Mercy Health Foundation

ڈینگی سے تحفظ کی جانب ایک عملی قدم — شکور کلی، چارسدہ

چارسدہ کے علاقے شکور کلی میں حالیہ دنوں ڈینگی بخار کے کیسز میں تشویشناک حد تک اضافہ دیکھنے میں آیا ہے، جس کے پیشِ نظر مرسی ہیلتھ فاؤنڈیشن نے انسانیت دوستی کا مظاہرہ کرتے ہوئے ایک قابلِ تقلید اقدام اٹھایا۔

یہ فلاحی قدم سدیس میڈیکل کمپلیکس چارسدہ کے اشتراک اور ڈسٹرکٹ ہیلتھ آفیسر ڈاکٹر وسیع اللہ اور ان کی پوری ٹیم کے بھرپور تعاون سے ممکن بنایا گیا، جس کے تحت شکور کلی میں مچھر مار اسپرے (فومیگیشن) کا انتظام کیا گیا۔ اس مہم کا مقصد علاقے کے عوام کو ڈینگی جیسے مہلک مرض سے بچانا اور ان کی صحت کا تحفظ یقینی بنانا ہے۔

ایسے اقدامات نہ صرف بیماریوں کے پھیلاؤ کو روکنے میں مددگار ثابت ہوتے ہیں بلکہ ایک صحت مند معاشرے کی تشکیل میں بھی اہم کردار ادا کرتے ہیں۔ ہم مرسی ہیلتھ فاؤنڈیشن، سدیس میڈیکل کمپلیکس، اور ضلعی محکمہ صحت کی پوری ٹیم کو اس خدمتِ خلق پر خراجِ تحسین پیش کرتے ہیں۔

صحت مند چارسدہ، محفوظ پاکستان!