Estadak Forum
Share
غايتنا الوحيدة.. الأهلي الموقع الرسمي لمنتدي استادك.
02/21/2025
احمد رضا المفروض كان بيلعب في دوري المحترفين من اقل من سنة و اول مرة يلعب في الدوري الممتاز كان السنة دي مع بتروجيت و يدوب لعب 9 مباريات فقط !
بس احمد النهاردة بيلعب في الاهلي عشان موهوب و متأسس ، بيلعب مدافع و وسط ملعب ، بيوجه زمايله في الملعب لمسارات اللعب الصحيحه
بيعرف يخلي نفسه من الرقابه و بيتحرك للمساحات و بيفتح زوايا تمرير لنفسه ، لعبه دايما عمودي و عايز يطور الهجمه ، بيعرف يمرر بقدمه اليسري مع انها قدمه الضعيفه !
احمد النهاردة لعب اول مباراة كاساسي مع الاهلي و كإنه لاعب خبره علي قديمه لدرجة انه بيعمل تمريره بينيه لامام عاشور و صنع له انفراد صريح و هو مش باصص عليه اصلا !
و لما امام عاشور ضيع الانفراد زعل جدا و كان متغاظ و فضل يتنطط !
احمد النهاردة سجل هدف عالمي من خارج منطقه الجزاء ، خد القرار من غير تكلف و من غير كسوف و من غير خوف !
احمد من اقل من سنة كان في الدرجة التانية
النهاردة بيلعب في الاهلي
النهاردة بيسجل في اول مباراة لي مع الاهلي
النهاردة بيتصور جنب كاس العالم للاندية
الكورة دايما بتدي اللاعب الموهوب و المجتهد و الشجاع اللي عنده شخصيه قوية ، و احمد رضا بيمتلك التلاتة ❤️
Click here to claim your Sponsored Listing.
