GC Health Services Unit

ANUNSYO PARA SA MGA PAPASOK NA GC STUDENTS Academic Year 2026–2027

Ipinapaalam sa lahat ng mga papasok na GC students para sa Academic Year 2026–2027 na tayo ay magsisimula nang gumamit ng online system para sa inyong Medical/Physical Assessment.

Maaaring ma-access ng mga estudyante ang appointment website sa pamamagitan ng link na nasa ibaba:

https://www.carespot.site/

Sa pamamagitan ng website na ito, maaaring gumawa ng kanilang profile ang mga estudyante at magtakda ng appointment schedule para sa kanilang Medical/Physical Assessment.

Mangyaring tandaan na ang paggamit ng website na ito ay kasalukuyang nasa TESTING PHASE LAMANG. Kaugnay nito, ang system ay para LAMANG sa mga papasok na estudyante para sa Academic Year 2026–2027.

Bukod dito, TANGING mga estudyanteng may kumpleto nang laboratory results lamang ang maaaring gumamit ng appointment system sa ngayon habang patuloy pang sinusubukan, pinapabuti, at sinusuri ang platform upang maging mas maayos at episyente ang assessment process para sa lahat.

Kami po ay taos-pusong humihingi ng inyong pang-unawa, pasensya, at buong kooperasyon habang isinasagawa ang testing phase na ito.

Magkakaroon pa po ng mga susunod na anunsyo at karagdagang tagubilin.

Maraming salamat po at manatiling ligtas at gabay ng Panginoon!

carespot.site