Balochistan Updates

وزیراعظم شہباز شریف نے موٹرسائیکل سواروں، پبلک اور گڈز ٹرانسپورٹ کے لیے فیول سبسڈی میں ایک ماہ کی توسیع کا فیصلہ کر لیا۔
وزیراعظم شہباز شریف نے معاشی طور پر کمزور طبقے کو ریلیف فراہم کرنے کے عزم کا اعادہ کرتے ہوئے سفری اور مال برداری کے کرایوں میں اضافے کو روکنے کی ہدایت بھی جاری کی۔
وفاقی حکومت نے صوبائی تعاون سے عوامی ریلیف پیکیج کے تحت اربوں روپے کی سہولتیں فراہم کیں جبکہ وزیراعظم کا کہنا ہے کہ عام آدمی کو ہر ممکن ریلیف دینا حکومت کی اولین ترجیح ہے۔
واضح رہے کہ حکومت کی جانب سے موٹرسائیکل سواروں کو ہر ماہ 20 لیٹر پیٹرول پر 100 روپے فی لیٹر سبسڈی دینے کا اعلان کیا گیا تھا۔

پاکستان کی تاریخ کا مہنگا ترین پٹرول! تمام پچھلے ریکارڈ ٹوٹ گئے، نئی قیمت 400 روپے مقرر

حکومت نے پیٹرولیم مصنوعات کی قیمتوں میں اضافہ کردیا ہے۔ پیٹرولیم ڈویژن نے پیٹرولیم مصنوعات کی قیمتوں میں اضافے کا نوٹیفکیشن جاری کردیا ہے۔
نوٹیفکیشن کے مطابق پیٹرول کی فی لیٹر قیمت میں 6 روپے 51 پیسے کا اضافہ کردیا گیا ہے، پیٹرول کی نئی قیمت 399 روپے 86 پیسے فی لیٹر مقرر کی گئی ہے۔
نوٹیفکیشن کے مطابق ہائی اسپیڈ ڈیزل کی قیمت میں 19 روپے 39 پیسے کا اضافہ کیا گیا ہے، ہائی اسپیڈ ڈیزل کی نئی قیمت 399 روپے 58 پیسے فی لیٹر ہوگئی ہے۔
نوٹیفکیشن کے مطابق نئی قیمتوں کا اطلاق آج رات 12 بجے سے ہوگا۔
نوٹیفکیشن کے مطابق پیٹرول پرلیوی103 روپے 50 پیسے سے بڑھا کر 112 روپے14 پیسے فی لیٹرکردی گئی۔ ہائی اسپیڈ ڈیزل پرلیوی28 روپے69 پیسے سے بڑھاکر37 روپے33 پیسے فی لیٹر کردی گئی۔ ہائی آکٹین پرلیوی305 روپے37 سے بڑھاکر307 روپے52 پیسے فی لیٹرکردی گئی۔

امریکی صدر ڈونلڈ ٹرمپ نے آبنائے ہرمز کا نام بدل کر "آبنائے ٹرمپ" رکھ دیا ہے اور سوشل میڈیا پر ایک نقشہ بھی شیئر کیا ہے۔

اس سے قبل صدر اپنی ایک تقریر کے دوران بھی "آبنائے ٹرمپ" کی اصطلاح استعمال کر چکے ہیں۔

اس پیش رفت نے توجہ اس لیے حاصل کی ہے کیونکہ یہ آبنائے عالمی توانائی کی ترسیل میں انتہائی اہم کردار ادا کرتی ہے اور امریکہ اور ایران کے تعلقات میں حساس اہمیت رکھتی ہے۔

آبنائے ہرمز خلیج فارس کو خلیج عمان سے ملاتی ہے اور دنیا کے اہم ترین تیل کی ترسیل کے راستوں میں شمار ہوتی ہے، جہاں سے روزانہ عالمی خام تیل اور پیٹرولیم مصنوعات کا ایک بڑا حصہ گزرتا ہے۔

عمران خان کے وکیل بیرسٹر سلمان صفدر نے کہا ہے کہ سابق وزیرِ اعظم عمران خان کی آنکھوں کی حالت شاید ٹھیک نہ ہو سکے۔

دستبرداری: یہ مواد صرف آگاہی، تعلیمی، عوامی معلومات اور صحافتی مقاصد کے لیے شیئر کیا گیا ہے۔ تصویر مصنوعی ذہانت سے تیار کردہ ہے اور صرف حوالے کے لیے استعمال کی گئی ہے۔

