Tarlac PHO - Health Promotion Unit

𝐇𝐔𝐋𝐘𝐎 𝟖-𝟗, 𝟐𝟎𝟐𝟔| 𝐏𝐢𝐧𝐚𝐠𝐡𝐚𝐡𝐚𝐧𝐝𝐚𝐚𝐧 𝐚𝐧𝐠 𝐊𝐚𝐥𝐢𝐠𝐭𝐚𝐬𝐚𝐧 𝐧𝐠 𝐀𝐭𝐢𝐧𝐠 𝐦𝐠𝐚 𝐂𝐡𝐢𝐤𝐢𝐭𝐢𝐧𝐠!

​Sa likod ng bawat matagumpay na pagbabakuna ay isang dedikadong pangkat na nag-aayos ng bawat detalye. Ngayong araw, pinapangunahan ng Provincial DOH Office (PDOHO) Tarlac at Tarlac Provincial Health Office (PHO) ang pagpupulong ng ating mga NIP Coordinators at City/Municipal Doctors upang irepaso ang ating MR-SIA microplans. 🗺️✍️

​Hindi lang po sektor ng kalusugan ang kumikilos—buong bayan po ang nagtutulungan! Kasama po nating nagpaplano ngayon ang BFP Tarlac, PNP Tarlac, Philippine Red Cross, at mga espesyalistang doktor mula sa Philippine Pediatric Society (PPS).

​𝐀𝐧𝐨 𝐛𝐚 𝐚𝐧𝐠 𝐢𝐛𝐢𝐠 𝐬𝐚𝐛𝐢𝐡𝐢𝐧 𝐧𝐢𝐭𝐨?

Sinisiguro po natin na may sapat na seguridad ang ating mga health workers, may maayos na transportasyon papunta sa mga liblib na barangay, at handa ang pinakamagagaling na doktor upang gabayan ang ating kampanya.

​Ginagawa po natin ang lahat upang walang batang palalampasin ang pagkakataong maprotektahan laban sa tigdas at rubella. Antabayanan po ang mga schedule ng bakuna sa inyong lugar!


​