MPA Raja Hanif Advocate - PMLN

فیض آباد انٹرچینج پر لنک روڈ کی توسیع، کارپٹنگ اور سائن بورڈز کا افتتاح
راولپنڈی: چیئرمین وزیراعلیٰ انسپکشن ٹیم پنجاب و ایم پی اے راجہ محمد حنیف صاحب نے فیض آباد انٹرچینج پر لنک روڈ کو کشادہ کرنے، روڈ کی کارپٹنگ اور جدید سائن بورڈز کی تنصیب کے منصوبے کا افتتاح کیا۔
افتتاحی تقریب میں مقامی چیئرمینز، وائس چیئرمینز، کونسلرز، پارٹی عہدیداران، کارکنان اور اہلِ علاقہ نے کثیر تعداد میں شرکت کی۔ شرکاء نے اس ترقیاتی منصوبے کو عوامی سہولت اور ٹریفک کی روانی کے لیے ایک اہم اقدام قرار دیا۔
اس موقع پر راجہ محمد حنیف صاحب نے کہا کہ عوام کو معیاری سفری سہولیات کی فراہمی، سڑکوں کی بہتری اور ترقیاتی منصوبوں کی بروقت تکمیل پنجاب حکومت کی اولین ترجیح ہے۔ انہوں نے کہا کہ اس منصوبے سے ٹریفک کی روانی میں بہتری آئے گی، شہریوں کو آمدورفت میں سہولت ملے گی اور علاقے کی خوبصورتی میں بھی اضافہ ہوگا۔
تقریب کے اختتام پر شرکاء نے منصوبے کی تکمیل پر اطمینان کا اظہار کرتے ہوئے حکومتِ پنجاب اور راجہ محمد حنیف صاحب کی کاوشوں کو سراہا۔