سی ایس ایس امتحان 2025 کے نتائج کا اعلان

فیڈرل پبلک سروس کمیشن نے امتحانی نتائج جاری کر دیئے

کامیابی کی شرح صرف 2 اعشاریہ 67 فیصد رہی، فیڈرل پبلک سروس کمیشن

امتحان میں 12792 امیدوار شریک ہوئے، ایف پی ایس سی

صرف 355 امیدواروں نے تحریری امتحان پاس کیا ، ایف پی ایس سی

ایف پی ایس سی کی جانب سے 170 امیدواروں کی تقرری کی سفارش

ایف پی ایس سی کی جانب سے 84 مرد اور 86 خواتین امیدواروں کی تقرری کی سفارش

پہلی پوزیشن اسید رفیق، دوسری پوزیشن محمد محسن خالد جبکہ تیسری پوزیشن طارق حفیظ نے حاصل کی

ٹاپ 30 پوزیشن ہولڈرز کی پاکستان ایڈمنسٹریٹو سروس، پولیس سروس میں ایلوکیشن

ٹاپ 30 پوزیشن ہولڈرز میں سے کسی امیدوار کی بھی فارن سروس میں ایلوکیشن نہ ہو سکی ٹاپ 30 پوزیشن ہولڈرز میں سے 23 کا تعلق پنجاب سے ہے، ایف پی ایس سی

ٹاپ 30 پوزیشن ہولڈرز میں سے سندھ اور خیبرپختونخوا سے دو، دو امیدوار کامیاب قرار

ٹاپ 30 پوزیشن ہولڈرز میں سے 3 کا تعلق بلوچستان سے ہے۔

بلوچستان کی تاریخ میں پہلی بار عام آدمی کے لیے ہنگامی طبی امداد کی فراہمی کا انقلابی منصوبہ ایئر ایمبولینس کی صورت میں عملی شکل اختیار کر گیا

پیپلز ایئر ایمبولینس عوامی خدمت کے لیے مکمل طور پر تیار، جلد اس کا باقاعدہ افتتاح اور سروس کا آغاز کیا جائے گا، وزیر اعلیٰ بلوچستان میر سرفراز بگٹی

دور دراز اور دشوار گزار علاقوں میں ٹریفک حادثات اور ہنگامی طبی صورتحال کے شکار مریضوں کو فوری طور پر بڑے شہروں کے اسپتالوں تک منتقل کیا جا سکے گا، وزیر اعلیٰ بلوچستان میر سرفراز بگٹی

ایئر ایمبولینس سروس سے قیمتی انسانی جانوں کے تحفظ اور بروقت طبی امداد کی فراہمی میں نمایاں بہتری آئے گی، وزیر اعلیٰ بلوچستان میر سرفراز بگٹی

صوبائی حکومت صحت کے شعبے میں جدید سہولیات کی فراہمی اور ایمرجنسی رسپانس سسٹم کو مزید مؤثر بنانے کے لیے عملی اقدامات کر رہی ہے، وزیر اعلیٰ بلوچستان میر سرفراز بگٹی

پیپلز ایئر ایمبولینس منصوبہ حکومت کے عوام دوست وژن اور صحت عامہ کی بہتری کے عزم کا عملی ثبوت ہے، وزیر اعلیٰ بلوچستان میر سرفراز بگٹی

وزیر اعلیٰ بلوچستان نے پی ایس ڈی پی میں میرے حلقے میں واقع بولان ڈیم کے لئے منظور شدہ 70 کروڑ روپے میں سے کٹ لگاتے ہوئے 34 کروڑ روپے ڈیرہ بگٹی کے علاقے بیکڑ منتقل کردیئے ہیں جو تشویشناک امر ہے

بلوچستان کی مخدوش حالات کو مد نظر رکھتے ہوئے سڑکوں پر احتجاج کرکے حکومت اور دیگر حکام کیلئے مشکلات پیدا کرنے سے گریزاں ہے اس لئے کہتے ہیں کہ جن علاقوں کے لئے جو فنڈز منظور کئے جاتے ہیں وہ وہاں کے منصوبوں پرخرچ کئے جائیں،

سردار یار محمد رند

بلوچستان سونے کی چڑیا ہے لیکن اس چڑیا کو اتنا زخمی کر دیا گیا ہے کہ اب اس میں سے خ ون بہتا دیکھائی دیتا ہے سونا کہیں نظر نہیں آتا ۔ ثنا اللہ بلوچ