Law Insight Associates

اکثر لوگ مجھ سے یہ سوال کرتے ہیں کہ ہم نے کچھ عرصہ پہلے NTN بنوایا تھا اور اب FBR نے پچھلے 6 سالوں کی ریٹرن فائلنگ کا نوٹس بھیج دیا ہے۔ کیا ہمیں ان نوٹسز کے مطابق ریٹرن فائل کر دینی چاہیے یا انہیں نظر انداز کر دینا چاہیے؟

میرے لیے سب سے مشکل بات یہ ہوتی ہے کہ بغیر نوٹس کی تاریخ دیکھے میں کیسے آپ کو یہ مشورہ دے سکتی ہوں کہ ہاں ریٹرن فائل کر دیں یا نوٹس کو نظر انداز کر دیں۔

دیکھیں، ہر ٹیکس دہندہ کی صورتحال مختلف ہوتی ہے۔ اگر آپ نے صرف NTN بنوا کر چھوڑ دیا تھا تو FBR آپ سے پچھلے 10 سال تک کی ریٹرن فائلنگ کا مطالبہ کر سکتا ہے۔ اسی طرح، اگر آپ نے NTN بنانے کے بعد کوئی ایک بھی ریٹرن فائل کر دی ہے تو FBR آپ سے زیادہ سے زیادہ پچھلے 5 سال کی ریٹرن کا مطالبہ کر سکتا ہے۔

لیکن یہاں سب سے اہم بات یہ ہے کہ پچھلے سالوں کی ریٹرن فائلنگ کا نوٹس کتنا پرانا ہے۔ اگر نوٹس تقریباً 2 ٹیکس سال پرانا ہے تو اس صورت میں FBR کے پاس اختیار نہیں رہتا کہ وہ آپ کے خلاف کوئی کارروائی کرے۔

اسی لیے ضروری ہے کہ جب بھی اس طرح کا نوٹس آئے تو آپ کسی ایسے ٹیکس کنسلٹنٹ سے رابطہ کریں جو قانون پر مکمل دسترس رکھتا ہو۔ ایسا نہ ہو کہ آپ 2 سال پرانے نوٹس کو دیکھتے ہوئے ریٹرن فائل کر دیں، جسے بعد میں FBR سیکشن 122 کے تحت ترمیم کر کے آپ پر جرمانہ عائد کر دے۔
شکریہ

فائلر کے بارے میں خطرناک غلط فہمی 🚫
مارکیٹ میں کچھ پراپرٹی رجسٹری ڈیلرز 🏠 یا گاڑی ٹرانسفر ایجنٹس 🚗 عوام کو یہ غلط مشورہ دیتے ہیں:
"آپ فی الحال عارضی طور پر فائلر بن جائیں، اپنی رجسٹری یا گاڑی ٹرانسفر کروا لیں، اس کے بعد چاہیں تو سسٹم چلائیں یا چھوڑ دیں۔"
⚠️ یہ انتہائی غلط اور نقصان دہ سوچ ہے!
📌 حقیقت یہ ہے کہ:
ایک بار NTN یا فائلر اسٹیٹس لینے کے بعد، ہر سال بروقت انکم ٹیکس گوشوارہ u/s 114 اور ویلتھ اسٹیٹمنٹ u/s 116 جمع کروانا زندگی بھر کی قانونی ذمہ داری ہے۔
یہ ذمہ داری اس بات سے آزاد ہے کہ آپ کی آمدنی ہے یا نہیں، یا آپ کاروبار کرتے ہیں یا نہیں۔
📜 گوشوارہ جمع نہ کروانے پر قانونی سزائیں — سیکشن 182، انکم ٹیکس آرڈیننس 2001
❌ تنخواہ دار افراد: ایک سال کا جرمانہ 10,000 روپے
❌ کاروباری افراد: ایک سال کا جرمانہ 50,000 روپے
❌ اضافی سزا: واجب الادا ٹیکس کا 📈 %200 تک جرمانہ
💡 یاد رکھیں:
"عارضی فائلر" بننے کی قانون میں کوئی گنجائش نہیں ہے ۔ اس لیے وقتی فائدہ اور مستقل نقصان کا سودا نہ کریں۔
ہر سال بروقت ریٹرن فائل کریں تاکہ نہ صرف قانون کی پابندی ہو بلکہ غیر ضروری جرمانوں اور زیادہ ٹیکس
سے بچا جا سکے۔

