Yul Lopez

I am humbled by this recognition. Uswag Loon !

Maayo pa mga Municipal or City LGU Engineering departments ang motrabaho sa mga DepEd classrooms. Ang LGU School Boards maoy mo seguro sa accountability & prompt completion sa projects thru close supervision & monitoring. Just thinking aloud!

🦟 HUNONGA ANG DENGUE SA WALA PA MAGSUGOD! 🦟

Ang dengue dili ordinaryo nga hilanat – kini usa ka seryoso nga sakit nga dala sa lamok nga Aedes. Protektahi ang imong kaugalingon, pamilya, ug komunidad pinaagi sa yano ug epektibong mga lakang:

✅ Likayi ang pagtapok sa tubig – Ilabay ang tubig nga nagtapok sa balde, paso ug cooler. Ilisi ang tubig sa flower vase matag duha ka adlaw ug tabuni pag-ayo ang mga sudlanan sa tubig.
✅ Panalipdi ang kaugalingon – Gamita ang mosquito repellent, magsul-ob ug taas nga sinina ug pantalon, ug gamita kulambo o net sa pultahan ug bintana.
✅ Magbantay ug aksyon dayon – Tan-awa kung adunay hilanat, rashes, ug kasakit sa lutahan. Ayaw pag-inom ug tambal kung walay tambag sa doktor, ug adto dayon sa health center o doktor kung adunay sintomas.

🤝 Magkahiusa kita sa paglimpyo ug pagpanalipod aron masigurado nga luwas ang atong pamilya ug komunidad batok sa dengue!

Fraternal lunch with esteemed brother Archbishop elect Abet Uy💖Loon Kasilak Fiesta.

DIA NA GYUD!! DI NA JUD MAPUGNGAN!

Nothing Beats a Jet2 holidays and right now Elias J. TV is in the Town!!!

Live at the Loon South Central Elementary School ground this 7:00 in the evening!! ANIA NA!! Mag enjoy kita!!

HAPPY FIESTA, LOON MADANIHON!!!

📌 Pag-turnover sa Pondol–Candaigan Farm-to-Market Road

Mapasalamaton ko sa malampusong pag-turnover, pagpanalangin, ug ribbon cutting sa 4.74-km Farm-to-Market Road nga nagdugtong sa Pondol, Bahi, Nueva Vida, ug Candaigan 5m ang gilapdon ug 0.15 m ang gibag-on.

Pinundohan kini sa World Bank pinaagi sa DA–Philippine Rural Development Project (PRDP); nahuman Disyembre 2024 ug nagkantidad og ₱100,596,112.84, gi-implementar sa Provincial Engineer’s Office ug gi-kontrata sa BSP and Company, Inc.

Dako akong pagpasalamat sa Bohol Provincial Government pinangulohan ni Gov. Aris Aumentado, ug sa atong mga kauban sa seremonya: DA 7 RD Angel Enriquez, 1st District Rep. Baba Yap, DA Deputy PD Engr. Cirilo Namoc, ug SK Bohol Federation President Lawrence Xavier Ancla.

Kini nga dalan magpalig-on sa atong resilient agriculture—magpadali sa pagbalhin sa abot sama sa saging, humay, lubi, mangga, gamut, mais, ug utanon—ug mosuporta sa atong garbo nga unang ug nag-inusarang UNESCO Global Geopark sa nasud. Para sa 2,583 ka Loonanon nga benepisyaryo, kini dalan padulong sa mas hayag nga panginabuhian.

Dakong kalipay ug pagpasalamat ang pag-uban sa Diamond Jubilee sa among pinalanggang alma mater, ang Immaculate Heart of Mary Seminary, kauban ang akong classmate nga si Archbishop Barney Auza, Apostolic Nuncio sa European Union. Usa ka dakung handumanan sa pagtuo ug pag-alagad nga nagapadayon sa pagpanday sa mga kasingkasing ug hunahuna alang sa Diyos ug katawhan.

Elias JTv at Loon Town Square (outdoors), September 4!

See you there Loon Madanihon

Maayong Kapistahan Loon

📌 Pagpalig-on sa Kusog sa Kababayen-ang Loonanon

Usa ka dakong kalipay ang atong pagdawat sa mga opisyales sa Kahogpongan sa Kababayen-ang Loonanon (KKL) nga gipangulohan ni Federation President Maria Dally Gerzon.

Atong gipalig-on ang panag-uban tali sa LGU Loon ug sa KKL isip kabahin sa atong padayon nga paningkamot sa paghatag ug kusog, tingog, ug oportunidad sa atong mga kababayen-an. Ang ilang papel sa katilingban ilabi na sa pagpalambo sa komunidad dili matukma sa bisan unsang sukod — ug tungod niini, buo ang akong suporta alang sa ilang mga inisyatibo.

Padayon ta sa pag-uswag uban ang kababayen-ang Loonanon nga mas lig-on, mas aktibo, ug mas mapasigarbuhon!

📌 Suporta sa Modernisasyon sa Kapulisan: Smartphones Gihatag sa PNP Loon

Gihatagan nato og mga smartphones ang PNP Loon isip tubag sa hangyo ni PNP Chief Thomas Zen Cheung atol sa ilang courtesy visit dinhi sa atong buhatan.

Kini nga mga kagamitan gamiton isip alternatibo sa body-worn cameras alang sa dokumentasyon sa ilang mga operasyon ug pagpanginspeksyon — aron mapadayon ang transparency ug seguridad. Dugang pa, makatabang kini sa mas paspas nga komunikasyon ug koordinasyon ilabina sa mga emerhensiya ug daliang pagresponde.

Isip inyong mayor, buot ko nga mahatagan nato ang atong mga kapulisan og hinungdanong suporta ug moderno nga kagamitan aron mas epektibo sila sa ilang serbisyo sa katawhan.

📌 WATER SEARCH AND RESCUE (WASAR) TRAINING SA LOON

Daku akong kalipay sa malampusong pagkahuman sa Water Search and Rescue (WASAR) Training nga gihimo dinhi sa atong Tubig Loon Spring Park Complex.

Kini nga pagbansay usa ka tin-aw nga timaan sa atong tinguha nga mapalig-on ang kapasidad sa komunidad sa pag-atubang ug tubag sa mga emerhensiya sa kadagatan. Ang inyong kaisog ug kadasig usa ka dakong pasidungog ug inspirasyon sa tanang Loonanon.

Padayon ta sa pagpalambu sa kaluwasan ug kahimtang sa katawhan sa Loon!

📌 Pagpakusog sa Papel sa mga Amahan alang sa Kalamboan sa Kabataan

Gipasidunggan nato ang Trainers' Training sa Empowerment and Re-affirmation of Paternal Abilities (ERPAT) — usa ka mahalagang lakang nga nagtutok sa papel sa mga amahan isip tinuod nga “haligi sa panimalay.”

Sa akong mensahe, akong gipasiugda ang dakong responsibilidad sa amahan sa emosyonal, moral, ug sikolohikal nga pag-atiman sa ilang mga anak. Giduso ko ang kamahinungdanon sa aktibong pagka-amahan, diin ang pag-amuma ug panagpakabana mahimong pundasyon sa mas matinud-anon ug responsableng kabatan-onan sa Loon.

Kauban usab nato si Vice Mayor Dodong Literatus, nga misalmot ug mipasidungog sa paningkamot sa atong mga amahan nga mitambong niining maong panagtigom.

Kini nga kalihokan gimugna pinaagi sa panaghiusa sa DSWD ug sa atong MSWDO isip kabahin sa atong padayon nga adbokasiya para sa lig-on nga pamilya ug maayong katilingban.