Shehr-e-ilm

یکم صفر| جنگِ صفین‼️
اسلام کی ایک مشہور جنگ ہے جو سن 37 ہجری میں مولا علی کے دورِ خلافت میں ہوئی۔ آپ کے مقابلے میں آنے والا معاویہ کا لشکر تھا جو شام کی فوج پر مشتمل تھا۔ یہ جنگ نہرِ فرات کے کنارے ''صفین'' کے مقام پر لڑی گئی۔
جب مولا علی یہ جنگ جیتنے کے قریب تھے تو مقابل آنے والے دشمن نے قرآن مجید کو نیزوں پر بلند کیا تاکہ جنگ روکی جائے اور بالآخر یہ جنگ ختم ہوئی اور دونوں لشکروں کے درمیان ایک معاہدہ طے پایا۔

امیر المومنین علیہ السلام نے جنگ صفین کے موقع پر اپنے اصحاب سے فرمایا: "میں تمہارے لیے اس بات کو ناپسند کرتا ہوں کہ تم گالیاں دینے والے بنو۔"
اگر تم ان(اہل شام) کے کرتوت بیان کرو اور ان کے حالات کو ذکر کرو تو یہ ایک مناسب بات ہے اور عذر تمام کرنے کا صحیح طریق کار ہوگا۔
(نہج البلاغہ،خطبہ 204)

وصیت سید الشہداء امام حسین علیہ السلام‼️
امام حسین علیہ السلام نے فرمایا:
"میں تمہیں تقویٰ الٰہی کی وصیت کرتا ہوں، کیونکہ اللہ نے متقی کے لیے ضمانت دی ہے کہ وہ اسے ہر ناپسندیدہ حالت سے نجات دے گا، اس کی پسندیدہ منزل تک پہنچائے گا، اور اسے ایسی جگہ سے رزق عطا کرے گا جہاں سے اسے گمان بھی نہ ہوگا۔
(تحف العقول ص 171)

امام باقر علیہ السلام نے فرمایا

میرے والد علی بن حسین ع اپنی اولاد سے فرمایا کرتے تھے
*جھوٹ سے بچو چاہے چھوٹا ہو یا بڑا مذاق میں ہو یا سنجیدگی میں*
چونکہ جب چھوٹا جھوٹ بولے گا تو بڑے کی جرأت بھی کرے گا ۔
وسائل الشیعہ ج 12 ص 250 حدیث 16225۔

25 محرم شہادت امام علی زین العابدین علیہ السلام💔
امام زین العابدین علیہ السلام نے اپنے فرزند امام محمد باقر علیہ السلام سے وصیت کرتے ہوئے فرمایا:
اگر تم سے کوئی بھلائی کا طلب گار ہو تو اس کے ساتھ بھلائی کرو ،
پس اگر وہ اس کا حقدار ہوا تو تم نے بھلائی کو صحیح مقام پر رکھا
اور اگر اس کا حقدار نہ ہوا تو تم تو نیکی کے حقدار ہو۔

امام زین العابدین علیہ السلام نے اپنے فرزند امام محمد باقر علیہ السلام سے وصیت کرتے ہوئے فرمایا:
اگر کوئی شخص تمہاری دائیں جانب کھڑے ہو کر تمہیں برا بھلا کہے پھر بائیں جانب آ کر اپنے کئے پر معذرت کرے تو اس کا عذر قبول کر لو۔

سب سے پہلا تحفہ‼️
امام جعفر صادق ع نے فرمایا:
مومن کو موت کے بعد جو سب سے پہلا تحفہ دیا جاتا ہے وہ یہ ہے کہ اس کے جنازے میں شرکت کرنے والوں کے گناہ بخش دیے جاتے ہیں۔
(وسائل الشیعہ،ج2،ص820)