ASAD Ali Official

”انتظار.“

چاند مَدھم ھے، آسماں چُپ ھے
نیند کی گود میں , جہان چُپ ھے

دُور وادی میں دُودھیا بادل
جُھک کے پربت کو پیار کرتے ھیں
دِل میں ناکام حَسرتیں لیکر
ھم تیرا انتظار کرتے ھیں

اِن بہاروں کے سائے میں آ جا
پھر محبت جواں رھے ، نہ رھے
زندگی تیرے نا مُرادوں پر
کل تلک مہربان رھے ، نہ رھے

روز کی طرح آج بھی تارے
صُبح کی گرد میں نہ کھو جائیں
آ ، تیرے غم میں یہ جاگتی آنکھیں
کم سے کم ایک رات تو سو جائیں

”ساحر لدھیانوی“