Sayed Ali Shah

تحصیل مندنڑ ضلع بونیر۔
امبیلا پولیس موبائل پر IED حملے کی خبر سن کر گہرا دکھ ہوا۔ اللہ تعالیٰ زخمیوں کو جلد صحتیابی عطا فرمائے۔
یہ اس ہفتے تحصیل مندنڑ میں پولیس پر دوسرا حملہ ہے۔ بونیر پولیس عوام دوست ہے اور بونیر کے عوام پولیس دوست۔ ہم اپنے پولیس کے ساتھ شانہ بشانہ کھڑے ہیں اور اپنے پُرامن علاقے میں ایسی کارروائیوں کو کبھی کامیاب نہیں ہونے دیں گے۔ ہمیں اس چیلنج کا مقابلہ کرنا ہوگا، جیسے سوات اور لکی مروت کے عوام نے کیا تھا۔

*غصے کی کیمسٹری*

جو شخص غصے کی کیمسٹری کو سمجھ لے، وہ اسے آسانی سے قابو میں رکھ سکتا ہے۔ ہمارے جسم میں سولہ کیمیکلز ہیں جو ہمارے جذبات اور موڈز کو تشکیل دیتے ہیں۔ ہر جذبے کا دورانیہ صرف 12 منٹ ہوتا ہے۔ مثلاً غصہ، جو کیمیکل ری ایکشن سے پیدا ہوتا ہے— جیسے نیند کی کمی، خالی پیٹ رہنا، یا جسم میں انسولین کی کمی— اس سے بلڈ پریشر بڑھتا ہے اور غصہ پیدا ہوتا ہے، لیکن یہ صرف 12 منٹ تک رہتا ہے۔ ہمارا جسم 12 منٹ بعد ایسے کیمیکل خارج کرتا ہے جو غصے کو ختم کر دیتے ہیں، اور یوں ہم ٹھنڈے ہو جاتے ہیں۔ اگر ہم یہ 12 منٹ مینیج کر لیں، تو غصے کے نقصانات سے بچ سکتے ہیں۔

ہمارے چھ بنیادی جذبات— غصہ، خوف، نفرت، حیرت، لطف، اور اداسی— سب کی مدت صرف 12 منٹ ہے۔ اگر ہم ان 12 منٹوں میں اپنے جذبات پر قابو پائیں، تو وہ ہماری شخصیت کا حصہ نہیں بنتے۔ اکثر لوگ ان جذبات پر تیل ڈال کر انہیں بڑھا دیتے ہیں، یوں جو جذبہ 12 منٹ میں ختم ہونا چاہیے تھا، وہ دو تین دن یا اس سے بھی زیادہ رہتا ہے اور آخرکار ہماری شخصیت کا مستقل حصہ بن جاتا ہے۔

جب بھی کوئی جذبہ غالب آئے، زبان بند رکھیں، کچھ نہ بولیں، اور فوری طور پر خود کو کسی اور سرگرمی میں مشغول کر لیں، جیسے واک، صفائی، یا فون کال۔ یوں بارہ منٹ گزر جاتے ہیں، طوفان تھم جاتا ہے، اور آپ فیصلہ کرنے کی حالت میں آ جاتے ہیں۔ خاموشی ہر طوفان کا مقابلہ کر سکتی ہے، چاہے وہ غصے کا ہو یا کسی اور جذبے کا۔ خاموش رہ کر زندگی کے بڑے سے بڑے طوفان کو شکست دی جا سکتی ہے۔
سیدعلی شاہ ۔