Pakistan Train's

پاکستان ریلوے کا یہ نیا پریس ریلیز، جس میں بغیر اجازت ویڈیو بنانے اور پوسٹ کرنے پر پابندی لگانے کی بات کی گئی ہے، نہایت تشویشناک ہے۔ آج کے ڈیجیٹل دور میں شفافیت اور عوامی احتساب بنیادی اصول ہیں، لیکن اس طرح کے اقدامات ان اصولوں کو کمزور کرتے ہیں۔

بجائے اس کے کہ مسائل کو حل کیا جائے، پاکستان ریلوے نے ویڈیوگرافی اور پوسٹس پر پابندی لگا دی ہے۔ اگر عوام اپنے ہی قومی اداروں کی کارکردگی کو ریکارڈ بھی نہ کر سکیں اور اسے شیئر بھی نہ کر سکیں تو مسائل سامنے کیسے آئیں گے؟ کیا یہ فیصلہ بہتری کے لیے ہے یا حقیقت کو چھپانے کے لیے؟

ضرورت اس امر کی ہے کہ ادارے تنقید کو برداشت کریں اور اس سے سیکھیں، نہ کہ آوازوں کو دبانے کی کوشش کریں۔ عوام کو یہ حق حاصل ہے کہ وہ دیکھیں، بولیں اور سوال اٹھائیں۔

نواب شاہ ریلوے اسٹیشن پر اسٹالز کی مبینہ بوگز نیلامی، شدید تنازع کھڑا ہوگیا

نواب شاہ: ریلوے اسٹیشن کے پلیٹ فارم ہال میں آج وینڈنگ اسٹالز۔کار پارکنگ کی نیلامی نے بڑا تنازع کھڑا کر دیا، جہاں ٹھیکیداروں نے نیلامی کو مکمل طور پر بوگز، غیر شفاف اور مبینہ ملی بھگت کا نتیجہ قرار دیتے ہوئے سخت احتجاج کیا ہے تفصیلات کے مطابق نواب شاہ ریلوے پلیٹ فارم ایک پر اسٹال نمبر 1، 3 اور 4 کی بولی لگائی گئی جس میں اسٹال نمبر 1 بشیر اعوان، اسٹال نمبر 3 سید علی حیدر شاہ جبکہ اسٹال نمبر 4 اسحاق عباسی سمیت دیگر ٹھیکیداروں نے حاصل کیے تاہم نیلامی کے اختتام کے فوراً بعد ہی سی ایم آئی نفیس احمد ۔نومان عباسی کی جانب سے یہ ہدایت دی گئی کہ ڈی سی او سکھر محسن سیال کے حکم پر اسٹال نمبر 1 کی جگہ تبدیل کر کے اسے اسٹال نمبر 5 سے آگے منتقل کیا جائے اس اچانک فیصلے پر متاثرہ ٹھیکیدار بشیر اعوان نے شدید ردعمل دیتے ہوئے کہا کہ اگر اسٹالز کی جگہ تبدیل کرنا مقصود تھا تو نیلامی سے قبل ہی تمام اسٹالز کی نئی ترتیب دی جاتی، لیکن بولی مکمل ہونے کے بعد صرف ایک ہی اسٹال کو نشانہ بنانا کھلی ناانصافی ہے ان کا کہنا تھا کہ اس اقدام سے ان کے کاروبار کو نقصان پہنچانے کی کوشش کی گئی ہے مزید برآں متاثرہ ٹھیکیدار نے الزام عائد کیا کہ سکھر ڈویژن کے بعض افسران نے مبینہ طور پر رشوت لے کر دوسرے ٹھیکیدار کو فائدہ پہنچانے کی کوشش کی، جس کے باعث ان کے اسٹال کی جگہ تبدیل کرنے کا فیصلہ کیا گیا انہوں نے سوال اٹھایا کہ نیلامی کے بعد صرف ان کے اسٹال کو ہی کیوں ٹارگٹ کیا گیا دوسری جانب دیگر ٹھیکیداروں نے بھی نیلامی کے عمل کو “دو نمبر” اور ملی بھگت پر مبنی قرار دیتے ہوئے اسے مکمل طور پر مسترد کر دیا ہے ان کا کہنا ہے کہ اس طرح کی غیر شفاف نیلامی سے نہ صرف قواعد و ضوابط کی خلاف ورزی ہوئی بلکہ اعتماد بھی مجروح ہوا ہے۔
متاثرہ ٹھیکیداروں نے پاکستان ریلوے کے اعلیٰ حکام سے مطالبہ کیا ہے کہ آج کی تمام نیلامی کو فوری طور پر منسوخ کیا جائے اور ازسرِنو شفاف انداز میں بولی کروائی جائے انہوں نے مطالبہ کیا کہ نئی نیلامی (ڈی سی او) اور ڈویژنل سپرنٹنڈنٹ (ڈی ایس) کی نگرانی میں کرائی جائے اور میڈیا نمائندگان کو بھی مدعو کیا جائے تاکہ شفافیت یقینی بنائی جا سکے۔
ٹھیکیداروں نے خبردار کیا ہے کہ اگر ان کے مطالبات پر فوری عملدرآمد نہ کیا گیا تو وہ قانونی کارروائی اور احتجاج کا راستہ اختیار کریں گے