GHSS Chitor SWAT

گورنمنٹ ہائیر سیکنڈری سکول چتوڑ میں سالانہ تقریب کا شاندار انعقاد

آج ہمارے اسکول میں سالانہ تقریب نہایت جوش و خروش اور خوشی کے ساتھ منائی گئی۔ اس موقع پر ہمارے ہونہار طلباء کو ان کی تعلیمی اور غیر نصابی سرگرمیوں میں بہترین کارکردگی دکھانے پر ایوارڈز سے نوازا گیا۔ اس کے علاوہ، وہ اساتذہ جو اپنے تدریسی شعبے میں نمایاں کارکردگی کا مظاہرہ کرتے ہیں، ان کی محنت اور لگن کو سراہتے ہوئے انہیں بھی انعامات سے نوازا گیا۔

تقریب میں ہمارے محترم اور قابل احترام ریٹائرڈ اساتذہ، جن میں محترم محمد لقمان صاحب، محترم ایوب خان صاحب اور محترم احمد شاہ صاحب شامل ہیں، کو بلایا گیا تاکہ ان کی دیرینہ خدمات کا اعتراف کیا جا سکے۔ انہوں نے اپنے کیریئر میں جو کردار ادا کیا اور علم کی روشنی پھیلائی، اس کا ذکر اور شکریہ ادا کیا گیا۔ اس کے ساتھ ساتھ ہمارے اسکول کے وہ معزز والدین اور کمیونٹی کے اراکین بھی مدعو تھے جنہوں نے ہمیشہ ہماری حوصلہ افزائی کی اور ہمیں کامیابی کی راہوں پر گامزن کیا۔

یہ تقریب صرف تعلیمی کامیابیوں کا جشن نہیں تھی بلکہ اسکول اور کمیونٹی کے درمیان روابط کو مضبوط بنانے کا بھی ایک موقع تھا۔ اس دن نے ہمیں اپنے ماضی کی کامیابیوں پر فخر کرنے کے ساتھ ساتھ مستقبل کے لیے مزید محنت کرنے کی ترغیب دی۔
یہ شاندار تقریب محترم نور علی شاہ صاحب (وائس پرنسپل) کی زیر صدارت منعقد ہوئی، جنہوں نے اپنی قیادت سے تقریب کو کامیاب بنایا۔

**ہم اس شاندار دن کی خوشیوں اور یادوں کو آپ کے ساتھ شیئر کر رہے ہیں!**
** **

ہمارے سکول نے ڈسٹرکٹ سپورٹس فیسٹیول میں شاندار کارکردگی دکھاتے ہوئے درجہ ذیل مقابلو میں ڈویژنل سطح پر پہلی پوزیشن حاصل کی ہے اور صوبائی سطح کے لیے کوالیفائی کر لیا ہیں۔

ہینڈ بال (Hand ball)
رسی کشی (Tug of War)

یہ کامیابی ہماری کھلاڑیوں کی محنت، لگن اور اساتذہ کی رہنمائی کا نتیجہ ہے۔ ہم اپنی ٹیموں کو دل کی گہرائیوں سے مبارکباد پیش کرتے ہیں اور اگلے مرحلوں میں کامیابی کے لیے دعاگو ہیں۔

آگے بڑھتے رہیں، جیت کا سفر جاری رہے!

پرنسپل و سپورٹس کمیٹی
گورنمنٹ ہائیر سیکنڈری سکول چتوڑ

بہت بہت مبارک ہو!
الحمدللہ!
گورنمنٹ ہائیر سیکنڈری سکول چتوڑ کے نام آیک اور اعزاز!
گورنمنٹ ہائیر سیکنڈری سکول چتوڑ نے انٹر ہائی/ہائر سیکنڈری سکولز فیسٹیول 2024 کے زونل ادبی مقابلوں (کوئز کمپٹیشن)کے بعد اب ضلعی سطح کے مقابلوں (کوئز کمپٹیشن) میں بھی پورے ضلع سوات میں پہلی پوزیشن حاصل کر کے ڈویژنل مقابلوں کیلئے کوالیفائی کر لیا۔ اس شاندار کامیابی پر تمام اساتذہ کرام، طلباء اور ان کے والدین کو دل کی گہرائیوں سے مبارکباد پیش کرتے ہیں۔

پرنسپل و بزم ادب کمیٹی
گورنمنٹ ہائیر سیکنڈری سکول چتوڑ سوات