Struggle News

بی ایس او پجار حب زون کے صدر عبدالمالک بلوچ، نیشنل پارٹی کے رہنماء ارباب و دیگر ملازمین آل پارٹیز اور گرینڈ الائنس کے احتجاج کے دوران تھری ایم پی او کے تحت گرفتار۔

نیشنل پارٹی کے مرکزی کونسلر اسد غنی بلوچ، تحصیل حب کے صدر عابد ملازئی، جنرل سیکریٹری ثناء اللہ مینگل، فنانس سیکریٹری فتح محمد سمالانی، تحصیل کونسل ممبر محسن لانگو، اے این پی کے ضلعی صدر منان افغان اور گرینڈ الائنس کی قیادت میں حب میں آل پارٹیز کانفرنس اور گرینڈ الائنس کے زیرِ اہتمام ایک پُرامن اور جمہوری احتجاجی مظاہرہ کیا گیا، جس کا مقصد گرینڈ الائنس کے ملازمین کی غیر قانونی گرفتاریوں کے خلاف اور ان کے جائز مطالبات کے حق میں آواز بلند کرنا تھا۔ لیکن افسوسناک طور پر صوبائی حکومت کے احکامات پر پولیس نے اس پُرامن احتجاج کو سبوتاژ کرنے کے لیے لاٹھی چارج، شدید شیلنگ اور براہِ راست فائرنگ جیسے اوچھے اور جابرانہ ہتھکنڈے استعمال کیے، جو بدترین ریاستی دہشتگردی اور آمریت کی عکاسی کرتے ہیں۔ اس کے باوجود سیاسی کارکنان اور ملازمین نے بے مثال جرات اور نظم و ضبط کا مظاہرہ کرتے ہوئے ہر قسم کے تشدد کے باوجود اپنا پُرامن احتجاج جاری رکھا اور اپنے آئینی و جمہوری حق کا استعمال کیا۔ پولیس کارروائی کے دوران گرینڈ الائنس کے متعدد ملازمین اور نیشنل پارٹی کے سرگرم رہنما کامریڈ ارباب رند کو بھی گرفتار کیا گیا، جو اس بات کا واضح ثبوت ہے کہ حکومت اختلافِ رائے سے خوفزدہ ہوچکی ہے اور طاقت کے بل پر عوامی آواز کو دبانا چاہتی ہے۔ نیشنل پارٹی اس جبر، تشدد اور غیر قانونی گرفتاریوں کی شدید مذمت کرتی ہے اور صوبائی حکومت سے مطالبہ کرتی ہے کہ فوری طور پر تمام گرفتار کارکنان اور ملازمین کو رہا کیا جائے، پولیس تشدد کی عدالتی تحقیقات کرائی جائیں اور گرینڈ الائنس کے تمام جائز مطالبات تسلیم کیے جائیں۔ بصورتِ دیگر یہ احتجاجی تحریک مزید وسیع اور شدت اختیار کرے گی، جس کی تمام تر ذمہ داری صوبائی حکومت پر عائد ہوگی۔ نیشنل پارٹی واضح کرتی ہے کہ ہم اپنے عوام، ملازمین اور کارکنان کے حقوق کے تحفظ کے لیے کسی بھی قربانی سے دریغ نہیں کریں گے اور اس جدوجہد کو ہر فورم پر جاری رکھیں گے۔

*نیشنل پارٹی تحصیل حب کے ڈپٹی جنرل سیکرٹری فہد جلبانی نے نیشنل پارٹی تحصیل حب کے صدر عابد ملازئی، سابق صوبائی ورکنگ کمیٹی کے سرگرم رکن اسد غنی رند اور تحصیل حب کے جنرل سیکرٹری ثناء اللہ مینگل کو ایک خصوصی ٹی پارٹی میں مدعو کیا، جہاں باہمی مشاورت اور تنظیمی امور پر تفصیلی تبادلہ خیال ہوا۔*
*اس موقع پر فہد جلبانی نے تحصیل صدر اور ضلعی صدر عبدالغنی رند کی طویل سیاسی جدوجہد، عوامی خدمت کے مثالی جذبے اور تنظیم کی مضبوطی کے لیے ان کی انتھک محنت کو زبردست خراجِ تحسین پیش کیا۔ انہوں نے حالیہ کامیاب `ورکرز کانفرنس` کے باوقار انعقاد پر پوری قیادت کو دلی مبارکباد دیتے ہوئے کہا کہ پارٹی کا بڑھتا ہوا اعتماد، فعال کارکنان کی محنت اور قیادت کی بصیرت کا ثمر ہے۔*
*مزید اس عزم اظہار کیا کہ نیشنل پارٹی کی فکری بنیادوں کو مضبوط بنانے، عوامی مسائل کے حل اور سیاسی استحکام کے لیے مشترکہ جدوجہد مزید تیز کی جائے گی۔*