ARMAX Tech

شنو يعني كرت شاشة منفصل؟ أو مدمج؟
كيف ممكن أتعرف على كروت الشاشة في اللابتوب بتاعي؟
وهل يمكن تغيير كرت الشاشة؟

تعال اشرح ليك بكل بساطة..

كرت الشاشة أو "GPU" هو المسؤول عن عرض الصور والفيديوهات والألعاب وكل الحاجات البصرية في اللابتوب. كل ما كان أقوى كل ما الجهاز اشتغل أسرع في التصميم، المونتاج، والألعاب.

طيب أنواعهم شنو؟

🛸كروت مدمجة (Integrated GPUs): ودي عادة ما تكون جزءًا من المعالج (مثل معالجات Intel و AMD) أو اللوحة الأم.. بيصرف بطارية أقل ومناسب للتصفح، مشاهدة الفيديوهات، والشغل الخفيف.

🛸كروت منفصلة (Dedicated GPUs): دا كرت شاشة إضافي مخصص لمعالجة الرسوميات الثقيلة، وهو منفصل عن المعالج المركزي (CPU) ويحتوي على ذاكرة خاصة به (VRAM)..ودا مفيد للناس الشغالين في التصميم، الجرافيك، والألعاب الثقيلة.

زي: NVIDIA GeForce RTX, GTX و AMD Radeon RX..

طيب.. كيف اعرف جهازي بيحتوي على كرت شاشة منفضل أو مدمج فقط؟

في الحقيقة في كذا طريقة:
ابسط طريقة انك تبحث عن Device Manager وتضغط على Display Adapters ح تظهر أسماء كروت الشاشة المثبتة..

ممكن برضو من خلال DirectX Diagnostic.. اضغط Windows + R عشان تفتح ليك RUN اكتب dxdiag واضغط Enter.. بعد تفتح ليك الأداة انتقل إلى Display.. ح تلقى اسم كرت الشاشة ومواصفاته ونوع الكرت، وحجم الذاكرة الخاصة بيهو.

وممكن برضو من خلال برامج زيGPU-Z..

طيب ممكن أغيرو؟ في الغالب لأ.. لأنه في اللابتوبات كرت الشاشة المنفصل عادةً يكون مدمج في اللوحة الأم أو مصمم بشكل خاص لا يسمح بفصله أو استبداله بسهولة..

في أنواع كروت شاشة خارجية (eGPU) بتتنوع من حيث المنافذ المستخدمة للاتصال، زي Thunderbolt.. وبتحتوي على مراوح لتبريد المكونات الداخلية.

عندك أي سؤال أكتبو في الكومنتات وما تنسى الشير لو المعلومات دي افادتك..

#تقنية

عرض العيد 💥💥

باوربانك انكر Anker zolo power bank

بسعة 20000mAh

يدعم الشحن السريع بقوة 30W

#بسعر 125.000 فقط

العرض مؤقت
اطلب قبل نفاذ الكمية
https://wa.me/249113803288