Dark Night

تمہارا ہجر منایا تو میں اکیلا تھا
جنونِ حشر اٹھایا تو میں اکیلا تھا

یہ میری اپنی دعائیں جنھوں نے رد ہوکر
گلے سے مجھ کو لگایا تو میں اکیلا تھا

دیارِ خواب تھا،تم تھے،تمام دنیا تھی
کسی نے آ کے جگایا تو میں اکیلا تھا

کوئی حسینی نہ نکلا میرے رفیقوں میں
دیا بجھا کے جلایا تو میں اکیلا تھا

تمہارا ہاتھ نہیں تھا وہ موجِ گریہ تھی
مری سمجھ میں جب آیا تو میں اکیلا تھا

کہاں سے آئی تھی آخر تری طلب مجھ میں
خدا نے مجھ کو بنایا ،تو میں اکیلا تھا🍂🥀