Aala Poetry.

تمہارے شہر میں رسمیں ہیں گھر بنانے کی
میرے شہر میں سب آستیں میں رہتے ہیں

ہم نے وہاں سے اٹھایا ہے خود کو
جہاں لوگ پنکھے سے لٹک جاتے ہیں

جو شخص پیڑ کاٹنے والے کا ساتھ دے
سمجھو کہ اس کو سائے کا مطلب نہیں پتہ
یعنی یہ دنیا تم نے دیکھی ہی نہیں دوست
یعنی تمہیں سرائے کا مطلب نہیں پتہ
یہ بھی نہیں کہ آپ کو میں جانتا نہیں
یہ بھی نہیں پرائے کا مطلب نہیں پتہ
تم نے ہماری چائے کی دعوت کو رد کیا
تم کو ہماری چائے کا مطلب نہیں پتہ

یہ اپنی مرضی سے سوچتا ہے اسے اٹھا لو
اٹھانے والوں سے کچھ جدا ہے اسے اٹھا لو

وہ ںے ادب اس سے پہلے جن کو اٹھا لیا تھا
یہ ان کے بارے میں پوچھتا ہے اسے اٹھا لو

اسے بتایا بھی تھا کہ کیا بولنا ہے کیا نہیں
مگر یہ مرضی سے بولتا ہے اسے اٹھا لو

جنہیں اٹھانے پہ ہم نے بخشے مقام و خلعت
یہ ان سیانوں پہ ہنس رہا ہے اسے اٹھا لو

یہ پوچھتا ہے کہ امن و عامہ کا مسئلہ کیوں
یہ امن و عامہ کا مسئلہ ہے اسے اٹھا لو

اسے کہا تھا جو ہم دکھائیں بس اتنا دیکھو
مگر یہ مرضی سے دیکھتا ہے اسے اٹھا لو

سوال کرتا ہے یہ دیوانہ ہماری حد پر
یہ اپنی حد سے گزر گیا ہے اسے اٹھا لو

ہوں