Smile Zone

I AM NOT A NUMBER

تم إنشاء موقع مخصص لتخليد كل روح فلسطينية قُتـ.ـلـ.ـت خلال حـ.ـرب الإبـ.ـ.ـادة في غـ.ـ.ـ.ـزة.

‏كل إسم شـ.ـ.ـهيـ.ـد عبارة عن نقطة ضوء على الشاشة وعند الضغط على النقطة يظهر إسم صاحبها 💔

تم تخليد أكثر من 72 ألف أسم حتى اللحظة.

رابط الموقع في اول كومنت.

عشان يفضلوا دايماً في ذاكرتنا كبشر ليهم حياة وأحلام، مش مجرد إحصائية في نشرات الأخبار و انتهت.💓

مجهود عظيم ومؤثر جداً من المبرمج المصري بدر الخميسي، جزاه الله كل خير على تخليد هذه الأرواح.

الصحابة رضي الله عنهم كانوا ملاحظين حاجة غريبة في رسول الله ﷺ وهي إنه عاش حياة مليئة بالابتلاءات وبرغم ده كان متبسم بصورة دائمة عنيه مليانة امل واشراق لدرجة انهم قالوا عنه “كان أكثر الناس تبسما.”

إزاي الاتنين دول يجتمعوا مع بعض ابتلاءات شديدة عنيفة وتبسم وأمل واشراق؟

النبي ﷺ عرف الحزن زي أي إنسان ويمكن أكتر، فالنبي ﷺ فقد زوجته خديجة اللي كانت سنده وراحته، وفقد عمه أبو طالب اللي كان بيحميه، لدرجة إن السنة دي في حياته اتسمت عام الحزن. واتعرض للأذى والغربة في الطائف، ورجع منها مكسور القلب، واقف يدعي ربنا بدعاء فيه ألم إنساني شديد ألم الوحدة.

وبعدين جه امتحان شديد قاسي علي قلب أي أب لما مرض ابنه الوحيد إبراهيم، النبي صلوات الله شاله بين إيديه وهو بيودعه وساعتها دموعه نزلت، فبعض الصحابة استغربوا رسول الله بيبكي فقال لهم الجملة اللي لخصت بالنسبة ليا فكرة الحياة عند النبي كلها “إن العين لتدمع وإن القلب ليحزن ولا نقول إلا ما يرضي ربنا”

النبي محمد ﷺ # لم يكتب له إنه يكون عنده أولاد ذكور يعيشوا بعده، فكل أبناؤه ماتوا وهم أطفال لدرجة إن بعض أعداؤه شمتوا وقالوا عنه أبتر، لكن الرد كان من ربنا نفسه عليهم “إِنَّا أَعْطَيْنَاكَ الْكَوْثَر”

رسالة ربنا هنا في غاية الوضوح عن السعادة والحزن وهي إن ممكن الإنسان يتحرم من حاجة كان نفسه فيها جدا بس ربنا يفتح له أبواب أكبر بكتير مما كان متخيل.

وفي وسط كل ده النبي صلوات الله عليه كان بيدعي وبيقول “اللهم إني أعوذ بك من الهم والحزن.” النبي في الدعاء العظيم ده كان بيدعي ربنا يساعده علي التغلب علي الحزن وعلى اللي فات وويغلب علي الهم ومن اللي جاي.

نفس النبي ﷺ اللي استعاذ من الاتنين دول هو نفسه ﷺ اللي قال تعريف بسيط للسعادة الدنياوية والفلاح في الدنيا “قد أفلح من أسلم ورزق كفافا وقنعه الله بما آتاه” فمفهوم النبي عن السعادة والفلاح مش إن الحياة تبقى سهلة متيسرة في كل الاحوال ولا إنك تاخد كل اللي نفسك فيه، السعادة من معيار النبي محمد اللي كانت بتخليه اكتر اهل الارض تبسما هي إن قلبك يبقى فيه رضا.

الحياة ممكن تضيق والرزق يبقي فيها محدود جدا ومليانة ابتلاءات ممكن يبقى فيها غربة وبعد عن الاحباب وممكن الإنسان يتحرم من حاجات كان نفسه فيها جدا، بس في نهاية الأمر لو القلب فضل راضي بكل ما قسمه الله فالحزن نفسه بيتحول لسكينة بأمر الله.

“عجبًا لأمر المؤمن إن أمره كله خير”

✍️لو حسيت إنك عايش في قلق وإفراط في التفكير.. ردد الأدعية دي:

- اللهُمَّ أخرجني من حَولي إلى حَولك ومن عزمي إلى عزمك ومن ضعفي إلى قوّتك ومن انكساري إلى عزّتك ومن ضيق اختياري إلى براح إرادتك.

- اللهُمَّ إني أسلمت نفسي إليك، ووجهت وجهي إليك، وفوضت أمري إليك، وألجأت ظهري إليك، رغبة ورهبة إليك، لا ملجأ ولا منجا منك إلا إليك.

- اللهُمَّ لا تحرمني وأنا أدعوك، ولا تخيّبني وأنا أرجوك، اللهمَّ إني أسألك يا فارج الهم، ويا كاشف الغم، يا مجيب دعوة المضطرين، يا رحمن الدنيا، يا رحيم الآخرة، ارحمني برحمتك فلا راحم غيرك ولا إله غيرك لا إله إلا أنت سبحانك.

- اللهُمَّ إنك لا تحمّل نفسًا فوق طاقتها فلا تحمّلني من كَرب الحياة ما لا طاقة لي به، وباعد بيني وبين مصائب الدنيا كما باعدت بين المشرق والمغرب يارب.

- اللهُمَّ ارزقني رزقًا لم أتوقعه وخيرًا لم أفكر به وتحقيقًا لأمنيات ظننت يومًا أنها مستحيلة وإستجابة لدعوات أكررها دائمًا ولا تشغل عقلي بما يُقلِقه ولا قلبي بما يُرهِقه يارب.

- يا حيّ يا قيّوم برحمتِكَ أستغيثُ أصلِح لي شأني كُله ولا تَكِلني إلى نفسي طرفة عين.

خلي الادعية على صفحتك في ميزان حسناتك كل اللي ينشرها على صفحته..