawas ang mga biktima kag gindala sa ospital para sa nagakaigo nga pagbulong samtang nagpalagyo naman ang suspek apang natigayon nga nadakpan sa ginpatigayon nga hot pursuit operation.

Nakahunong na sa kustodiya sang mga kapulisan ang suspek para sa nagakaigo nga disposisyon.

PERFECT! 100K NA, +1K PA! 💙💛

Madamo gid nga salamat sa inyo padayon nga pag-salig kag pag-suporta sa Life Radio PH.

Maga-padayon kami sa pag-hatag sang serbisyo sa mga Pilipino pinaagi sa de-kalidad nga mga balita, entertainment kag public service.

OPINYON NG BAYAN

Sa interview sang Life Radio - Kabankalan kay Mayor Benjie Miranda, iya gin-pahayag ang interes sa pag-ilis sang 'Udyakan Festival' bilang 'Kabugana-an Festival'.

Pabor ka bala sini?

SEN. BATO, GINA-KABIG SANG ICC NGA SUSPETSADO SA ‘WAR ON DRUGS’

Gina-kabig na sang ICC Pre-Trial Chamber 1 bilang suspetsado si Sen. Bato dela Rosa matapos gin-buyagyag sa publiko ang warrant of arrest batok sa senador.

Suno sa ICC Office of the Prosecutor, sadto pa nga Nobyembre 6, 2025 gin-dagdag ang “secret” warrant of arrest angut sa kaso nga crimes against humanity.

Madumduman nga nag-serbe bilang tag-pamuno sang Philippine National Police (PNP) si Dela Rosa, kag gin-patigayon ang ‘war on drugs’ sang administrasyon ni Duterte.

NAG-TALIWAN NGA PULIS SA LA CASTELLANA, GINA-KABIG NGA BAGANIHAN SANG PRO-NIR DIRECTOR

Gina-kabig bilang baganihan ni PRO Negros Island Region Acting Regional Director P/BGen. Romano Cardiño ang pulis nga napatay matapos gin-buno sang subject samtang gina-patigayon ang buy-bust operation sa Sitio Talaptap, Barangay Talaptap, La Castellana, gab-i sang Lunes, Mayo 11.

Sandig sa press-release nga gin-dagdag sang PRO-NIR, gina-kasubo sang kapulisan ang pag-taliwan ni P/MSg. Davy Carampatana sang La Castellana PNP.

Nag-palambot man sang pagpakig-unong si Cardiño sa pamilya ni Carampatana, iya man gin-pasiguro nga maka-baton sang nagakaigo nga bulig kag suporta ang pamilya sang nag-taliwan nga police officer amo man sang mga nagkalasamaran.

Nahibaluan nga pilason man sa nasambitan nga operasyon nanday P/Capt. Michael Muñez, Deputy Chief of Police sang nasambitan nga talatapan kag P/Cpl. Gerson Guache.



RELATED: https://www.facebook.com/LifeRadioKabankalan105.3FM/posts/pfbid0RgJuW6rYKNHS5QYReWFpvQ4vhVdQdNDef2Ae2tW2iP7X8aR6ufYQPMYPMvqdG5T6l

ROGELIO GOMEZ, NAG-PANUMPA NA BILANG BAG-O NGA KAGAWAD SANG BRGY. 8, KABANKALAN

Pormal na nga nag-panumpa bilang panibag-o nga kagawad sang Barangay 8, Kabankalan City si Rogelio M. Gomez.

Gin-patigayon ang oath-taking ceremony sa Kabankalan City Hall, Lunes, Mayo 11.

Gin-appoint si Gomez agud buslan ang iya utod nga si Roberto Gomez nga nag-taliwan sadtong Nobyembre 2025.

SUBJECT SANG BUY-BUST OPERATION SA LA CASTELLANA NAG-BATO; PULIS PATAY, 2 PILASON

Patay si P/MSg Davy Carampatana sang La Castellana PNP matapos naka-angkon sang patal nga mga igo bangud sa pagpang-buno sang subject kag iloy sini sa buy-bust operation nga gin-kasa sang kapulisan sa Sitio Talaptap, Barangay Talaptap, La Castellana, gab-i sang Lunes, Mayo 11.

Sandig sa impormasyon nga nakuha nagikan sa PRO Negros Island Region, gin-kilala ang mga suspetsado nga amo nanday Edward Acupan, 41-anyos, lalaki, subject sang operasyon kag identified Street Level Individual (SLI); Delia Acupan, 68-anyos, babayi, iloy sang subject kag lunsay mga residente sang nasambit nga lugar.

Suno sa PRO-NIR, nag-bato ang subject kag gin-atake ang mga katapo sang kapulisan nga naga-patigayon sang operasyon gamit ang isa ka double-bladed weapon.

Dugang pa sang PRO-NIR, nag-upod man sa pagpang-atake ang iloy sang subject kag maka-pila ka beses nga gin-buno ang mga operatiba.

Bangud sini, mag-luwas kay Carampatana nga gin-deklarar bilang ‘dead-on-arrival’ sang attending physician sa La Castellana RHU, pilason man si P/Capt. Michael Muñez, Deputy Chief of Police sang nasambitan nga talatapan matapos naka-angkon sang multiple stab wounds kag naka-confine sa pribado nga ospital sa Bacolod; samtang minor injuries ang naagum ni P/Cpl. Gerson Guache.

Nakuha sa posesyon sang suspetsado ang mga heat-sealed transparent plastic sachet nga naga-unod sang gina-patihan shabu nga naga-balor sang P47,600, buy-bust money, drug paraphernalia, kag bladed weapon.

Naka-angkon man sang injuries si Edward kag gina-bulong karon sa La Castellana RHU kag yara sa idalom sang police custody; samtang naga-pabilin ang iya iloy sa talatapan sang La Castellana PNP agud mangatubang sang nagakaigo nga disposisyon.

LALAKI PILASON MATAPOS NGA GINLABO SANG IYA BAYAW SA SIPALAY

Pilason ang isa ka lalaki matapos nga ginlabo sang iya bayaw sa Sitio Olutsan, Barangay Camindangan, Sipalay City, la-1:00 ang takna sang hapon, Mayo 10.

Ginkilala ang biktima kay alyas ‘Alexander’, mangunguma, 49-anyos ang edad samtang ang suspetsado naman ang ginkilala kay alyas ‘Helario’, legal ang pang-edaron kag lunsay mga residente sang nasambit nga lugar.

Sa interview sang Life Radio Kabankalan kay P/Lt. Cipriano Lumanog III, Deputy Chief of Police sang Sipalay Component City Police Station (SCCPS), samtang naga-inom sang makahulubog nga ilimnon ang mga ini yara sang wala pag-inchindihanay sa duha tubtob nga nag-init ang komosyon kag gilayon nga nagkuha sang lagari ang biktima kag gilayon nga ginlabo ang biktima.

Nakaangkon sang pilas ang wala (left) nga bahin sang guya kag abaga ang biktima kag ginhingagaw dala sa ospital samtang ang suspek naman ang ginhunong sa kustodiya sang mga kapulisan para sa nagakaigo nga disposisyon.