Shurli TV

لیفٹیننٹ کرنل خالد حسین بلوچستان کے علاقے ژوب میں انٹیلی جنس بیسڈ آپریشن (IBO) کے دوران زخمی ہونے کے بعد دو ماہ تک بہادری سے زندگی کی جنگ لڑتے ہوئے شہادت کے رتبے پر فائز ہو گئے۔
پاک فوج کے مطابق لیفٹیننٹ کرنل خالد حسین ایک نڈر اور باحوصلہ سپاہی تھے جو محاذِ جنگ پر ہمیشہ پیش پیش رہتے تھے۔ وہ اپنے جوانوں کا بے حد خیال رکھتے اور ہر حال میں ان کے لیے مضبوط سہارا تھے۔
انہیں ایک مثالی کمانڈر کے طور پر یاد کیا جا رہا ہے جنہوں نے قیادت ہمیشہ اگلے مورچوں سے کی اور فرض، وقار اور دیانت کی اعلیٰ مثال قائم کی۔
ان کی شہادت کو ملک کے لیے ایک بڑا نقصان قرار دیا جا رہا ہے جبکہ ان کی قربانی کو ہمیشہ یاد رکھا جائے گا۔