Inam Zeb Offical

صوابی: تحصیل رزڑ کے پہاڑی علاقوں میں آگ بھڑک اٹھی، حکومتِ خیبر پختونخوا اور ضلعی انتظامیہ سے مدد کی اپیل
صوابی کے تحصیل رزڑ کے علاقے شیردرہ اور مہرعلی کی پہاڑیوں پر گزشتہ 24 گھنٹوں سے شدید آگ بھڑکی ہوئی ہے۔ آگ نے وسیع علاقے کو اپنی لپیٹ میں لے لیا ہے، جس سے قیمتی جنگلات، جنگلی حیات، پرندوں اور مقامی جانوروں کو ناقابلِ تلافی نقصان پہنچ رہا ہے۔
تیز ہوائیں آگ کو مزید بھڑکا رہی ہیں اور آگ ایک پہاڑی سے دوسری پہاڑی کی طرف تیزی سے پھیل رہی ہے۔ مقامی ذرائع کے مطابق 200 سے زائد رضاکار آگ بجھانے کی کوشش میں مصروف ہیں، مگر دشوار گزار پہاڑی راستے، تیز ہوائیں اور مناسب سامان کی عدمِ دستیابی کی وجہ سے ریسکیو ٹیموں کی رسائی تقریباً ناممکن ہو چکی ہے۔
رضاکاروں کی بھرپور کوششوں کے باوجود آگ پر قابو پانا مشکل ہوتا جا رہا ہے۔ اگر فوری طور پر جدید آلات، ہیلی کاپٹر اور پیشہ ور ریسکیو ٹیمیں نہ بھیجی گئیں تو آگ مزید علاقوں میں پھیل سکتی ہے، جو نہ صرف ماحولیاتی افت بن سکتا ہے بلکہ انسانی جانوں کے لیے بھی خطرناک ثابت ہو سکتا ہے۔
حکومتِ خیبر پختونخوا، ضلعی انتظامیہ صوابی، اور محکمہ جنگلات سے فوری اپیل:
فوری طور پر ہیلی کاپٹر کے ذریعے پانی کی بارش (Aerial Firefighting) کی جائے۔
جدید آگ بجھانے والے آلات اور تربیت یافتہ فائر فائٹرز بھیجے جائیں۔
ریسکیو 1122 اور PDMA کی ٹیموں کو پہاڑی علاقوں تک رسائی دی جائے۔
متاثرہ علاقوں کے لیے ایمرجنسی بنیادوں پر فنڈز اور امدادی سامان فراہم کیا جائے۔
اب دیر ہو چکی ہے۔
اگر آج فوری ایکشن نہ لیا گیا تو کل بہت کچھ کھو چکے ہوں گے — ہمارے جنگلات، ہماری حیاتِ وحش، اور ہماری نسلوں کا ماحول۔
حکومتِ وقت، براہِ مہربانی اسے سیاسی معاملہ نہ بنائیں، انسانی اور ماحولیاتی بحران سمجھیں اور فوری عمل کریں!

Description credit Mustaqeem shah

شیردرہ مہرعلی پہاڑیوں پر آگ بے قابو رزاکار واپس گھروں کی طرف ، ریسکیو رسائی ناممکن ،عوام نے حکومت سے پرزور مطالبہ کیا ! ؟