Hunza Business Association

گلگت بلتستان ہوٹل ایسوسی ایشن کا ہنگامی اجلاس ۔ نئے ٹیکسز مسترد

گلگت (پ ر) گلگت بلتستان ہوٹل ایسوسی ایشن کا ہنگامی اجلاس گلگت میں منعقد ہوا۔ جس میں حکومت کی جانب سے ہوٹل انڈسٹری پر نئے ٹیکسز کے نفاذ کی کوشش کو یکسر مسترد کر دیا گیا۔ اجلاس میں ممبران نے کہا کہ گلگت بلتستان میں سیاحت اس وقت تباہی کے دہانے پر کھڑی ہے جبکہ امریکہ، اسرائیل اور ایران کے درمیان کشیدگی اور جنگی صورتحال کے باعث امن و امان کی صورتحال بھی دن بدن تشویشناک ہوتی جا رہی ہے۔ ہوٹل انڈسٹری کو بجلی، پانی اور گیس جیسی بنیادی سہولیات کی شدید قلت کا سامنا ہے، جس کے باعث کاروبار چلانا انتہائی مشکل ہو چکا ہے۔

ممبران نے اس بات پر شدید تحفظات کا اظہار کیا کہ پی آئی اے کی پروازوں کی مسلسل منسوخی، پیٹرول و ڈیزل کی قیمتوں میں تقریباً 100 فیصد اضافے اور ٹرانسپورٹ و فضائی کرایوں میں غیر معمولی اضافے نے سیاحوں کی آمد کو تقریباً ختم کر دیا ہے۔ مزید برآں، اسلام آباد سے گلگت پہنچنے کے لئے سیاحوں کو قراقرم ہائی وے پر طویل، خطرناک اور دشوار گزار سفر کا سامنا کرنا پڑتا ہے، جو سیاحت کے فروغ میں ایک بڑی رکاوٹ بن چکا ہے۔

پریس ریلیز میں کہا گیا کہ ایسے نازک حالات میں ہوٹلوں، ریسٹورنٹس، ٹرانسپورٹ کمپنیوں، کارخانوں اور دیگر چھوٹے کاروباروں پر نئے صوبائی ٹیکسز کا نفاذ سیاحت سے وابستہ لاکھوں افراد کو بے روزگار کرنے کے مترادف ہے اور یہ اقدام غریب عوام پر مزید معاشی بوجھ ڈالنے کا سبب بنے گا۔

اجلاس میں ایکسائز اینڈ ٹیکسیشن ڈیپارٹمنٹ گلگت بلتستان کی جانب سے ہوٹل مالکان کو ہراساں کرنے کے اقدامات کی شدید الفاظ میں مذمت کی گئی اور ٹیکسز کے اطلاق پر عملدرآمد کے احکامات کو فوری طور پر معطل کرنے کا مطالبہ کیا گیا۔

مزید برآں گلگت بلتستان ہوٹل ایسوسی ایشن نے حکومت سے مطالبہ کیا ہے کہ چین سے گلگت بلتستان سیاحوں کو لانے کے لیے خصوصی سہولیات فراہم کی جائیں، این او سی (NOC) کے پیچیدہ نظام کو ختم کیا جائے اور سرحدی سیاحت کو فروغ دینے کے لیے پالیسی میں نرمی لائی جائے تاکہ بین الاقوامی سیاحت کو بحال کیا جا سکے۔
گلگت بلتستان ہوٹل ایسوسی ایشن نے حکومت سے پرزور مطالبہ کیا ہے کہ موجودہ معاشی بحران کے پیش نظر سیاحت کے شعبے سے وابستہ افراد کو فوری ریلیف فراہم کیا جائے، نئے ٹیکسز واپس لیے جائیں، اور آسان شرائط پر قرضوں کی فراہمی یقینی بنائی جائے تاکہ اس اہم صنعت کو مکمل تباہی سے بچایا جا سکے۔

اصغر علی سیاہ گوش
انفارمیشن سیکرٹری
گلگت بلتستان ہوٹل ایسوسی ایشن

جس چیز کی ایکسپائرئ کو ایک دن بھی نہیں گزرا ہے اس کا بہانہ بنا کر گرفتار کرنا صاف بتاتا ہے کہ یہ انتقامی کاروائی ہے جس کی بھر پور مذمت کرتے ہیں۔ علی آباد بازار ایسوسی ایشن کے رہنما سلمان صاحب عوامی حقوق کے لئے سرگرم رہتے ہیں یہی ان کا اصل قصور ہے ۔ انتظامیہ سسینکڑوں کلومیٹر کا فاصلہ طے کرکے ہنزہ آنے والے منشیات کو روکیں، مضر صحت اشیاء کو روکیں بڑے بڑے سرمایہ داروں کی لوٹ کھسوٹ کو روکیں تو ہم مانیں۔
سلطان مدد

Resolution of Protest

We, the President and members of the Hunza Hotel Association, express our deep concern and regret over the recent incident. A raid was conducted on the shop of the President of the Hunza Business Association under the pretext of an item whose expiry date had not even fully passed by a single day. Taking action based on such a trivial matter appears to be a retaliatory move, which we strongly condemn.
Mr. Salman has been an active advocate for public rights. In this context, targeting the shop of the Market Association’s President raises serious questions regarding administrative impartiality.
We demand that the Chief Secretary, Home Secretary, and Commissioner of Gilgit Division ensure the immediate transfer of the Naib Tehsildar of Aliabad.

صدر بازار ایسوسی ایشن علی آباد سلمان خان نے اپنے ایک بیان میں کہا ہے کہ عوامی حقوق اور بزنس کمیونٹی کے مفادات کی بات کرنے کی پاداش میں انہیں بدنام کرنے کی کوشش کی جا رہی ہے۔
انہوں نے کہا کہ ایک روز قبل ایکسپائر ہونے والے چند مشروبات کی بوتلوں کو جواز بنا کر ان کی کردار کشی کی کوشش کی گئی، حالانکہ اس وقت مشروبات کا سیزن بھی نہیں ہے۔ ان کا کہنا تھا کہ وہ ہمیشہ ایک ذمہ دار شہری اور تاجر رہنما کی حیثیت سے ہنزہ میں قانون کی پاسداری اور بازار کو مضرِ صحت اشیاء سے پاک رکھنے کے لیے کوشاں رہے ہیں۔
سلمان خان نے مزید کہا کہ ان کے خلاف چاہے جتنے بھی اوچھے ہتھکنڈے استعمال کیے جائیں، وہ کاروباری برادری اور عوام کے حقوق کی جدوجہد جاری رکھیں گے اور کسی دباؤ میں نہیں آئیں گے۔