MAMMA BEL DAFSH

تخيلي معي كأنك بتعطي الطفل درع من ورق وبتطلبي منه يواجه فيه تحديات ومشاكل الحياة أول ما يطلع للواقع ، توقعي رح ينكسر

فالدلال الزايد عمره ما كان حب بل هو فعلياً نوع من الأذى للطفل، شرحتلك في الصورة نوع الدوامة الي بعيش فيها الطفل المدلل وهي

بتبدأ بوهم المركزية وهي لما نربي الطفل وتتلبى كل طلباته بدون أي قوانين، بيكبر وهو متوقع إنه "محور الكون" والكل لازم يخدمه بس أول ما يطلع للعالم الحقيقي (المدرسة، الأصدقاء، المجتمع) رح يكتشف إن الدنيا ما بتمشي على كيفه، وهون بتصير الصدمة

وبتالي بعديها رح تسبب النتيجة الانتكاسية لسلوك طفلك، الطفل ما تدرب على التعاون أو حل المشاكل، فبيصاب بعقدة نقص. وبتصير ردود أفعاله يا إما هجومية وعدوانية ليدافع عن نفسه، أو بينسحب وبينعزل تماماً، وهاد الأثر النفسي بيشبه الأثر اللي بيتركه التعنيف الحقيقي.

فالفكرة هون مهم نكون بحياتهم حضن دافي وحنون، بس بنفس الوقت لازم يكون في حدود واضحة وثابتة عشان نأسس طفل مرن وقادر يواجه الدنيا بثقة لان عنده المهارات الكافيه للمواجهه

‏اخيراً كلاهما يصلان إلى العجز والإعتماديه

شخصية طفلك هي نتاج ما تعرّض له من خبرات وتجارب منك كمُربي خلال فترة نموّه وتطوّره

لا للعنف، لا للدلال الزائد ❌
نعم للتربية الحازمة المتوازنه ✅

توازن لا للعنف ولا للدلال الزائد ⚖️