HikmaTube

مالک بن انس اور عبداللہ بن نمیر نے کہا : ہمیں ہشام نے اپنے والد عروہ سے حدیث سنائی ، انھوں نے حضرت عائشہ رضی اللہ عنہا سے روایت کی ، انھوں نے کہا : رسول اللہ ﷺ کے زمانے میں سورج کو گرہن لگ گیا تو رسول اللہ ﷺ نے نماز پڑھنے کے لیے قیام فرمایا اور بہت ہی لمبا قیام کیا ، پھر آپ نے رکوع کیا تو انتہائی طویل رکوع کیا ، پھر آپ نے اپنا سر اٹھایا تو انتہائی طویل قیام کیا ، اور وہ پہلے قیام سے ( کچھ ) کم تھا ، پھر آپ نے ( دوبارہ ) رکوع کیا تو بہت لمبا رکوع کیا اور وہ پہلے رکوع سے کم تھا ، پھر آپ نے سجدے کیے ، پھر آپ کھڑے ہو گئے اور قیام کو لمبا کیا ، وہ پہلے قیام سے کم تھا ، پھر آپ نے رکوع کیا اور رکوع کو لمبا کیا اور وہ پہلے رکوع سے کم تھا ، پھر آپ نے اپنا سر اٹھایا اور قیام کیا تو بہت لمبا قیام کیا جبکہ وہ پہلے قیام سے کم تھا ، پھر آپ نے رکوع کیا تو انتہائی طویل رکوع کیا لیکن وہ پہلے رکوع سے کم تھا ، پھر سجدے کیے ، پھر رسول اللہ ﷺ ( نماز سے فارغ ہو کر ) پلٹے تو سورج روشن ہو چکا تھا ۔ اور آپ نے لوگوں سے خطاب فرمایا ، اللہ تعالیٰ کی حمد و ثناء بیان کی ، پھر فرمایا :’’ بے شک سورج اور چاند اللہ تعالیٰ کی نشانیوں میں سے ہیں ، ان کو کسی کی موت یا زندگی کی وجہ سے گرہن نہیں لگتا ، جب تم انھیں ( اس حالت میں ) دیکھو تو اللہ کی بڑائی بیان کرو ، اللہ تعالیٰ سے دعا مانگو ، نماز پڑھو اور صدقہ کرو ۔ اے امت محمد ( ﷺ ) کوئی نہیں جو ( اس بات پر ) اللہ تعالیٰ سے زیادہ غیرت رکھنے والا ہو کہ اس کا بندہ یا اس کی باندی زنا کرے ! اے امت محمد ! اللہ کی قسم ! اگر تم ان باتوں کو جان لو جن کو میں جانتا ہوں ۔ تو تم بہت زیادہ روؤ اور بہت کم ہنسو ۔ دیکھو ! کیا میں نے ( پیغام ) اچھی طرح پہنچا دیا ؟‘‘ اور امام مالک کی روایت میں ہے :’’ یقیناً سورج اور چاند اللہ تعالیٰ کی نشانیوں میں سے دو نشانیاں ہیں ۔‘‘

نیااسلامی سال1447 ھجری🌙
سب دوست احباب کوبہت بہت مبارک ہو🫶🏻یا اللہ 🤲🏼یہ سال تمام مسلمانوں کیلئے خیرو عافیت اورامن وسکون والا ہو آمین🌹

Sirf taweez banwane ka hadia 100 pkr he.

watsapp call per Dam krwaen. 100% Asar hota he. 03102734332.