Sub Division Juglote Police

ضلعی پولیس گلگت
مورخہ: 29 جنوری 2026

گلگت (پ۔ر):ڈسٹرکٹ پولیس آفیسر گلگت اسحاق حسین (پی ایس پی) کی ہدایات پر ضلعی پولیس گلگت کی جانب سے ضلع بھر میں گشت کے نظام کو مزید مؤثر بنا دیا گیا ہے۔
اسی سلسلے میں ایس ڈی پی او جگلوٹ سرکل گلگت امجد علی کی قیادت میں ایس ایچ او تھانہ جگلوٹ ولی اللہ اور عملہ پولیس نے کامیاب کارروائی کرتے ہوئے ناکہ بندی کے دوران تھانہ بونجی ضلع استور کے مقدمہ علت نمبر 01/026 بجرائم 381/457 تعزیراتِ پاکستان میں مطلوب مسروقہ موٹر سائیکل اور ایک مشکوک گاڑی نمبری GLT G 38 برآمد کر کے ملوث ملزمان کو گرفتار کر لیا گیا ۔۔
کارروائی کے دوران ملزم ہدایت اللہ ولد نواب،ابرار ولد اصغر خان ساکنان داریل دیامر کو گرفتار کر لیا گیا، جبکہ دیگر ملوث ملزمان کی گرفتاری کے لیے چھاپہ مار کارروائیاں جاری ہیں۔
ضلعی پولیس گلگت جرائم پیشہ عناصر کے خلاف بھرپور اور بلا امتیاز کارروائیاں جاری رکھے ہوئے ہے۔

جاری کردہ:
ترجمان ڈسٹرکٹ پولیس گلگت

*ضلعی پولیس گلگت*
مؤرخہ: 09 اکتوبر 2025

*ایس ایچ او تھانہ جگلوٹ انسپکٹر ولی اللہ اور عملہ پولیس کی کامیاب کارروائی — ملزم گرفتار، مسروقہ مال مویشی برآمد*
تفصیلات کے مطابق تھانہ جگلوٹ میں ایک شہری کی جانب سے مال مویشی (بکری) کی چوری کے حوالے سے تحریری درخواست پر پولیس نے فوری کارروائی کرتے ہوئے *مقدمہ علت نمبر 51/025، بجرائم 380, 457 تعزیراتِ پاکستان کے تحت درج کر کے نامعلوم ملزمان کی تلاش شروع کر دی۔*
تحقیقات کے دوران *ایس ایچ او تھانہ جگلوٹ انسپکٹر ولی اللہ کی قیادت میں پولیس ٹیم نے پیشہ ورانہ مہارت اور خفیہ ذرائع کی مدد سے ایک مشتبہ شخص شہزادہ میر ولد بٹور سکنہ تانگیر، ضلع دیامر، حال مقیم جگلوٹ کو گرفتار کیا۔ دورانِ تفتیش ملزم نے اقرارِ جرم کرتے ہوئے اپنی نشاندہی پر مسروقہ ایک شاخ بکری برآمد کروائی۔*

*جگلوٹ پولیس کے مطابق ملزم سے مزید تفتیش جاری ہے اور مزید اہم انکشافات متوقع ہیں۔*

جاری کردہ:
*ترجمان ضلعی پولیس گلگت*