Al-Muhamadia Public Library

سعودیہ میں مزار نہیں نہ کوئی پیر نہ کوئی دربار ہے نہ کوئی تعویز دینے والے مولوی ھیں اُن کی مشکلات کون حل کرتا ھے.؟
سوچنےکی بات ہے

رحمت اور فضیلت لے کر
میرے دل میں بھی بھر دے مولا نور ایمان

نیکی کی توفیق ملی یہ رب کا ہے انعام
روزہ رکھنے کی طاقت ہے اللہ کا اکرام
چھوڑے ہم نے چغلی جھوٹ اور غیبت جیسے کام
جاری ہر اک لب پہ ہے بس میرے رب کا نام

ہر دل ہر سینے میں پھیلا ہے نور قرآن
میرے دل میں بھی بھر دے مولا نورِایمان

جنت کے میٹھے چشموں کا وہ ٹھنڈا پانی
رب کی ہر نعمت سے مزین موسمِ لافانی
یہ انعام ملا ہے جب دی پیاس کی قربانی
کاش یہ دنیا نہ ہو اس سے اتنی بیگانی

راسخ ہر مسلم کو ہو جائے ایسا ایمان
میرے دل میں بھی بھر دے مولا نور ِ ایمان

ہر مسجد میں دیکھو ہے وہ ذکر و تلاوت جاری
رب کے آگے سجدہ ریز ہے رب کی خلقت ساری
اپنے اپنے گناہ پر ہے ہر اک کو شرمساری
یہ بھی دیکھو جوش میں کتنی ہے وہ رحمتِ باری

معاف کیے جاتا ہے ہر عاصی کو رب رحمان
میرے دل میں بھی بھر دے مولا نور ایمان

دن کو روزہ، شب کو قیام الیل کی ہو ہمت
تیری عبادت سے اس دل کو کبھی نہ ہو غفلت
تیری نماز و تراویح بن جائے اپنی عادت
میرے مولا دے کچھ ایسی ہم کو تُو طاقت

تیرے بندوں کو نہ کبھی بہکا پائے شیطان
میرے دل میں بھی بھر دے مولا نور اِیمان

شاعری :سلیم اللہ صفدر