Public figure

🚨 لاہور توں کراچی تک پھیلے منشیات نیٹ ورک بارے انمول عرف “پنکی” دے حیران کن انکشافات

لاہور (نمائندہ جڑواں پنجاب) لاہور توں کراچی تک پھیلے مبینہ منشیات نیٹ ورک بارے انمول عرف “پنکی” دے متعلق تہلکہ خیز انکشافات سامنے آ رہے نیں۔ ذرائع دے مطابق انمول پنکی لاہور وچ اپنے پراواں دے نال منشیات فروشی دے دھندے وچ ملوث رہی، جبکہ تھانہ کوٹ لکھپت وچ اوہدے پرا دے خلاف مقدمہ درج ہویا تے چالان عدالت وچ پیش کیتا گیا۔ کارروائی دوران انمول عرف پنکی مبینہ طور اُتے فرار ہو گئی سی۔

ذرائع مطابق 6 جنوری 2022 نوں سب انسپکٹر امجد رضا دی مدعیت وچ درج مقدمے دوران گرفتار ہون والے اک ملزم نے انکشاف کیتا سی کہ اوہ “پنکی” لئی منشیات فروخت کردا رہا۔ ایہہ وی سامنے آیا اے کہ انمول عرف پنکی نواب ٹاؤن تے پاک عرب سوسائٹی سمیت لاہور دے مختلف علاقوں وچ رہائش پذیر رہی، پر اوہدا نیٹ ورک کراچی، حیدرآباد، اسلام آباد تے ہور شہراں تک پھیلیا ہویا سی۔

ذرائع دا دعویٰ اے کہ لاہور وچ بیٹھ کے اوہ موبائل فون تے سوشل رابطیاں دے ذریعے مختلف شہراں وچ منشیات دا کاروبار کنٹرول کردی رہی، پر لاہور پولیس نوں اوہدیاں سرگرمیاں دی خبر نہ ہو سکی۔ بعد وچ منشیات خلاف کارروائیاں کرن والے اک حساس ادارے نے اوہدے تک رسائی حاصل کر لئی۔

ذرائع دے مطابق چند روز پہلے حساس ادارے نے انمول عرف پنکی نوں لاہور توں گرفتار کیتا۔ بتایا جاندا اے کہ اک واٹس ایپ نمبر فعال ہون دی وجہ توں لوکیٹر دی مدد نال اوہدے مقام دا سراغ لگایا گیا، جس توں بعد اوہنوں کراچی پولیس دے حوالے کر دتا گیا کیونکہ اوہ کراچی دے منشیات مقدمیاں وچ اشتہاری ملزمہ سی۔

ذرائع ایہہ وی دس دے نیں کہ چند سال پہلے پنکی دے پرا دی گرفتاری دے باوجود انمول عرف پنکی دا ناں سی آر او ریکارڈ وچ شامل نہ کیتا گیا، جس دی وجہ توں اوہ لمبے عرصے تک مختلف شہراں وچ رہ کے مبینہ طور اُتے پورا نیٹ ورک چلاون دی رہی۔

ہُن سوال ایہہ اٹھ رہیا اے کہ جے اک خاتون لاہور وچ بیٹھ کے کراچی، حیدرآباد، اسلام آباد تے ہور شہراں تک منشیات دا نیٹ ورک چلا سکدی سی تے متعلقہ ادارے اینا لمبا عرصہ خاموش کیوں رہے؟ تے کیہہ ایس نیٹ ورک دے پیچھے ہور بااثر کردار وی موجود نیں؟ تحقیقات جاری نیں تے آنے والے دنیاں وچ ہور اہم انکشافات سامنے آون دی توقع اے۔

پنجاب میں اس وقت 90 لاکھ 60 ہزار بچے اسکول کی تعلیم سے محروم ہیں، سندھ میں اسکول نہ جانے والے بچوں کی تعداد 70 لاکھ 82 ہزار ہے، قومی اسمبلی میں وزارت تعلیم کا جواب

شناخت درکار
بورے والا کے مشہور بازار ریشم گلی سلمان کلاتھ ہاؤس پر بروز جمعرات چوری کا واقع پیش آیا

خواتین دس عدد قیمتی سوٹ کا بنڈل چرا کر فرار
آۓ روز چوری کے واقعات تھم نہ سکے،تاجر برادری میں تشویش پائی جا رہی ہے
ڈی پی او وہاڑی سے روک تھام کے لیے خصوصی درخواست ہے ، تاجر برادری بورے والا