TechnoSoft Repair

😂⬅️1️⃣ أول نقطة يا جماعة الخير
إذا هالفيديو ما ضرب… رح نرقص عالتيكتوك!
⬅️2️⃣ سياسة الإنستا والفيس ما بترحم 💥
⬅️3️⃣ كمان بشكر الفنيين الأكابر يلي شتغلو بهاد الجهاز، والنعم منكم ❤️🌹 فحصو بدون تخريب، ما كان في إمكانية للتصليح عندن، عادي الله يوفقكم.
🎶 ⬅️4️⃣ بتحبو موسيقى تحفيزية هيك أو شي تاني؟ عطونا رأيكم وتفاعلكم 🫡

---

القصة كاملة:
- لابتوب ASUS FX95G ما عم يقلع 🚫
- التشخيص: ممانعة ضعيفة بخط تغذية الـ PCH ⚡
- آثار صيانة سابقة؟ صفر 👌 وهذا أحلى شي!
- تم فك الشريحة والتأكد من سلامة الممانعة… سليمة ✅
- الاتفاق مع الزبون على الكلفة والكفالة قبل أي خطوة 📝
- تركيب شريحة جديدة وتجريب الجهاز… والحمدلله اشتغل فورًا 🙏
- لاحظنا تأخير بسيط بالإقلاع، رجعنا فحصنا كل الملحقات: صوت، واي فاي، شبكة… كل شي تمام 🎯
- سحبنا ملف البيوس الأساسي، عملنا Clear ME، جمعنا الجهاز وسلمناه للزبون مع كفالة شهر كاملة 🛡️

⏱ العملية كلها نص ساعة بس!
شايفين وقت ما يكون في تجارب عشوائية وتخريب كيف الحل بيكون بسيط وسريع؟

---

يمكن طولنا عليكم… تحملونا شوي 😉
يا جماعة الخير… مو كل عطل يعني النهاية!
الموضوع إنك تسأل وتعرف وين الحل الصح، لأن في شغلات موجودة حصريًا عنا 💡

---

📞 للاستفسار والتواصل: 0989000430
📍 العنوان: حلب – الجميلية، بالقرب من بيت الفروج، مقابل نادي الاتحاد
🚚 إمكانية التعامل مع متابعينا عن طريق شركات الشحن: القدموس – العودة مسارات

--
Technosoft #حلب #كفالة #تحدي

---

في كم شخص بعتولي على البوست السابق يلي فيه مليون عطل قال وين فيديوهات الفك والتركيب للشريحة حاجتكم خرط😂😂
لهيك جهزو حالكم اليوم رح تنخرطو خرط
ااااي لااااي كابتن😂😂

فاصل ونواصل لان يلي جاي بدو قعدة ومخمخة مع كاسة متة🧉🧉
جاهزين ......
شو بتتوقعو البوست القادم🫡🫡

✨ الصيانة فن… مو عن عن

ASUS TUF – قصة جهاز رجّف أعصاب نص الورشة 😅

وصل لعنا جهاز ASUS TUF من أحد مراكز دمشق…
الجهاز بدون إقلاع، وصيانات سابقة كلها فشلت، وتم تشخيص المشكلة إنها PCH تالف، وبالعادة الجواب بيكون:
“بدك بوردة جديدة”.

بس لأ… مو عنا.
نحنا مفهوم الصيانة غير، وخاصة مع أجهزة الغيمنغ.

---

🔍 الفحص الأولي
من أول نظرة شفنا آثار صيانة على:
- دارة الـ IO
- شريحة البيوس
- دارة البور

بلشنا من الأساس:
- قياسات وممانعات كاملة
- شورت على خط 3.3V LDO
- حقن فولت → الشورت طالع من IC الـ IO
- بعد الفك الممانعة سليمة (يعني عطلة صيانة سابقة)

كملنا…
- شورت على خط 1.05V الخاص بالـ PCH
- ممانعة شبه صفرية
- تم الاتفاق مع الزبون وبدأنا الشغل

---

🔧 مرحلة الإصلاح
- فكينا الـ PCH القديم → الممانعات رجعت طبيعية
- تركيب IO جديد
- تركيب PCH جديد
- فحص قبل التشغيل → كله تمام

شبكنا الشاحن…
سحب طبيعي، بس ما في 3.3VALW ولا 5VALW
بدلنا IC البور → الجهاز أقلع، وتيستر USB أعطى OK
بس لسا ما في صورة.

---

😳 المفاجآت بعد الإقلاع
1️⃣ ما في تعريف لكرت الشاشة المنفصل
2️⃣ ما في عرض على الشاشة الداخلية
3️⃣ الجهاز بطيء جداً بالإقلاع

بلشنا من الأبطأ:
البيوس
سحبنا الملف → إصلاح → Clear ME
رجع الإقلاع فول أوبشن… بس باقي المشاكل موجودة.

---

🎯 متابعة التشخيص
رجعنا لكرت الشاشة:
- ما في تغذية للكرت
- السبب: مقاومة 2.2 أوم (قيمتها… خلّوها سر 😅)
بعد التبديل → الكرت ظهر بالبيوس وتعرف عليه.

ضل مشكلة الشاشة الداخلية:
- الشاشة شغالة لكن بدون إنارة
- فيوز 19V ضارب
- فحصنا السبب → شورت على خط الإضاءة
- باستخدام الكاميرا الحرارية لقينا مكثف تالف
تم تبديله… والجهاز رجع للحياة.

---

🎉 النتيجة
الجهاز رجع كامل متكامل:
✔ إقلاع سريع
✔ كرت الشاشة شغال
✔ شاشة داخلية شغالة
✔ استقرار 100%
✔ زبون مبسوط
✔ وصيانة ترفع الراس

---

💬 سؤالنا إلكم
مرق عليكم جهاز فيه كل هالكمية من الأعطال مع بعض؟
وشو كانت قصتكم وقتها؟

وإذا وصلت لهون…
دعوة حلوة منكن بتكفّي ❤️

#شاشةسوداء #مشكلةشحن #صيانةلابتوب #صيانةبورسبلاي #صيانةراوتر #صيانةفورية #صيانةمازربورد #صيانةاحترافية #بيوس #مخططات