Negosyo Center Sta.Ana

𝗗𝗧𝗜 𝗥𝗘𝗚𝗜𝗢𝗡 𝟮, 𝗡𝗔𝗚𝗟𝗨𝗡𝗦𝗔𝗗 𝗡𝗚 𝗠𝗔𝗥𝗞𝗘𝗧 𝗢𝗣𝗣𝗢𝗥𝗧𝗨𝗡𝗜𝗧𝗬 𝗔𝗧 𝗜𝗡𝗩𝗘𝗦𝗧𝗠𝗘𝗡𝗧 𝗙𝗢𝗥𝗨𝗠 𝗣𝗔𝗥𝗔 𝗦𝗔 𝗜𝗡𝗗𝗨𝗦𝗧𝗥𝗜𝗬𝗔 𝗡𝗚 𝗡𝗜𝗬𝗢𝗚

TUGUEGARAO CITY — Pormal nang sinimulan ng Department of Trade and Industry (DTI) Region 2 katuwang ang Coconut Farmers and Industry Development Plan (CFIDP), ang Market Opportunity and Investment Forum para sa industriya ng niyog sa Rehiyon 2, na layuning palakasin ang ugnayan ng mga magsasaka, kooperatiba, MSME, mamumuhunan, at mga ahensya ng pamahalaan.

Sa temang “Building a Competitive Coconut Industry: Connecting Farmers, Markets, and Investors in Region 2,” nagsilbing plataporma ang dalawang-araw na forum para sa talakayan, business matching, at kolaborasyon na magpapalakas sa value chain ng niyog at magtataguyod ng mas napapanatiling pag-unlad ng industriya.

Tinalakay sa forum ang kalagayan ng industriya ng niyog sa rehiyon, mga oportunidad sa pamumuhunan, climate-resilient at sustainable coconut development, proseso ng business registration, mga pamantayan sa kalidad at sertipikasyon, at mga pagkakataon sa pagdaragdag ng halaga sa mga produktong mula sa niyog.

Inaasahang sa pamamagitan ng nasabing pagtitipon ay mas mapapalalim ang kaalaman ng mga kalahok at mabubuo ang mga partnership na magbubukas ng mas maraming oportunidad para sa industriya ng niyog sa Region 2.

Courtesy: DTI Region 2

Ang balitang ito ay hatid sa inyo ng: