GB Timer News

امامیہ مسجد دنیور کے صدر عارف جو آزاد حیثیت سے الکشن لڑ رہے تھے اج ڈاکٹر محمد اقبال کے حق میں دستبردار ہو کے باقاعدہ ن لیگ میں شمولیت اختیار کر لی ۔۔۔۔۔

حلقہ 3 جوتل میں پاکستان تحریک انصاف و مجلس وحدت المسلمین کے مشترکہ امیدوار سید سہیل عباس شاہ کے انتخابی دفاتر کی افتتاحی تقریبات تاریخی جلسے میں تبدیل ہوگئی۔ عوام کا ٹھاٹھیں مارتا سمندر امڈ آیا اور کارکنان نے بھرپور جوش و خروش کا مظاہرہ کیا۔

خبر غم
گلگت: فیری میڈوز روڈ پر پیش آنے والے المناک ٹریفک حادثے میں داریل سے تعلق رکھنے والے ڈرائیور سمیت چھ سیاح جاں بحق ہوگئے۔ حادثے کے بعد علاقے میں سوگ کی فضا ہے جبکہ متعلقہ اداروں نے واقعے کی تحقیقات شروع کر دی ہیں۔

الیکشن کمیشن سیکرٹریٹ گلگت بلتستان کی جانب سے چیئرمین پاکستان پیپلز پارٹی بلاول بھٹو زرداری اور محترمہ آصفہ بھٹو زرداری کے دورہ گلگت بلتستان کے لیے باقاعدہ NOC جاری

پاکستان پیپلز پارٹی کے چیئرمین، بلاول بھٹو زرداری اور محترمہ آصفہ بھٹو زرداری کے 1 سے 5 جون 2026ء تک گلگت بلتستان کے انتخابی دورے کے لیے الیکشن کمیشن آف گلگت بلتستان نے باضابطہ طور پر نو آبجیکشن سرٹیفکیٹ (NOC) جاری کر دیا ہے۔

یہ NOC پاکستان پیپلز پارٹی گلگت بلتستان کی درخواست پر الیکشنز ایکٹ 2017، انتخابی قواعد و قوانین، اور ضابطہ اخلاق (Code of Conduct) برائے عام انتخابات 2026 کی روشنی میں، محترم چیف الیکشن کمشنر گلگت بلتستان کی منظوری سے جاری کیا گیا ہے۔

صدر پاکستان پیپلز پارٹی امجد حسین ایڈووکیٹ نے چیف الیکشن کمشنر اور ان کی ٹیم کا تہہ دل سے شکریہ ادا کیا ہے۔ امجد حسین ایڈووکیٹ نے تمام کارکنان، رہنما، اور عوام سے اپیل کی ہے کہ وہ قائدین کا پرتپاک استقبال کریں۔