السلام علیکم محترم کلائنٹس،
جیسا کہ آپ کو معلوم ہے ایف بی آر (FBR) نے حال ہی میں انکم ٹیکس ریٹرن فائلنگ کے عمل میں اہم تبدیلیاں کی ہیں۔ یہ تبدیلیاں S.R.O. 1212(I)/2025 کے تحت متعارف کرائی گئی ہیں، جن کا مقصد سسٹم کو مزید شفاف، ڈیجیٹل اور ذمہ دار بنانا ہے۔
ہم آپ کو اس SRO کے تحت ہونے والی دو بڑی تبدیلیوں کی تفصیل سے آگاہ کر رہے ہیں تاکہ آپ بہتر تیاری کر سکیں:

🔷 1. پن کوڈ (PIN) کا نیا نظام

پہلے ہم خود PIN جنریٹ کرکے ٹیکس ریٹرن فائل کر دیتے تھے، مگر اب یہ ممکن نہیں:

اب FBR خود PIN بھیجے گا، وہ بھی ٹیکس دہندہ کے رجسٹرڈ موبائل نمبر پر۔

وہ PIN ٹیکس دہندہ ہمیں فراہم کرے گا، تب جا کر ہم ریٹرن سبمٹ کر سکیں گے۔

یہ PIN دراصل ایک ڈیجیٹل ڈیکلریشن ہے کہ "یہ معلومات میری معلومات کے مطابق درست ہے اور میں اس کا ذمہ دار ہوں۔"

🔷 2. ویلتھ اسٹیٹمنٹ میں “ویلیوایشن ڈیٹا” کا اضافہ

پہلے ہم اثاثہ صرف اس قیمت پر ظاہر کرتے تھے جس پر وہ خریدا گیا تھا۔
لیکن اب نیا کالم شامل کیا گیا ہے جس میں درج کرنا ہوگا:

اثاثہ کتنے میں خریدا؟

موجودہ سال میں اس کی مارکیٹ ویلیو کتنی ہے؟

اگلے سالوں میں اس کی ویلیو میں کیا فرق آیا؟یہ ڈیٹا FBR کو ریسک پروفائلنگ اور مانیٹرنگ میں مدد دے گا۔

---

🔶 مثال:

اگر کسی نے ویلتھ میں 50 تولہ سونا شو کیا ہے، اور فی تولہ قیمت 356,000 روپے ہے:

> 50 × 356,000 = 17,800,000 روپے
لیکن آمدنی صرف 12 یا 15 لاکھ روپے شو کی گئی ہے۔

ایسی صورت میں FBR اس کو High Risk Profile "مختلف زمروں
میں شامل کر کے مستقبل میں نوٹس جاری کرے گا کہ:

> “اتنی کم آمدنی کے ساتھ اتنے بڑے اثاثے کیسے بنے؟ وضاحت کریں!”
✅ کیا کرنا چاہیے؟

آمدنی حقیقت کے مطابق شو کریں۔

ویلتھ اسٹیٹمنٹ کو آمدنی کے مطابق متوازن رکھیں۔

اگر آپ کے اثاثے زیادہ ہیں تو کچھ اضافی ٹیکس ادا کر کے آمدنی بڑھا دیں تاکہ آپ کی فائل مضبوط ہو۔

🔸 گروپ ممبران اور کلائنٹس سے گزارش:
آپ سب ان تبدیلیوں کو سنجیدگی سے لیں، کیونکہ اب FBR کی مانیٹرنگ اور ڈیجیٹل ویری فکیشن سسٹم بہت سخت اور جدید ہو چکا ہے۔