Ghizer Vision Point

🚨 اہم وضاحت | سوشل میڈیا پر گردش کرنے والی خبروں کی تردید 🚨

سوشل میڈیا پر بعض حلقوں کی جانب سے یہ دعویٰ کیا جا رہا ہے کہ گلگت بلتستان اسمبلی کے امیدوار کے لیے بی اے یا مخصوص تعلیمی قابلیت لازمی ہے، تاہم یہ دعویٰ درست نہیں۔

الیکشن قوانین کے مطابق امیدوار کے لیے کسی مخصوص تعلیمی ڈگری کی شرط موجود نہیں۔ امیدوار کی اہلیت کا تعین آئین اور انتخابی قوانین کے تحت کیا جاتا ہے، جن میں بنیادی شرائط میں کم از کم 25 سال عمر اور دیگر قانونی تقاضوں پر پورا اترنا شامل ہے۔

لہٰذا سوشل میڈیا پر تعلیمی قابلیت سے متعلق پھیلائی جانے والی افواہیں اور قیاس آرائیاں سراسر بے بنیاد اور گمراہ کن ہیں۔ عوام سے گزارش ہے کہ غیر مصدقہ معلومات پر یقین کرنے کے بجائے مستند اور سرکاری ذرائع سے رجوع کریں۔