Hunza First

آج اسکائی ہائیر سیکنڈری اسکول علی آباد، ہنزہ کے باصلاحیت طلبہ نے ایک سائنسی سرگرمی کے تحت اسکول کی دیوار پر نہایت خوبصورت اور معلوماتی پیریاڈک ٹیبل کا چارٹ تیار کیا۔
اس سرگرمی کا بنیادی مقصد طلبہ میں سائنس، بالخصوص کیمسٹری، کے حوالے سے دلچسپی پیدا کرنا، تعلیمی ماحول کو مزید مؤثر اور بصری طور پر دلکش بنانا، اور ان کی تخلیقی صلاحیتوں کو فروغ دینا ہے تاکہ وہ سائنسی تصورات کو آسان اور عملی انداز میں بہتر طور پر سمجھ سکیں۔
یہ بات اسکائی ہائیر سیکنڈری اسکول علی آباد، ہنزہ کی انتظامیہ نے ہنزہ فرسٹ کے نمائندے سے گفتگو کرتے ہوئے کہی۔ انتظامیہ نے مزید کہا کہ ایسے تعلیمی اور تخلیقی اقدامات نہ صرف طلبہ کی علمی صلاحیتوں کو نکھارتے ہیں بلکہ ان میں اعتماد اور تحقیق کا جذبہ بھی پیدا کرتے ہیں۔
ہم اپنے طلبہ اور اساتذہ کی محنت، لگن اور شاندار کاوشوں کو خراجِ تحسین پیش کرتے ہیں۔
Naveed Akhtar Hunza First

ہنزہ کی قابلِ فخر بیٹی❤️❤️

ان شاء اللہ بہت جلد گلگت بلتستان کی سیاست میں نمایاں ہلچل دیکھنے میں آئے گی۔
یہ بات سابق وزیر اطلاعات گلگت بلتستان، جناب ایمان شاہ صاحب نے جی بی نیوز سے خصوصی گفتگو کے دوران کہی۔ ہمارے نمائندے کے ایک سوال کے جواب میں انہوں نے کہا کہ انہوں نے مسلم لیگ (ن) کے پلیٹ فارم سے ایک طویل عرصے تک سیاسی جدوجہد کی ہے، جہاں انہیں نہ صرف قیمتی تجربات حاصل ہوئے بلکہ عوامی خدمت کے مواقع بھی میسر آئے۔ ان کا کہنا تھا کہ مسلم لیگ (ن) کے ساتھ ان کا سیاسی سفر خوشگوار اور بامقصد رہا ہے اور انہوں نے اس جماعت کے پلیٹ فارم سے بہترین سیاست کرنے کی کوشش کی۔
تاہم، جناب ایمان شاہ نے اس گفتگو میں یہ بھی عندیہ دیا کہ بدلتے ہوئے سیاسی حالات اور مستقبل کی ترجیحات کے تناظر میں بہت جلد ان کے اور مسلم لیگ (ن) کے سیاسی راستے جدا ہو سکتے ہیں۔ ان کا کہنا تھا کہ سیاست میں فیصلے ہمیشہ وقتی جذبات کے بجائے زمینی حقائق، عوامی مفاد اور خطے کی مجموعی بہتری کو مدنظر رکھ کر کیے جاتے ہیں۔
انہوں نے مزید کہا کہ گلگت بلتستان اس وقت ایک اہم سیاسی مرحلے سے گزر رہا ہے، جہاں نئی صف بندیاں، نئے اتحاد اور سیاسی سمت کے تعین کی ضرورت شدت سے محسوس کی جا رہی ہے۔ ان شاء اللہ آنے والے دنوں میں عوام کو ایسے فیصلے نظر آئیں گے جو خطے کی سیاست پر گہرے اثرات مرتب کریں گے

Eiman Shah Fida Ullah News Online Gilgit Baltistan News - GB News