เว็บไซต์คืออะไร?

https://www.facebook.com/109006968410732/

Ml Channel

Name: Ml Channel
Address: Chachoengsao, TH
Telephone: +66820409370

แชร์

လဲး ပြီး...

11/02/2025

ဘီးလင်းမှာ ဆိုင်ကယ် နှစ်ယောက်စီးတဲ့ လူငယ် ၁၀ ဦးခန့် ပေါ်တာဆွဲခံရ

RFM ၊ ဖေဖော်ဝါရီလ - ၉ ရက်

မွန်ပြည်နယ်၊ ဘီးလင်းမြို့နယ်၊ အောက်ကွင်းကျေးရွာလမ်းပိုင်းတွေမှာ ဆိုင်ကယ်နှစ်ယောက်စီးတဲ့ လူငယ် ၁၀ ဦးခန့်ကို ပျူစောထီးအဖွဲ့ဦးဆောင်ကာ ပေါ်တာဆွဲဖမ်းဆီးသွားတယ်လို့ ဒေသခံတွေက ပြောပါတယ်။

ဖေဖော်ဝါရီလ ၆ ရက်နေ့က ၈ ရက်နေ့အတွင်းမှာ တောင်စွန်းကျေးရွာနဲ့ သောင်ကြီးကျေးရွာသွားလမ်းတွေ ပေါ်မှာ စစ်ကောင်စီနဲ ပျူစောထီးအဖွဲ့တွေက အရပ်ဝတ်တွေနဲ့ လက်နက်ကိုင်ပြီး ဖမ်းဆီးသွားတာလို့ ဆိုပါတယ်။

လူငယ်တွေ ဆိုင်ကယ် နှစ်ယောက်စီးတာကို အကြောင်းပြပြီးနောက် စစ်မှုထမ်းအတွက် ဖမ်းဆီးနေတာဖြစ်ပြီး ဖမ်းဆီးခံသူတွေ အားလုံးကို ဘီးလင်းမြို့ပေါ်က စစ်ကောင်စီတပ်ကို ပို့လိုက်တယ်လို့ ဖြစ်စဉ်ကို သိရှိထားရတဲ့ ဒေသခံတဦးက Rehmonnya FM ကို ပြောပါတယ်။

"အခုက စစ်မှုထမ်းအတွက်ရဖို့က နေအိမ်တွေမှာလိုက်ဖမ်းလည်း သူတို့အတွက် အန္တရာယ်များလို့ လမ်းပေါ်မှာ လူငယ်တွေကို ဆိုင်ကယ်ဖမ်းတဲ့ပုံစံအကြောင်းပြပြီး ပေါ်တာဆွဲနေတာ။ အရပ်ဝတ် mask တွေတပ်ထားပြီး တုတ်ဓားတွေ ကိုင်ဆောင်ပြီးဖမ်းတာ။ နေ့ခင်းပိုင်းနဲ့ညနေပိုင်းကို ဖမ်းနေတာ"လို့ ပြောပါတယ်။

ဖမ်းဆီးခံရသူ လူငယ်တွေဟာ သင်တောကြီး၊ သောင်ကြီးနဲ့ဝင်းကကျေးရွာတွေက အသက် ၁၆ နှစ်ကနေ ၂၃ ကြားအရွယ်ရှိ လူငယ်တွေဖြစ်ပြီး အဲဒီအထဲက လူငယ်တဦးကိုသာ မိသားစုက ငွေကျပ် သိန်း ၃၀ ပေးပြီး ပြန်ရွေးယူလာရတယ်လို့ ဆိုပါတယ်။

ကျန်လူငယ်တွေရဲ့ မိသားစုဝင်တွေကတော့ ရဲစခန်းနဲ့တပ်ရင်းတွေကိူ လိုက်လံစုံစမ်းနေပေမယ့် အဆက်အသွယ်မရသေးဘူးလို့ ဆိုပါတယ်။

အောက်ကွင်းကျေးရွာလမ်းတွေပေါ်မှာ လူငယ်တွေကို စစ်မှုထမ်းပေါ်တာဆွဲနေတာကို တောင်စွန်းကျေးရွာ အုပ်ချုပ်ရေးမှူးကြည်နိုင်၊ ယွန်းဒလင်းကုန်းအုပ်ချုပ်ရေးမှူး အောင်နိုင်တို့က ဦးဆောင်ကာ ဖမ်းဆီးနေတာလို့ ဒေသခံတွေက ပြောပါတယ်။

ဒီပြောဆိုချက်နဲ့ပတ်သက်ပြီး Rehmonnya FM အနေနဲ့ သီးခြားအတည်ပြုနိုင်ခြင်း မရှိပါဘူး။

ယခင်က ဘီးလင်းမြို့နယ်ထဲမှာ စစ်မှုထမ်းလူရဖို့ စစ်ကောင်စီနဲ့အုပ်ချုပ်ရေးအဖွဲ့တွေက နေအိမ်တွေကို ခွဲတမ်းနဲ့ငွေထည့်ခိုင်းပြီး လူစားထိုးဌာရမ်းကာ စစ်မှုထမ်းထည့်ပေးကြပါတယ်။

အဲဒီနောက် ညဘက်လမ်းတွေပေါ် အချိန်မတော်သွားလာသူတွေကိုဖမ်းဆီးသလို နေအိမ်တွေမှာ ဧည်စာရင်းစစ်ပြီး ခေါ်ဆောင်တာတွေပြုလုပ်ခဲ့တယ်လို့ သိရှိရပါတယ်။

ဘီးလင်းမြို့နယ်အတွင်းမှာ စစ်မှုထမ်းဥပဒေထုတ်ပြန်ပြီးနောက်ပိုင်း စစ်မှုထမ်းအပတ်စဥ် ၉ အထိ လူဦးရေ ၁၀၀ ကျော် စစ်မှုထမ်းဆောင်ဖို့ ခွဲတမ်းပေးခဲ့ရတယ်လို့ အုပ်ချုပ်ရေးပိုင်းနဲ့နီးစပ်သူတွေထံက သိရှိရပါတယ်။

သတင်း - Rehmonnya FM
ဓါတ်ပုံ - Social Media
ပုံစာ - စစ်ကောင်စီတပ်ဖွဲ့တွေ စစ်ဆေးမှု လုပ်ဆောင်နေစဉ် (ပုံဟောင်း)