GBMS Chib Rekani

Govt Boys Middle School Chib Rekani

All positions older
Congratulations 🎊 all Students and Parents

آج مورخہ *28 فروری 2026 کو گورنمنٹ بوائز مڈل اسکول چھب ریکانی، گوادر* میں سالانہ نتائج کا اعلان کیا گیا۔ اس موقع پر اسکول میں ایک باوقار تقریب کا انعقاد کیا گیا، جس میں ہیڈماسٹر جناب اللہ بخش صاحب، جناب خدا بخش صاحب، جناب ریاض احمد صاحب ؤ دیگر اساتذہ کرام، طلبہ اور والدین کی بڑی تعداد نے شرکت کی۔

تقریب کا آغاز جناب رحیم بخش صاحب نے تلاوتِ کلامِ پاک سے کیا۔ بعد ازاں ہیڈماسٹر جناب اللہ بخش صاحب نے خطاب کرتے ہوئے طلبہ کی محنت اور اساتذہ کی کاوشوں کو سراہا۔ انہوں نے نمایاں کارکردگی دکھانے والے طلبہ کو مبارکباد دی اور آئندہ بھی اسی جذبے اور لگن کے ساتھ محنت جاری رکھنے کی تلقین کی۔

نتائج کے اعلان کے دوران کامیاب طلبہ کے چہروں پر خوشی نمایاں تھی، جبکہ چند طلبہ نے آئندہ سال مزید محنت کرنے کے عزم کا اظہار کیا۔ پوزیشن حاصل کرنے والے طلبہ اور وہ طلبہ جنہوں نے سال بھر اپنی حاضری یقینی بنائی، کو انعامات اور اسناد سے نوازا گیا۔ اس موقع پر حاضرین نے تالیاں بجا کر ان کی حوصلہ افزائی کی۔

آخر میں اساتذہ کرام نے طلبہ کو نظم و ضبط، مستقل مزاجی اور محنت کی اہمیت پر زور دیا۔ تقریب خوشگوار ماحول میں اختتام پذیر ہوئی۔ یہ دن طلبہ،اساتذہ اور والدین کے لیے خوشی اور فخر کا باعث بنا