Saif Awad

ﺩﺍﻳﺮﻩ ﺍﻭﺻﻴﻚ ﻳﺎ ﺑﻨﻴﻪ ﻓﻲ ﺯﻣﻦ ﻓﻘﺪ
ﺍﻟﻮﺻﻴﻪ
ﺍﻟﻨﺼﻴﺤﻪ ﺗﺒﻘﻲ ﻣﺎﻓﻲ ﻭﺍﻟﺒﻌﺮﻓﻮ ﺍﻟﺤﺐ
ﺷﻮﻳﻪ
ﺍﻟﺒﻐﺶ ﺍﻟﻨﺎﺱ ﺑﻌﻴﺶ ﻭﺍﻟﺒﺤﺐ ﺑﺎﻟﺠﺪ
ﺿﺤﻴﻪ
ﻓﻲ ﺍﻟﺒﻴﺴﺮﻕ ﻓﻲ ﺍﻟﺒﻴﻨﻬﺐ ﻭﻓﻲ
ﺍﻟﺒﻴﺨﻄﻒ ﺯﻱ ﺣﺪﻳﻪ
ﻓﻲ ﺍﻟﺒﺮﻳﺪﻙ ﺭﻳﺪﺓ ﺻﺎﻓﻴﻪ ﻭﻓﻲ ﺍﻟﺒﺠﻴﻚ
ﻧﺎﻭﻱ ﻧﻴﻪ
ﻭﻓﻲ ﺍﻟﺘﻘﻮﻟﻲ ﻋﻠﻴﻬﻮ ﻭﺍﻋﻲ ﻭﻳﺒﻘﻲ ﻓﻲ
ﺍﻻﺧﺮ ﺍذﻳﻪ
ﺧﻠﻲ ﻋﻘﻠﻚ ﺻﺎﻓﻲ ﺟﻮﺍﻙ ﻣﺎ ﺣﺘﻮﻗﻌﻲ
ﻓﻲ ﺍﻟﻬﻮﻳﻪ
ﺷﻴﻠﻲ ﻣﻦ ﺟﻮﺍﻛﻲ ﺧﺎﻃﺮﺓ ﺍﺳﻤﻬﺎ
ﺍﻟﺤﺐ ﻭﺍﻟﺒﻠﻴﻪ
ﺑﻜﺮﺓ ﻳﻠﻌﺐ ﺑﻴﻜﻲ ﻭﺍﺣﺪ ﻭﺍﻧﺘﻲ ﺭﻭﺣﻚ
ﻟﺴﻪ ﻧﻴﻪ
ﺑﺎﺑﺘﺴﺎﻣﺔ ﺟﻤﻴﻠﻪ ﻣﻨﻮ ﻭﺳﺎﻋﻪ ﻓﻲ
ﺻﻨﺪﻭﻕ ﻫﺪﻳﻪ
ﺗﻠﻘﻲ ﻧﻔﺴﻚ ﺗﺎﻳﻬﻪ ﺟﻮﺍﻙ ﺗﻔﻘﺪﻱ ﺯﻣﺎﻡ
ﺍﻟﻘﻀﻴﻪ
ﻭﺗﺒﻘﻲ ﻓﻲ ﺍﻻﺧﺮ ﻣذﻟﻪ ﻫﻮ ﺍﻟﺒﻘﻮﻟﻮ
ﺍﻟﻨﺎﺱ ﺷﻮﻳﻪ
ﺍﻟﺒﺠﻴﻚ ﺑﺎﻟﺒﺎﺏ ﺣﺒﺎﺑﻮ ﻭﺍﻟﺒﻨﻂ ﺍﻟﺴﻮﺭ
ﺍﻛﻮﻳﻬﻮ ﻛﻴﻪ
ﻭﺍﺑﻘﻲ ﻋﺸﺮﺓ ﻳﺎ ﺑﻨﻴﻪ ...

فاكر نفسك لاعب بيها؟
مرجيحة تلاعبك و إت مبسوط
قلبك مسكين أمن ليها
خشبة وعراضة حبل مربوط
مابين عاليها و واطيها
واطيها الغم والدنيا تجوط
أهي بس أيام بنعديها
إحساس أفراح بالهم مخلوط

مابين جرة شهقة و زفرة
مسكين الوطن المترتو و مجنونة خيالات الفكرة
وعلشان ما تحس بي إنك فوق
لابد غيرك يديك دفرة
وقبال ما تشمو نسيم النيل
لازم تعرف ريحة الغبرة
و أكيد قبل دموع الفرحة
حيضوق حلقك طعم العبرة

حبيتك بي منطق شفع
ما عرفو الحب غير بالفطرة
يتشابو عشان يلمسو غيمة
و يمدو كفوفم للقمرة
يتشبكو فيها و اذا غابت
عينيهم تفضل منتظرة
دمعاتم تجري إذا صد
المحبوب أو غير في النبرة
و إذا جرحت هواهم يوم
بس أضحك والجرح حيبرا

حبيتك وقالو الحب نعمة
والريدة الهين تجريحا
شفافة كما موية الكلمة
واللهفة الزايدة تباريحا
سايقاني خطاها علي الضلمة
و أشواقي المترامية طريحة
ماعرفت إنو الحب أعمى
و بتطوطح متل المرجيحة

يا عاشق وواصلك طرف السوط
فاكر نفسك لاعب بيها؟؟

مرجيحة تلاعبك وإت مبسوط
قلبك مسكين آمن ليها
خشبة وعراضة حبل مربوط
مابين عاليها و واطيها
واطيها الغم والدنيا تجوط
أهي بس أيام بنعديها
إحساس أفراح بالهم مخلوط

وئام كمال الدين