HabibI 2.0

Medyo na-teary eyed ako nung nalaman ko na si Punch, yung cute na Japanese macaque, na minsang nireject ng sarili niyang magulang, na naghanap ng comfort at pagmamahal sa isang orange na orangutan plush toy, ay ngayon nakatanggap na ng yakap mula sa isang elder monkey at tuluyan nang tinanggap ng kaniyang troop.

Grabe. Isang yakap lang, pero ang bigat ng ibig sabihin.

Minsan, naging Punch din tayo.
Yung tipong napapalibutan ka ng maraming tao pero pakiramdam mo mag-isa ka. Yung gusto mo lang naman mahalin at tanggapin, pero parang hindi ka kapili-pili. Kaya nakakagaan malaman na yung minsang ipinagtabuyan, makikita mong niyakap at tinanggap na.

Parang paalala na hindi dahil na-reject ka noon, hindi ka na karapat-dapat tanggapin. Hindi dahil naghintay ka nang matagal, hindi na darating ang para sa’yo. At hindi dahil minsan kang nag-isa, habang-buhay ka nang mag-isa.

Kung naging Punch ka man minsan, sana ito ang paalala na darating din ang tamang tao sa ‘yo, na kahit ‘di mo kadugo ay tatanggapin ka nang buong-buo.

At pagdating nun, maiintindihan mo, hindi ka kailanman kulang. Hindi ka lang talaga para sa mga taong hindi marunong magmahal. 🐒💛

bata pa baya ko . ❕🥹.

10/19/2024