Color Of Allah

کوئی نیکی اور بھلائی تین چیزوں کے بغیر مکمل نہیں ہوتی:
تعجیله: اسے فوری طور پر انجام دینا۔
وتصغيره: اسے اپنی نظر میں حقیر اور کم تر سمجھنا۔
وستره: اور اسے لوگوں سے چھپانا۔

إذا عجَّله هنَّأه: جب تم نے اسکے کرنے میں جلدی کی تو تم نے اسے اسکے مستحق کے لیے خوشگوار بنادیا،،
وإذا صغَّره عَظَّمه: اور جب تم اسے چھوٹا سمجھا تو تم نے اسے دوسروں کی نظروں میں بڑا کر دیا۔،،
وإذا ستره تَمَّمه: اور جب تم اسے چھپایا تو تم نے اسے کامل کر دیا،،

عيون الأخبار [٣ / ٦٤]

“ وہ عالم جو لوگوں کو دین کی راہ دکھلاتا ہے، وہ انکے ساتھ اجر و ثواب میں قیامت تک شریک رہتا ہے، عہد در عہد، زمانہ بہ زمانہ، کیا ہی رفعت ہے اس مقام و مرتبہ کی! کہ آدمی قبر میں بوسیدہ ہڈیوں کے ڈھیر کی طرح پڑا ہو یا دنیوی امور میں مصروف و مشغول ہو، اور اسکے اعمال صالحہ کا دفتر و دیوان برابر کشادہ و وسیع ہوتا جائے، نیکیوں کے نذرانے اور تحفے اسے وہاں سے پہنچتے رہیں، جہاں سے اسے وہم و گمان بھی نہ ہو “

ابو الحسن العنزي

﴿فلا تَخْضَعنَ بالقولِ فيَطمعَ الذي في قَلْبِهِ مَرَضٌ وَقُلۡنَ قَوۡلࣰا مَّعۡرُوفࣰا﴾ [الأحزاب ٣٢]
”تو (کسی نامحرم سے) دبی زبان سے بات نہ کرو، ورنہ جس شخص کے دل میں روگ ہے وہ کوئی غلط توقع لگا بیٹھے گا لہٰذا صاف سیدھی بات کرو۔“

*بعض امھات المومنین سے مروی ہیکہ وہ جب کسی اجنبی سے بات کرتیں تو اپنے منہ پہ ہاتھ رکھ لیتیں اور اس طریقے سے اپنی آواز بدلتیں؛ اس خوف سے کہ کہیں ان سے شیریں اور لوچدار بات نا سنی جائے۔*

علامہ آلوسی رحمہ اللہ (ت: ١٢٧٠) فرماتے ہیں :

«وعُدَّ إغلاظُ القول لغير الزوج من جُملة محاسن خصال النساء جاهلية وإسلامًا»
”عورت کا غیر مرد کیلئے آواز کو غلیظ اور روکھا کرنا، اسلام اور جاہلیت میں خواتین کے جملہ محاسن میں سے ہے۔“

- تفسير الألوسي = روح المعاني ١١/‏١٨٧