Mustaqbal Tech

Waa maxay switch?

Switch waa qalab ka mid ah qalabka shabakadda (network devices) oo loo isticmaalo isku xirka kombiyuutarro ama qalab kale sida printers, IP phones, iyo servers si ay ula xiriiraan midba midka kale gudaha shabakad (network) gudaha ah, gaar ahaan LAN (Local Area Network).

Sida uu u shaqeeyo:

Switch-ka wuxuu dirayaa xogta (data) si toos ah ugu socota qalabka loogu talagalay iyadoo la adeegsanayo MAC address-ka qalabka. Tani waxay ka dhigeysaa mid degdeg badan oo hufan marka la barbar dhigo hub, kaasoo u diro xogta qalab kasta.

Noocyada Switch-ka:
1. Unmanaged Switch – Way fududahay, loona baahan ma aha in la dejiyo (configure), badanaa guryaha ama xarumaha yar yar ayaa isticmaala.
2. Managed Switch – Waxaa lagu maamuli karaa software, wuxuuna bixiyaa xakameyn, amni, VLAN iyo farsamooyin kale oo horumarsan. Waxaa isticmaala xarumaha ganacsiga iyo shirkadaha waaweyn.

Faa’iidooyinka Switch-ka:
• Waxay wanaajisaa waxqabadka shabakadda.
• Waxay xaddidaa is-qabqabsiga xogta (data collisions).
• Waxay taageertaa kala saaridda (segmentation) sida VLAN.

Waa maxay Network?

Network waa isku xirka laba ama in ka badan qalab (sida kombiyuutarro, routers, switches, iwm) oo wadaaga xog ama kheyraad iyada oo la adeegsanayo hab isgaarsiin sida internetka ama cable. Waxaa jira laba nooc oo waaweyn:
• LAN (Local Area Network): Isku xirnaanta gudaha (sida guriga ama xafiiska).
• WAN (Wide Area Network): Isku xirnaanta meelaha fogfog (sida internetka guud).

Network-yadu waxay fududeeyaan wada shaqeynta, kaydinta xogta, iyo adeegyada sida email, file sharing, iyo adeegyada internetka.